កងកម្លាំងយោធារុស្ស៊ីទទួលបាននូវគ្រាប់មីស៊ីលជាលើកដំបូង ដែលត្រូវបានរចនាឡើងសម្រាប់ការដាក់ពង្រាយ នៅក្នុងតំបន់អាក់ទិច ដែលជាតំបន់មួយ ដែលរុស្ស៊ីកំពុងប្រជែងឥទ្ធិពលជាមួយសហរដ្ឋអាមេរិក។
ក្រសួងការពារជាតិរុស្ស៊ីបាននិយាយថា កងកម្លាំងរបស់ខ្លួនទទួលបាននូវប្រព័ន្ធមីស៊ីលជាលើកដំបូងប្រឆាំងទៅនឹងយន្តហោះចម្បាំង ដែលប្រព័ន្ធនេះហៅថា M2DT។
សាររបស់លោកពូទីនបានសរសេរថា «បច្ចុប្បន្ននេះ តំបន់អាក់ទិកដើរតួនាទីជាយុទ្ធសាស្ត្រសម្រាប់ប្រទេសរុស្ស៊ី។ សព្វថ្ងៃនេះយើងកំពុងពង្រឹងវត្តមានរបស់យើង នៅក្នុងតំបន់អនុវត្តគម្រោងស្រាវជ្រាវវិទ្យាសាស្ត្រ និងកម្មវិធីធំ ៗ សម្រាប់ការអភិវឌ្ឍពាណិជ្ជកម្ម និងសេដ្ឋកិច្ច និងការផ្លាស់ប្តូរគម្រោងហេដ្ឋារចនាសម្ព័ន្ធប្រកបដោយមហិច្ឆតារបស់យើង។ យើងក៏ដឹងផងដែរអំពីសារៈសំខាន់នៃការអភិរក្សបរិស្ថាន និងភាពសម្បូរបែបនៃដែនដីប៉ូល និងអនុតំបន់ប៉ូល»។
កាលពីដើមខែនេះ កងកម្លាំងសន្ដិសុខទី ៣៥៤ របស់កងទ័ពអាកាសអាមេរិកបានធ្វើសមយុទ្ធ Arctic Gold 19-2 នៅឯមូលដ្ឋានកងទ័ពអាកាស Eielson ។ ការធ្វើសមយុទ្ធនេះ មានគោលបំណងត្រៀមកងទ័ពអាកាសដើម្បីការពារប្រឆាំងនឹងការគម្រាមកំហែងពីបរទេស និងក្នុងស្រុក៕
Home ព្រឹត្តិការណ៍ថ្មីៗ រុស្ស៊ីទទួលបានគ្រាប់មីស៊ីលថ្មីបន្ថែមទៀត ខណៈដែលសហរដ្ឋអាមេរិកកំពុងសម្លឹងមើលទៅភាគខាងជើង