សារព័ត៌មានស្ពុតនិកបានចេញផ្សាយនៅថ្ងៃទី៤ សីហានេះថា កូរ៉េខាងជើងនៅតែមិនបានបញ្ឈប់កម្មវិធីអាវុធនុយក្លេអ៊ែររបស់ខ្លួននៅឡើយទេ ដោយបានបន្តរំលោភលើទណ្ឌកម្មអង្គការសហប្រជាជាតិ។ នេះបើតាមសារព័ត៌មានរ៉យទ័រ ដែលបានដកស្រង់នូវរបាយការណ៍ពីអង្គការសហប្រជាជាតិ។
របាយការណ៍រយៈពេល ៦ខែ ដែលធ្វើឡើងដោយអ្នកជំនាញឯករាជ្យឃ្លាំមើលលើការអនុវត្តនៃការដាក់ទណ្ឌកម្មទៅលើកូរ៉េខាងជើង ត្រូវបានដាក់ជូនទៅកាន់គណកម្មធិការក្រុមប្រឹក្សាសន្តិសុខសម្រាប់ការដាក់ទណ្ឌកម្ម ទៅលើកូរ៉េខាងជើង កាលពីថ្ងៃសុក្រ។ នេះបើតាមរបាយការណ៍ពីសារព័ត៌មានរ៉យទ័រ។
កាលពីព្រឹកថ្ងៃនេះ បេសកកម្មសហរដ្ឋអាមេរិកប្រចាំអង្គការសហប្រជាជាតិបានដាក់សំណើទៅក្រុមប្រឹក្សាសន្តិសុខ ដើម្បីដាក់ទណ្ឌកម្មថ្មី ប្រឆាំងទៅនឹងកូរ៉េខាងជើង។
ក្រសួងការបរទេសអាមេរិកបាននិយាយនៅក្នុងសេចក្តីថ្លែងការណ៍មួយកាលពីថ្ងៃសុក្រថា រដ្ឋមន្ត្រីការបរទេសអាមេរិកលោក Mike Pompeo នៅក្នុងកិច្ចប្រជុំមួយនៅសិង្ហបុរីជាមួយរដ្ឋមន្ត្រីការបរទេសចិន លោក វ៉ាង យីបានសង្កត់ធ្ងន់លើសេចក្តីត្រូវការ ក្នុងការអនុវត្តលើសេចក្តីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិ ទៅលើកូរ៉េខាងជើង។
សេចក្តីថ្លែងការណ៍បាននិយាយកាលពីថ្ងៃសុក្រថា លោក Pompeo បានសង្កត់ធ្ងន់ទៅលើការប្តេជ្ញាចិត្តរួមគ្នា ចំពោះការបញ្ចប់នុយក្លេអ៊ែរ ដែលត្រូវបានផ្ទៀងផ្ទាត់ពេញលេញរបស់កូរ៉េខាងជើង ... ក៏ដូចជាសារៈសំខាន់នៃការអនុវត្តជាបន្តទៀតនូវរាល់សេចក្តីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិដែលពាក់ព័ន្ធទាំងអស់។
កាសែតវ៉ាស៊ីនតោនប៉ុស្តិ៍បាននិយាយកាលពីថ្ងៃចន្ទដោយលើកឡើងពីមន្ត្រីមិនបញ្ចេញឈ្មោះ ដែលបានទទួលព័ត៌មានពីទីភ្នាក់ងារស៊ើបការសម្ងាត់អាមេរិកថា ទីភ្នាក់ងារបានមើលឃើញពីសញ្ញាមួយដែលថា ទីក្រុងព្យុងយ៉ាងកំពុងតែអភិវឌ្ឍន៍មីស៊ីលអន្តរទ្វីបប្រភេទថ្មីបន្ថែមទៀតហើយ ដែលប្រភេទមីស៊ីលស៊េរីថ្មីនេះ អាចមានសមត្ថភាពបាញ់ដល់ដីគោកអាមេរិកបាន៕DNT-NEWS
កាលពីព្រឹកថ្ងៃនេះ បេសកកម្មសហរដ្ឋអាមេរិកប្រចាំអង្គការសហប្រជាជាតិបានដាក់សំណើទៅក្រុមប្រឹក្សាសន្តិសុខ ដើម្បីដាក់ទណ្ឌកម្មថ្មី ប្រឆាំងទៅនឹងកូរ៉េខាងជើង។
ក្រសួងការបរទេសអាមេរិកបាននិយាយនៅក្នុងសេចក្តីថ្លែងការណ៍មួយកាលពីថ្ងៃសុក្រថា រដ្ឋមន្ត្រីការបរទេសអាមេរិកលោក Mike Pompeo នៅក្នុងកិច្ចប្រជុំមួយនៅសិង្ហបុរីជាមួយរដ្ឋមន្ត្រីការបរទេសចិន លោក វ៉ាង យីបានសង្កត់ធ្ងន់លើសេចក្តីត្រូវការ ក្នុងការអនុវត្តលើសេចក្តីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិ ទៅលើកូរ៉េខាងជើង។
សេចក្តីថ្លែងការណ៍បាននិយាយកាលពីថ្ងៃសុក្រថា លោក Pompeo បានសង្កត់ធ្ងន់ទៅលើការប្តេជ្ញាចិត្តរួមគ្នា ចំពោះការបញ្ចប់នុយក្លេអ៊ែរ ដែលត្រូវបានផ្ទៀងផ្ទាត់ពេញលេញរបស់កូរ៉េខាងជើង ... ក៏ដូចជាសារៈសំខាន់នៃការអនុវត្តជាបន្តទៀតនូវរាល់សេចក្តីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិដែលពាក់ព័ន្ធទាំងអស់។
កាសែតវ៉ាស៊ីនតោនប៉ុស្តិ៍បាននិយាយកាលពីថ្ងៃចន្ទដោយលើកឡើងពីមន្ត្រីមិនបញ្ចេញឈ្មោះ ដែលបានទទួលព័ត៌មានពីទីភ្នាក់ងារស៊ើបការសម្ងាត់អាមេរិកថា ទីភ្នាក់ងារបានមើលឃើញពីសញ្ញាមួយដែលថា ទីក្រុងព្យុងយ៉ាងកំពុងតែអភិវឌ្ឍន៍មីស៊ីលអន្តរទ្វីបប្រភេទថ្មីបន្ថែមទៀតហើយ ដែលប្រភេទមីស៊ីលស៊េរីថ្មីនេះ អាចមានសមត្ថភាពបាញ់ដល់ដីគោកអាមេរិកបាន៕DNT-NEWS
