បន្ទាប់ពីបែកគ្នាអស់រយៈពេលជិត២០ឆ្នាំ នៃការសាងស្នាដៃ រួមគ្នាអតីតតារាសម្ដែងជើងចាស់ទាំងពីរលោកយស បូវណ្ណៈ និងអ្នកនាងចាន់ តារាទី បានអោបរិតគ្នាយ៉ាងរំភើបចិត្ដនៅមុខមហាជនរហូតធ្វើឲ្យអ្នកខ្លះស្ទើរតែទប់ទឹកភ្នែកពុំបាន ខណៈលោកយស បូវណ្ណៈ បានឈានជើងមកដល់ព្រលានយន្ដហោះភ្នំពេញភ្លាម ដើម្បីមកសម្ដែងរួមគ្នានៅក្នុងរឿង «លោកឪពុក» ជាវណ្ណកម្មរបស់ផលិតកម្មមហាហង្ស។
លោកយស បូវណ្ណៈអតីតតារាសម្តែងមានឈ្មោះបោះសម្លេងដែលប្រជាជនខ្មែរបានស្គាល់យ៉ាងច្បាស់កាលពីទស្សវត្សទី៨០នង៩០បានធ្វើដំណើរមកទឹកដីកំណើតជាថ្មីថ្ងៃទី២ ធ្នូ ឆ្នាំ២០១៨ បន្ទាប់ពីខានមកកម្ពុជាជាង១០ឆ្នាំទៅហើយ។
អ្វីដែលគួរអោយរំភើបចិត្ដនោះគេឃើញមានតារាសម្ដែងស្រករក្រោយជាច្រើនបានទៅចូលរួមទទួលដំណើរលោកយស បូវណ្ណៈ ក្នុងនោះអ្នកនាងចាន់ តារាទី បានសម្ដែងនូវអារម្មណ៍រភើបជាងគេដោយសារតែតារាសម្ដែងពីរដួងនេះ ធ្លាប់បានសាងស្នាដៃរួមគ្នាផងដែរដូចជានៅក្នុងរឿង«ចង់ដឹងសាកលមើល?»។
ជាមួយគ្នានេះដែរលោក យស បូវណ្ណៈ បានបញ្ជាក់ថា ថ្វីដ្បិតតែលោកបានទៅរស់នៅបរទេសក៏ពិតមែន ប៉ុន្ដែជារឿយៗលោកតែងតែទទួលយកការសម្ដែងឲ្យផលិតកម្មនៅក្រៅប្រទេសផងដែរ ដោយសារតែលោកជាប់ឈាមជាអ្នកសិល្បៈយ៉ាងដិតដាមបំផុត។ ដូច្នេះហើយទើបលោកសម្រេចចិត្ដចាយពេលវេលារយៈពេលជិតមួយខែ ដើម្បីសម្ដែងរឿង«លោកឪពុក» ។ ជាងនេះតារាសម្ដែងជើងចាស់រូបនេះបានបញ្ជាក់ថា លោកមានក្ដីរំភើបដោយសារតែបានមានឱកាសមកបង្ហាញទេពកោសល្យសម្ដែងសម្រាប់បម្រើឲ្យប្រជាជនខ្មែរសាជាថ្មី ពិសេសបានរួមការងារជាមួយដៃគូចាស់តាំងពីជំនាន់ទសវត្សទី៩០។
ដោយឡែកអ្នកនាងចាន់ តារាទី បានបញ្ជាក់ពីអារម្មណ៍ផ្ទាល់ខ្លួនថា«ខ្ញុំមានអារមុ្មណ៍រំភើបខ្លាំងណាស់ដោយសារបានជួបសម្ដែងជាមួយលោកយស បូវណ្ណៈ ដែលជាគូសម្ដែងចាស់ពីមុនមកហើយមានអារម្មណ៍ថា ដូចជាបានសម្ដែងនាទសវត្សទី៩០ដូច្នេះដែរ»។ តារាសម្ដែងជើងចាស់ ដែលកំពុងមានប្រជាប្រិយភាពរូបនេះបានប្រាប់បន្ថែមថា លោកយស បូវណ្ណៈ មិនត្រឹមតែជាសិល្បៈករមួយរូបមានទេពកោសល្យក្នុងការសម្ដែងប៉ុណ្ណោះទេ លោកគឺជាមនុស្សមានចំណេះដឹង គឺជាទីគោរពមានភាពរួសរាយ លេងសើច ប៉ុន្ដែមានភាពហ្មត់ចត់ជាមួយការងារដែលធ្វើឲ្យអ្នកនាងនៅចាំអនុស្សាវរីយ៍ទាំងនោះមិនភ្លេចឡើយ។
គួរបញ្ជាក់ថា នេះជាលើកទី៤ហើយដែលោកយស បូវណ្ណៈ បានមកលេងមាតុភូមិកំណើត គ្រាដែលបច្ចុប្បន្នលោកមានវ័យជាង៥០ឆ្នាំទៅហើយ។ ពិសេសគ្មាននរណាអាចស្មានដឹងថាលោកឃ្លាតពីសិល្បៈច្រើនឆ្នាំ បែរជានៅតែដឹតដាមអារម្មណ៍ជាមួយការម្ដែងដូច្នេះសោះ។ ខណៈទសវត្ស៩០ លោកបានសម្ដែងរឿងជាច្រើនដូចជារឿង រឿង «ទាសីស្នេហ៍» (សម្តែងរួមជាមួយ ចាន់តារាទី) និងក្រោយៗមកទៀត ជាមួយ អ្នកនាង សុខ ស្រីមុំ, កែវ កល្យាណ និង «បិទភ្នែកហែកទ្រូង» (សម្ដែងជាមួយ អ្នកនាង អម្ពរ ទេវី ),រឿង «ព្រាននារីអស់លក្ខណ៍» (សម្ដែង ជាមួយ អ្នក នាង អ៊ុ សុវណ្ណនី) ,តារាៗល្បីៗជាច្រើនទៀត៕
ជាមួយគ្នានេះដែរលោក យស បូវណ្ណៈ បានបញ្ជាក់ថា ថ្វីដ្បិតតែលោកបានទៅរស់នៅបរទេសក៏ពិតមែន ប៉ុន្ដែជារឿយៗលោកតែងតែទទួលយកការសម្ដែងឲ្យផលិតកម្មនៅក្រៅប្រទេសផងដែរ ដោយសារតែលោកជាប់ឈាមជាអ្នកសិល្បៈយ៉ាងដិតដាមបំផុត។ ដូច្នេះហើយទើបលោកសម្រេចចិត្ដចាយពេលវេលារយៈពេលជិតមួយខែ ដើម្បីសម្ដែងរឿង«លោកឪពុក» ។ ជាងនេះតារាសម្ដែងជើងចាស់រូបនេះបានបញ្ជាក់ថា លោកមានក្ដីរំភើបដោយសារតែបានមានឱកាសមកបង្ហាញទេពកោសល្យសម្ដែងសម្រាប់បម្រើឲ្យប្រជាជនខ្មែរសាជាថ្មី ពិសេសបានរួមការងារជាមួយដៃគូចាស់តាំងពីជំនាន់ទសវត្សទី៩០។
ដោយឡែកអ្នកនាងចាន់ តារាទី បានបញ្ជាក់ពីអារម្មណ៍ផ្ទាល់ខ្លួនថា«ខ្ញុំមានអារមុ្មណ៍រំភើបខ្លាំងណាស់ដោយសារបានជួបសម្ដែងជាមួយលោកយស បូវណ្ណៈ ដែលជាគូសម្ដែងចាស់ពីមុនមកហើយមានអារម្មណ៍ថា ដូចជាបានសម្ដែងនាទសវត្សទី៩០ដូច្នេះដែរ»។ តារាសម្ដែងជើងចាស់ ដែលកំពុងមានប្រជាប្រិយភាពរូបនេះបានប្រាប់បន្ថែមថា លោកយស បូវណ្ណៈ មិនត្រឹមតែជាសិល្បៈករមួយរូបមានទេពកោសល្យក្នុងការសម្ដែងប៉ុណ្ណោះទេ លោកគឺជាមនុស្សមានចំណេះដឹង គឺជាទីគោរពមានភាពរួសរាយ លេងសើច ប៉ុន្ដែមានភាពហ្មត់ចត់ជាមួយការងារដែលធ្វើឲ្យអ្នកនាងនៅចាំអនុស្សាវរីយ៍ទាំងនោះមិនភ្លេចឡើយ។
គួរបញ្ជាក់ថា នេះជាលើកទី៤ហើយដែលោកយស បូវណ្ណៈ បានមកលេងមាតុភូមិកំណើត គ្រាដែលបច្ចុប្បន្នលោកមានវ័យជាង៥០ឆ្នាំទៅហើយ។ ពិសេសគ្មាននរណាអាចស្មានដឹងថាលោកឃ្លាតពីសិល្បៈច្រើនឆ្នាំ បែរជានៅតែដឹតដាមអារម្មណ៍ជាមួយការម្ដែងដូច្នេះសោះ។ ខណៈទសវត្ស៩០ លោកបានសម្ដែងរឿងជាច្រើនដូចជារឿង រឿង «ទាសីស្នេហ៍» (សម្តែងរួមជាមួយ ចាន់តារាទី) និងក្រោយៗមកទៀត ជាមួយ អ្នកនាង សុខ ស្រីមុំ, កែវ កល្យាណ និង «បិទភ្នែកហែកទ្រូង» (សម្ដែងជាមួយ អ្នកនាង អម្ពរ ទេវី ),រឿង «ព្រាននារីអស់លក្ខណ៍» (សម្ដែង ជាមួយ អ្នក នាង អ៊ុ សុវណ្ណនី) ,តារាៗល្បីៗជាច្រើនទៀត៕
