(រដ្ឋធានីវ៉ាស៊ីនតោន)៖ សារព័ត៌មានអាល់ចាហ្ស៊ីរ៉ា បានចេញផ្សាយនៅថ្ងៃទី២០ ធ្នូនេះថា ប្រធានាធិបតីសហរដ្ឋអាមេរិក លោកដូ ណលត្រាំបានប្រកាសពីការដកកងទ័ពរបស់ខ្លួនដែលមានចំនួន ២ពាន់នាក់ចេញពីប្រទេសស៊ីរី ខណៈដែលលោកបានប្រកាសអំពីជ័យជំនះលើក្រុមភេរវករអាយស៊ីសនៅក្នុងប្រទេសនេះ ដែលទង្វើនេះត្រូវបានប្រឆាំងដោយសមាជិកមកពីគណបក្សសាធារណរដ្ឋ។
លោក ត្រាំបាននិយាយកាលពីថ្ងៃពុធ ដោយនិយាយសំដៅទៅក្រុមប្រដាប់អាវុធ ដែលធ្លាប់បានគ្រប់គ្រងតំបន់ដ៏ធំនៃប្រទេសស៊ីរី និងអ៊ីរ៉ាក់ ដែលឥឡូវនេះបានគ្រប់គ្រងតិចតួចថា «យើងបានយកឈ្នះលើក្រុមអាយស៊ីសនៅក្នុងប្រទេសស៊ីរី នេះគឺជាហេតុផលរបស់ខ្ញុំដែលយើងបានស្ថិតនៅទីនោះនៅក្នុងភាពជាប្រធានាធិបតីរបស់ខ្ញុំ»។
មន្ត្រីអាមេរិកបាននិយាយថា ព័ត៌មានលម្អិតនៃការដកកងទ័ពនៅតែមិនទាន់ត្រូវបានបញ្ចប់នៅឡើយទេ ប៉ុន្តែពួកគេរំពឹងថា កងកម្លាំងប្រទេសរបស់ពួកគេ នឹងត្រូវដកចេញនៅពាក់កណ្តាលខែ មករា។
ទីក្រុងវ៉ាស៊ីនតោនបានចាប់ផ្តើមការវាយឆ្មក់តាមអាកាសនៅប្រទេសស៊ីរីក្នុងឆ្នាំ ២០១៤ មួយឆ្នាំ មុនពេលកងទ័ពថ្មើរជើងសហរដ្ឋអាមេរិកបានប្រឡូកក្នុងការវាយប្រយុទ្ធជាមួយក្រុមរដ្ឋអ៊ីស្លាមនៅក្នុងប្រទេសអ៊ីរ៉ាក់ និងក្រុមភេរវករដែលពាក់ព័ន្ធទៅនឹងក្រុមអាយស៊ីស ក្រុមប្រដាប់អាវុធ និងក្រុមបះបោរស៊ីរីដែលមានការហ្វឹកហាត់។
កាលពីថ្ងៃពុធ លោកត្រាំបានប្រកាសអំពីបេសសកកម្មរបស់ពួកគេ ដែលបានទទួលជោគជ័យ។ លោកត្រាំបាននិយាយថា «ឥឡូវនេះ វាដល់ពេលដែលកងទ័ពរបស់យើងវិលត្រឡប់មកផ្ទះសម្បែងវិញហើយ»។
កាលពីពេលថ្មីៗកន្លងទៅនេះ សារព័ត៌មាន News Week បានសរសេរថា រុស្ស៊ីកពុងតែតម្លើងសាច់ដុំរបស់ខ្លួនយ៉ាងសម្បើមតាមរយៈការសាកល្បងគ្រឿងសព្វាវុធគ្រប់ប្រភេទ ដើម្បីពង្រីកឥទ្ធិពលរបស់ខ្លួន ដោយនឹងធ្វើយ៉ាងណាឲ្យអាមេរិកសម្រេចចិត្តដកកងទ័ពរបស់ខ្លួនចេញពីប្រទេសសម្ព័ន្ធមិត្តរបស់ខ្លួន។
រុស្ស៊ីធ្លាប់គម្រាមហើយថា វត្តមានកងទ័ពអាមេរិកនៅក្នុងប្រទេសនេះ គឺជាការបង្កើនហានិភ័យមួយ ជាមួយកងទ័ពរបស់ខ្លួន នៅក្នុងប្រទេសនេះ។ អ្នកវិភាគ ដែលសារព័ត៌មាន News Week តែងដាក់ជានិច្ចនៅលើគេហទំព័ររបស់ខ្លួនឲ្យតែទាក់ទងទៅនឹងរឿងស៊ីរី ដោយនិយាយថា វត្តមានអាមេរិកនៅក្នុងប្រទេសស៊ីរីមិនទទួលបានផលអ្វីសោះ។ អ្វីដែលសំខាន់សម្រាប់អាមេរិក គឺការដកទ័ពរបស់ខ្លួនចេញពីប្រទេសនេះ ដើម្បីធានានូវថសន្តិសុខ និងវិបុលភាពសម្រាប់ប្រទេសរបស់ខ្លួន។ កងទ័ពត្រឹម ២ពាន់នាក់នឹងមិនទទួលបានអ្វីជាដុំកំភួននោះទេ។ វត្តមានសហរដ្ឋអាមេរិកនៅស៊ីរី មិនអាចធ្វើឲ្យអាមេរិកមានឥទ្ធិពលខ្លាំងនៅទីនោះទេ៕
Home ព្រឹត្តិការណ៍ថ្មីៗ លោកត្រាំប្រកាសជាផ្លូវការអំពីការដកកងទ័ពរបស់ខ្លួនចេញពីប្រទេសស៊ីរី