សារព័ត៌មាន CNN បានចេញផ្សាយនៅថ្ងៃទី២១ ធ្នូនេះថា ក្រសួងរតនាគារសហរដ្ឋអាមេរិកបានប្រកាសពីទណ្ឌកម្មថ្មីកាលពីថ្ងៃពុធប្រឆាំងទៅនឹងអង្គភាព និងបុគ្គលរុស្ស៊ី ដែលសហរដ្ឋអាមេរិកបានចោទប្រកាន់ថាមិនអើពើទៅនឹងបទដ្ឋានអន្តរជាតិ។
ការដាក់ទណ្ឌកម្មនេះ ត្រូវបានប្រកាសប្រឆាំងនឹងអង្គភាពនានា ដែលត្រូវបានភ្ជាប់ទៅនឹងគម្រោង «Lakhta» ដែលក្រសួងរតនាគារបាននិយាយថា គឺជាផ្នែកមួយនៃកិច្ចខិតខំប្រឹងប្រែងដែលជាប់ទាក់ទងទៅនឹងទីភ្នាក់ងារស្រាវជ្រាវនៅលើបណ្តាញអ៊ីនធឺណេតដ៏ល្បីល្បាញ និងការសម្លាប់រង្គាលនាពេលបច្ចុប្បន្ន និងអតីតសមាជិក GRU ដែលជាសេវាកម្មស៊ើបការណ៍សម្ងាត់រុស្ស៊ី ដើម្បីព្យាយាមធ្វើឱ្យមានឥទ្ធិពលលើ ការបោះឆ្នោតប្រធានាធិបតីអាមេរិកឆ្នាំ ២០១៦។
ការប្រកាសនេះក៏មានឈ្មោះ អង្គភាព GRU (ដែលជាសេវាកម្មស៊ើបការណ៍សម្ងាត់រុស្ស៊ី) និងមន្ត្រីស៊ើបការណ៍សម្ងាត់រុស្ស៊ីផងដែរ ដែលត្រូវបានគេចោទប្រកាន់ថាបានកំណត់គោលដៅលើភ្នាក់ងារប្រឆាំងគ្រឿងញានលើពិភពលោក អង្គការសម្រាប់ការហាមឃាត់អាវុធគីមី និងអង្គការអន្តរជាតិដទៃទៀត ដោយប្រើបច្ចេកវិទ្យាវាយប្រហារតាមប្រព័ន្ធអ៊ីនធឺណែត។
នៅចុងបញ្ចប់ សេចក្តីប្រកាសនេះបានដាក់ឈ្មោះ លោក Alexander Petrov និង Ruslan Boshirov ជាមន្ត្រី GRU ដែលទទួលខុសត្រូវចំពោះការវាយប្រហារទៅលើអតីតភ្នាក់ងាររុស្ស៊ីលោក Sergei Skripal និងកូនស្រីរបស់គាត់ឈ្មោះ Yulia ។
សេចក្តីប្រកាសស្តីពីទណ្ឌកម្មថ្មីបានធ្វើឡើងនៅក្នុងថ្ងៃដូចគ្នា ដែលក្រសួងរតនាគារសហរដ្ឋអាមេរិកបានប្រកាសថា ខ្លួននឹងដកទណ្ឌកម្មពីក្រុមហ៊ុនធំៗរបស់រុស្ស៊ី ។ ទណ្ឌកម្មនេះក៏បានសម្តៅទៅដល់ឈ្មោះ Victor Alekseyevich Boyarkin ដែលក្រសួងរតនាគារអាមេរិកបានហៅថា ជាអតីតមន្ត្រី GRU ដែលបានរយាការណ៍ដោយផ្ទាល់ទៅកាន់ម្ចាស់ក្រុមហ៊ុន Deripaska ដែលអាមេរិកបានដាក់ទណ្ឌកម្ម៕
