បទបញ្ជាក្នុងការដកទ័ពអាមេរិកចេញពីប្រទេសស៊ីរីត្រូវបានចុះហត្ថលេខារួចហើយ។ នេះបើតាមប្រព័ន្ធផ្សព្វផ្សាយក្នុងស្រុក ដែលបានរាយការណ៍ដោយបានស្រង់ពីមន្ត្រីការពារជាតិ។
មន្ត្រីការពារជាតិមួយរូបទៀតបានប្រាប់ទូរទស្សន៍ CNN ថាការបញ្ជានេះ ត្រូវបានចុះហត្ថលេខាដោយលោក James Mattis រដ្ឋមន្ត្រីក្រសួងការពារជាតិអាមេរិករួចហើយ។ យោង CNN បានបញ្ជាក់ថា ការបញ្ជាដកទ័ពនេះ បញ្ជាក់ពីរបៀប និងពេលដែលកងទ័ពអាមេរិកនឹងត្រូវដកចេញពីប្រទេសស៊ីរី ប៉ុន្តែមិនបានបញ្ជាក់ពីពេលវេលាជាក់លាក់នោះទេ។
កាលពីពេលថ្មីៗនេះ បន្ទាប់ពីលោកត្រាំវបានប្រកាសពីការចូលនិវត្តន៍របស់លោករដ្ឋមន្ត្រីការពារជាតិអាមេរិក លោកម៉ាទីសបាននិយាយថា លោកមិនចូលនិវត្តន៍នោះទេ ប៉ុន្តែលោកបានលាលែងពីតំណែង ដែលការប្រកាសរបស់លោកនេះបានធ្វើឡើងបន្ទាប់ពីលោកត្រាំបានបញ្ជាឲ្យមានការដកទ័ពចេញពីប្រទេសស៊ីរី៕
Home ព្រឹត្តិការណ៍ថ្មីៗ បទបញ្ជារក្នុងការដកទ័ពអាមេរិកចេញពីប្រទេសស៊ីរីត្រូវបានចុះហត្ថលេខាហើយ នៅទីបំផុត