កាលពីថ្ងៃអាទិត្យទី២៣ ធ្នូម្សិលមិញ ឥណ្ឌាបានធ្វើការសាកល្បងគ្រាប់មីស៊ីល Agni-IV ប្រកបដោយជោគជ័យនៅក្នុងរយៈចម្ងាយសាកល្បងសមាហរណកម្មស្ថិតនៅកោះ Adul Kalam នេះបើតាមកាសែត The Economic Times ដែលបានរាយការណ៍ដោយបានស្រង់ពីអង្គការអភិវឌ្ឍន៍ និងស្រាវជ្រាវការពារជាតិឥណ្ឌា។
ប្រភពពីអង្គការអភិវឌ្ឍន៍ និងស្រាវជ្រាវការពារជាតិឥណ្ឌាបាននិយាយថា «គ្រាប់មីស៊ីលដ៏ទំនើបទាន់សម័យនេះ ត្រូវបានបំពាក់ដោយប្រព័ន្ធតាមដានអគ្គិសនីដ៏ទំនើប ដើម្បីផ្តល់នូវភាពជឿជាក់ខ្ពស់ និងភាពជាក់លាក់»។
យោងតាមកាសែត The Economic Times បានឱ្យដឹងថាការបាញ់បង្ហោះនាពេលបច្ចុប្បន្ននេះ បានក្លាយជាការបាញ់សាកល្បងមីស៊ីលប្រកបដោយជោគជ័យលើកទីប្រាំពីរ។
បច្ចុប្បន្ននេះ ឥណ្ឌាមានមីស៊ីល Agni-I អាចបាញ់ចម្ងាយ ៦៩២គីឡូម៉ែត្រ Agni-II III និង Agni-IV បាញ់បានចន្លោះចាប់ពី ២ ៤៩៤គីឡូម៉ែត្រដល់ ៣ ៥០០គីឡូម៉ែត្រ។ Agni-V អាចបាញ់បានចម្ងាយ ៥ពាន់គីឡូម៉ែត្រ និងគ្រាប់មីស៊ីល Agni-VI មានសមត្ថភាពអាចបាញ់បាន ១ម៉ឺនគីឡូម៉ែត្រព្រមទាំងអាចបាញ់ចេញពីនាវាមុជទឹកបានទៀតផង ខណៈដែលវាកំពុងស្ថិតក្រោយការអភិវឌ្ឍ៕
Home ព្រឹត្តិការណ៍ថ្មីៗ ឥណ្ឌាសាកល្បងគ្រាប់មីស៊ីល Agni-IVដែលមានសមត្ថភាពបំពាក់ក្បាលគ្រាប់នុយក្លេអ៊ែរប្រកបដោយជោគជ័យ