ការដណ្តើមយកភាពមានបានសកលរបស់ពួកមូលធននិយម បានបន្តកើតមាន ខណៈពេលដែលក្រុមសហគ្រិននៅលើសកលលោក ចាប់ផ្តើមបង្អូតទ្រព្យសម្បត្តិរបស់ពួកគេ ចាប់ពីក្រុមហ៊ុនទូរគមនាគមន៍ រហូតដល់ក្រុមហ៊ុនសម្លៀកសំពាក់។ ទស្សនាវដ្តី Forbes បានចុះបញ្ជីមហាសេដ្ឋីលុយវាល់លាន២.២០៨នាក់ មកពីបណ្តាប្រទេសចំនួន៧២ ដែលក្នុងនោះរួមទាំងប្រទេសហុងគ្រី និងហ្ស៊ីមបាវ៉េ ផងដែរ ដែលលុយទាំងអស់នេះ មានរហូតដល់ទៅ៩.១ទ្រីលានដុល្លារ ពោលគឺកើនឡើង១៨ភាគរយ ចាប់តាំងពីឆ្នាំមុន។
ជាមធ្យមចំនួនទឹកប្រាក់របស់មហាសេដ្ឋីទាំងអស់នេះ ស្មើនឹង៤.១ពាន់លានដុល្លារ។ អាមេរិក នាំមុខគេ មានមហាសេដ្ឋី៥៨៥នាក់ បន្ទាប់មកចិន មាន៣៧៣នាក់។ មហាសេដ្ឋី Jeff Bezos ឈរលើកំពូលតារាង ជាលើកដំបូង ដើម្បីក្លាយជាមនុស្សដំបូងគេ បង្ហាញខ្លួននៅលើតារាងទស្សនាវដ្តី Forbes មានទ្រព្យសម្បត្តិច្រើនជាងគេបំផុតក្នុងចំណោមមហាសេដ្ឋី ហើយខាងក្រោមនេះ គឺជាមហាសេដ្ឋីទាំង១០រូប ដែលមានទ្រព្យសម្បត្តិច្រើនជាងគេបំផុតនៅលើសកលលោក៖
១. លោក Jeff Bezos ប្រធានក្រុមហ៊ុន Amazon មានទ្រព្យសម្បត្តិ ១១២ពាន់លានដុល្លារ
២. លោក Bill Gate ប្រធានក្រុមហ៊ុន Bill & Melinda Gates Foundation មានទ្រព្យសម្បត្តិ ៩០ពាន់លានដុល្លារ
៣. លោក Warren Buffet ប្រធាន និងប្រធានប្រតិបត្តិរបស់ក្រុមហ៊ុន Berkshire Hathaway មានទ្រព្យសម្បត្តិ ៨៤ពាន់លានដុល្លារ
៤. លោក Bernard Arnault ប្រធាន និងប្រធានប្រតិបត្តិរបស់ក្រុមហ៊ុន LVMH មានទ្រព្យសម្បត្តិ៧២ពាន់លានដុល្លារ
៥. លោក Mark Zuckerberg ប្រធានក្រុមហ៊ុន FACEBOOKមានទ្រព្យសម្បត្តិ ៧១ពាន់លានដុល្លារ
៦. លោក Amancio Ortega ប្រធានក្រុមហ៊ុនសម្លៀកបំពាក់ Zaraមានទ្រព្យសម្បត្តិ ៧០ពាន់លានដុល្លារ
៧. លោក Carlos Slim Helu ប្រធានក្រុមហ៊ុនទូរគមនាគមន៍ America Movil មានទ្រព្យសម្បត្តិ ៦៧.១ពាន់លានដុល្លារ
៨. លោក Charles Koch ប្រធាន និងប្រធានប្រតិបត្តិក្រុមហ៊ុន Koch Industries មានទ្រព្យសម្បត្តិ ៦០ពាន់លានដុល្លារ
៨. លោក David Koch ម្ចាស់ភាគហ៊ុនធំរបស់ក្រុមហ៊ុន Koch Industries មានទ្រព្យសម្បត្តិ ៦០ពាន់លានដុល្លារ
១០. លោក Larry Ellison ប្រធានគណៈក្រុមប្រឹក្សាភិបាលនៅក្រុមហ៊ុន Oracle មានទ្រព្យសម្បត្តិ ៥៨.៥ពាន់លានដុល្លារ៕