យោងតាមរបាយការណ៍បែកធ្លាយរបស់មន្ទីរបច្ចកោណ បានឲ្យដឹងថា ថាសហោះ(UFO) បានឈ្លបការណ៍នាវាដឹកយន្តហោះសហរដ្ឋអាមេរិកនៅជិតតំបន់ឆ្នេររដ្ឋកាលីហ្វ័រញ៉ា អស់រយៈពេលជាច្រើនថ្ងៃ មុនពេលប្រើប្រាស់ឧបករណ៍កំបាំងកាយ ចេញទៅបាត់ស្រមោលភ្លាមមួយរំពេច។
របាយការណ៍ដែលចេញផ្សាយដោយទីភ្នាក់ងារព័ត៌មាន KLASមានមូលដ្ឋាននៅក្នុងទីក្រុងឡាស់វេហ្គាស់ បានបង្ហាញថា រឿងរ៉ាវលំអិតនៃការទើបប្រទះកាលពីខែវិច្ឆិកា ឆ្នាំ២០០៤នេះ រួមមានទាំងរបាយការណ៍សរសេរដោយដៃពីនាយទាហានជើងទឹកដ៏តក់ស្លុតម្នាក់របស់សហរដ្ឋអាមេរិក។
វីដេអូនៃវត្ថុចម្លែករៀងដូចជាជាស្កដាប់បលមីន Tic Tac ត្រូវបានគេបញ្ចេញឲ្យដឹងកាលពីខែធ្នូ ។
របាយការណ៍នោះ បានបង្ហាញពីរឿងរ៉ាវលំអិតនៃវិធីឈ្លបការណ៍របស់ថាសហោះ ដែលគេមើលឃើញម្តងហើយម្តងទៀត អំឡុងសមយុទ្ធយោធារយៈពេល៦ថ្ងៃនៅជិតតំបន់ឆ្នេរភាគខាងត្បូងរដ្ឋកាលីហ្វ័រញ៉ា និងប្រទេសម៉ិកស៊ិក។
ថាសហោះនេះ ត្រូវបានមើលឃើញនៅលើរ៉ាដាដោយក្រុមនាវិកនៅលើនាវាផ្ទុកយន្តហោះ USS Princeton កាលពីថ្ងៃទី១០ ខែវិច្ឆិកា ឆ្នាំ២០០៤ ដោយគេគិតថា វាគឺជាយាន AAV។
មេបញ្ជាការគ្រប់គ្រងការបាញ់នៅលើនាវាបំពាក់គ្រាប់មីស៊ីល បាននិយាយថា វាចាប់ផ្តើមហោះនៅលើរយៈកម្ពស់ប្រហែល១៨.២៨៨ម៉ែត្រ គឺជារយៈកម្ពស់ខ្ពស់បំផុតដែលរ៉ាដានាវា អាចចាប់បាន មុនពេលវាធ្លាក់មកនៅត្រឹមរយៈកម្ពស់១៥ម៉ែត្រប៉ុណ្ណោះ ។ បន្ទាប់មកទៀត វាក៏បាត់ខ្លួនទៅវិញភ្លាមៗក្នុងល្បឿនលឿនដូចម៉ិស៊ីលបាលីស្ទិក។
វាបានបង្ហាញខ្លួនម្តងទៀតនៅថ្ងៃទី១៤ ខែវិច្ឆិកា ហើយយន្តហោះកំបាំងកាយ F/A-18 Hornet ជាច្រើនគ្រឿង ដែលវិលត្រឡប់មកកាន់នាវាដឹកយន្តហោះ USS Nimitz វិញ ត្រូវបានបញ្ជូនឲ្យតាមដានយានដ៏អាថ៌កំបាំងមួយនេះ។
ប៉ុន្តែពួកគេមិនអាចរកឃើញដានរបស់ថាសហោះនោះទេ ផ្ទុយទៅវិញ ពីឡុតម្នាក់ក្នុងចំណោមពីឡុតជាច្រើននាក់ទៀតទៀត បានរាយការណ៍ពីទឹកវិលរាងជារង្វង់មានអង្កត់ផ្ចិតចន្លោះពី៥០ទៅ១០០ម៉ែត្រ។
ដោយឡែក យន្តហោះឈ្លបការណ៍ Hawkeye ក៏មិនអាចតាមដានរបស់ថាសហោះនោះដែរ៕
