(រដ្ឋធានីវ៉ាស៊ីនតោន)៖ កងទ័ពជើងទឹកសហរដ្ឋអាមេរិកទំនងជានឹងឈានទៅដល់គោលដៅរបស់ខ្លួនដែលត្រូវបានរៀបចំឡើងកាលពីឆ្នាំ ២០១៣ ដើម្បីត្រៀមក្រុមអ្នកប្រយុទ្ធយន្តហោះចម្បាំងឡូយកប់ស៊េរី F-35C សម្រាប់ការប្រយុទ្ធនៅខែមករាឆ្នាំ ២០១៩នេះ។
ព័ត៌មានលម្អិតនៃកម្មវិធយន្តហោះចម្បាំង F-35 មិនត្រូវបានបង្ហាញទេកាលពីប៉ុន្មានខែចុងក្រោយនេះ។ នេះបើតាមគេហទំព័រ Military.com ដែលបានរាយការណ៍។ ការិយាល័យសមាហរណកម្មកងនាវាចម្បាំងនៃក្រុមអ្នកប្រយុទ្ធរួមរបស់កងទ័ពជើងទឹកសហរដ្ឋអាមេរិក មានទំនុកចិត្តថា ខ្លួននឹងសម្រេចកម្មវិធបានទៅតាមការគ្រោងទុក។ នេះបើតាមអ្នកនាំពាក្យកងនាវាចម្បាំងអាមេរិក លោកស្រី Laurent Chatmas ដែលបាននិយាយនៅក្នុងសេចក្តីថ្លែងការណ៍មួយកាលពីថ្ងៃសុក្រទៅកាន់សារព័ត៌មាន Military.com។
ជាមួយនឹងការចំណាយទៅតាមគម្រោងអស់ជាង ១,៥កោដិលានដុល្លារ ក្រុមអ្នកប្រយុទ្ធយន្តហោះចម្បាំង F-35 គឺជាកម្មវិធយោធាដ៏ថ្លៃជាងគេបង្អស់នៅក្នុងប្រវត្តិសាស្ត្រសហរដ្ឋអាមេរិក។
យោងតាមរបាយការណ៍របស់ក្រសួងការពារ ដែលបានចុះកាលបរិច្ឆេទ កាលពីខែមិថុនា ឆ្នាំ ២០១៣ ក្រសួងការពារជាតិបានកំណត់សមត្ថភាពប្រតិបត្តិការដំបូង (IOC) សម្រាប់យន្តហោះ F-35C ទៅតាមកាលវិភាគ នៅគ្រប់ទីកន្លែងចាប់ពីខែសីហា ឆ្នាំ ២០១៨ ដល់ខែកុម្ភៈឆ្នាំ ២០១៩។ ប្រសិនបើកាសាកល្បងសមត្ថភាពប្រតិបត្តិការដំបូងទទួលជោគជ័យពេញលេញនៅចុងឆ្នាំនេះ កម្មវិធីនេះនឹងឈានទៅរកជំហានចាប់ផ្តើមសម្រាប់សមត្ថភាពប្រតិបត្តិការដំបូង។
ការវាយតម្លៃដាច់ដោយឡែកពីការធ្វើតេស្តនៃយន្តហោះ F-35C របស់កងទ័ពជើងទឹកដែលជាដំណាក់កាលធ្វើតេស្តនិងវាយតម្លៃប្រតិបត្តិការដំបូងរបស់ក្រសួងការពារជាតិ (IOT & E) ត្រូវបានចាប់ផ្តើមកាលពីថ្ងៃទី ១៦ខែធ្នូក្រោយពេលកំណត់។
យន្តហោះចម្បាំង F-35C គឺជាយន្តហោះចម្បាំងស៊េរីថ្មីដែលត្រូវរចានាឡើង ដើម្បីធ្វើទំនើបកម្មលើប្រភេទយន្តហោះ F-35B ដែលអាចហោះឡើង និងចុះចតដោយមិនចាំបាច់រត់។ បន្ថែមលើសនេះ វាមានសមត្ថភាពខ្ពស់ជាងមុន ក្នុងការបំបាំងកាយពីរ៉ាដារបស់សត្រូវបាន ជាពិសេស វាអាចយកឈ្នះលើការចាប់យកពីខែរុស្ស៊ី S-300 400 500 600 និងផ្សេងទៀត៕
