សារព័ត៌មាន News Week បានចេញផ្សាយថា កងកម្លាំងទ័ពរំដោះប្រជាជនចិនបានចាប់ផ្តើមធ្វើសមយុទ្ធកងទ័ពអាកាស និងកងទ័ពជើងទឹកយ៉ាងសម្បើមនៅក្នុងច្រកសមុទ្រតៃវ៉ាន់ ដែលជាដែនទឹកមានជម្លោះ ដើម្បីបញ្ជូនសារគម្រាមទៅកាន់សហរដ្ឋអាមេរិក ជាទីដែលសហរដ្ឋអាមេរិកតែងតែធ្វើនាវាចរណ៍ដោយសេរីនៅក្នុងតំបន់នេះ។
នៅក្នុងសេចក្តីថ្លែងការណ៍មួយ ដែលបានចេញផ្សាយកាលពីថ្ងៃចន្ទ អ្នកនាំពាក្យបញ្ជាការជាន់ខ្ពស់ចិន លោក Zhang Zhonghui បានប្រកាសថា កងទ័ពរំដោះប្រជាជនចិនបានបញ្ជូនកងកម្លាំងទ័ពអាកាស និងកងទ័ពជើងទឹករបស់ខ្លួនយ៉ាងសម្បើមរួមមានទាំងក្រុមនាវាចម្បាំងរាប់សិបគ្រឿង យន្តហោះទម្លាក់គ្រាប់បែក យន្តហោះឈ្លបយកការណ៍ ធ្វើការហោះហើរព័ទ្ធជុំវិញកោះតៃវ៉ាន់ និងធ្វើការសាកល្បងសមត្ថភាពនៃប្រតិបត្តិការសមាហរណកម្មពហុសេវាកម្ម។ លោកថា សមយុទ្ធនេះសមយុទ្ធនេះ គឺជាកិច្ចព្រមព្រៀងមួយនៅក្នុងផែនការប្រចាំឆ្នាំ និងសិទ្ធស្របច្បាប់នៃអធិបតេយ្យភាពរដ្ឋ។
លោក Zhang បានបន្ថែមថា សមយុទ្ធនេះត្រូវបានរៀបចំឡើង ដើម្បីរក្សានូវសន្តតិភាព និងស្ថេរភាពនៅទូទាំងច្រកសមុទ្រតៃវ៉ាន់។ លោកបន្តថា «កងកម្លាំងប្រចាំការនៅបញ្ជាការភូមិភាគខាងកើតនៃកងទ័ពរំដោះប្រជាជនចិនតែងតែរក្សាបេសកកម្ម និងកិច្ចការរបស់ពួកគេ»។
ថ្លែងក្នុងពិធីមួយដែលប្រារព្ធរំលឹកខួបលើកទី៤០ នៃចំណងទាក់ទងរវាងអាមេរិក និងតៃវ៉ាន់ លោក James Moriarty បានព្រមានថា «ការប៉ុនប៉ងណាមួយ ដើម្បីជះឥទ្ធិពលលើកោះតៃវ៉ាន់តាមរយៈការគំរាមកំហែង ឬការបង្ខិតបង្ខំយើងជឿជាក់ថា នឹងធ្វើឱ្យអស្ថិរភាពនៅក្នុងតំបន់នេះ និងគំរាមកំហែងដល់ស្ថិរភាព នៅច្រកសមុទ្រតៃវ៉ាន់» ។
ដោយឡែក ខាងតៃវ៉ាន់វិញបានដាក់ពង្រាយកងទ័ពអាកាស និងកងទ័ពជើងទឹក ដើម្បីឆ្លើយតបទៅនឹងសមយុទ្ធរបស់ចិននេះ។
នៅក្នុងសេចក្តីថ្លែងការណ៍មួយ ក្រសួងការពារជាតិតៃវ៉ាន់បាននិយាយថា «ការប៉ុនប៉ងផ្លាស់ប្តូរស្ថានភាពនៅច្រកសមុទ្រតៃវ៉ាន់តាមរយៈប្រតិបត្តិការយោធា និងសង្គ្រាមមតិយោបល់សាធារណៈ មិនមានផលប្រយោជន៍ដល់សន្តិភាពនៅក្នុងច្រកសមុទ្រតៃវ៉ាន់ និងប៉ះពាល់ដល់ស្ថេរភាពក្នុងតំបន់»។
នេះមិនមែនជាលើកទីមួយទេ ដែលចិនធ្វើសមយុទ្ធខិតទៅរកតៃវ៉ាន់។ កាលពីប៉ុន្មានសប្តាហ៍មុន ចិនបានធ្វើសមយុទ្ធទ្រង់ទ្រាយធំខិតទៅរកតៃវ៉ាន់ ដោយមានយន្តហោះទម្លាក់គ្រាប់បែកជាច្រើនគ្រឿង។ ជាមួយសមយុទ្ធនេះ អ្នកវិភាគថា គឺជាការគម្រាមដល់តៃវ៉ាន់ចំពោះការប្រកាសឯករាជ្យ។ ចិនបានគម្រាមផងដែរថា បើតៃវ៉ាន់ហ៊ានប្រកាសឯករាជ្យ នឹងត្រូវជួបជាមួយការប្រើកណ្តាប់ដៃដែករបស់ទីក្រុងប៉េកាំង៕
ចិនធ្វើសមយុទ្ធទ្រង់ទ្រាយធំចូលដែនទឹកតៃវ៉ាន់ ដើម្បីគម្រាមតៃវ៉ាន់ និងអាមេរិក
សារព័ត៌មាន News Week បានចេញផ្សាយថា កងកម្លាំងទ័ពរំដោះប្រជាជនចិនបានចាប់ផ្តើមធ្វើសមយុទ្ធកងទ័ពអាកាស និងកងទ័ពជើងទឹកយ៉ាងសម្បើមនៅក្នុងច្រកសមុទ្រតៃវ៉ាន់ ដែលជាដែនទឹកមានជម្លោះ ដើម្បីបញ្ជូនសារគម្រាមទៅកាន់សហរដ្ឋអាមេរិក ជាទីដែលសហរដ្ឋអាមេរិកតែងតែធ្វើនាវាចរណ៍ដោយសេរីនៅក្នុងតំបន់នេះ។
នៅក្នុងសេចក្តីថ្លែងការណ៍មួយ ដែលបានចេញផ្សាយកាលពីថ្ងៃចន្ទ អ្នកនាំពាក្យបញ្ជាការជាន់ខ្ពស់ចិន លោក Zhang Zhonghui បានប្រកាសថា កងទ័ពរំដោះប្រជាជនចិនបានបញ្ជូនកងកម្លាំងទ័ពអាកាស និងកងទ័ពជើងទឹករបស់ខ្លួនយ៉ាងសម្បើមរួមមានទាំងក្រុមនាវាចម្បាំងរាប់សិបគ្រឿង យន្តហោះទម្លាក់គ្រាប់បែក យន្តហោះឈ្លបយកការណ៍ ធ្វើការហោះហើរព័ទ្ធជុំវិញកោះតៃវ៉ាន់ និងធ្វើការសាកល្បងសមត្ថភាពនៃប្រតិបត្តិការសមាហរណកម្មពហុសេវាកម្ម។ លោកថា សមយុទ្ធនេះសមយុទ្ធនេះ គឺជាកិច្ចព្រមព្រៀងមួយនៅក្នុងផែនការប្រចាំឆ្នាំ និងសិទ្ធស្របច្បាប់នៃអធិបតេយ្យភាពរដ្ឋ។
លោក Zhang បានបន្ថែមថា សមយុទ្ធនេះត្រូវបានរៀបចំឡើង ដើម្បីរក្សានូវសន្តតិភាព និងស្ថេរភាពនៅទូទាំងច្រកសមុទ្រតៃវ៉ាន់។ លោកបន្តថា «កងកម្លាំងប្រចាំការនៅបញ្ជាការភូមិភាគខាងកើតនៃកងទ័ពរំដោះប្រជាជនចិនតែងតែរក្សាបេសកកម្ម និងកិច្ចការរបស់ពួកគេ»។
ថ្លែងក្នុងពិធីមួយដែលប្រារព្ធរំលឹកខួបលើកទី៤០ នៃចំណងទាក់ទងរវាងអាមេរិក និងតៃវ៉ាន់ លោក James Moriarty បានព្រមានថា «ការប៉ុនប៉ងណាមួយ ដើម្បីជះឥទ្ធិពលលើកោះតៃវ៉ាន់តាមរយៈការគំរាមកំហែង ឬការបង្ខិតបង្ខំយើងជឿជាក់ថា នឹងធ្វើឱ្យអស្ថិរភាពនៅក្នុងតំបន់នេះ និងគំរាមកំហែងដល់ស្ថិរភាព នៅច្រកសមុទ្រតៃវ៉ាន់» ។
ដោយឡែក ខាងតៃវ៉ាន់វិញបានដាក់ពង្រាយកងទ័ពអាកាស និងកងទ័ពជើងទឹក ដើម្បីឆ្លើយតបទៅនឹងសមយុទ្ធរបស់ចិននេះ។
នៅក្នុងសេចក្តីថ្លែងការណ៍មួយ ក្រសួងការពារជាតិតៃវ៉ាន់បាននិយាយថា «ការប៉ុនប៉ងផ្លាស់ប្តូរស្ថានភាពនៅច្រកសមុទ្រតៃវ៉ាន់តាមរយៈប្រតិបត្តិការយោធា និងសង្គ្រាមមតិយោបល់សាធារណៈ មិនមានផលប្រយោជន៍ដល់សន្តិភាពនៅក្នុងច្រកសមុទ្រតៃវ៉ាន់ និងប៉ះពាល់ដល់ស្ថេរភាពក្នុងតំបន់»។
នេះមិនមែនជាលើកទីមួយទេ ដែលចិនធ្វើសមយុទ្ធខិតទៅរកតៃវ៉ាន់។ កាលពីប៉ុន្មានសប្តាហ៍មុន ចិនបានធ្វើសមយុទ្ធទ្រង់ទ្រាយធំខិតទៅរកតៃវ៉ាន់ ដោយមានយន្តហោះទម្លាក់គ្រាប់បែកជាច្រើនគ្រឿង។ ជាមួយសមយុទ្ធនេះ អ្នកវិភាគថា គឺជាការគម្រាមដល់តៃវ៉ាន់ចំពោះការប្រកាសឯករាជ្យ។ ចិនបានគម្រាមផងដែរថា បើតៃវ៉ាន់ហ៊ានប្រកាសឯករាជ្យ នឹងត្រូវជួបជាមួយការប្រើកណ្តាប់ដៃដែករបស់ទីក្រុងប៉េកាំង៕
