សង្គមកាកបាតក្រហមកេនយ៉ាបាននិយាយកាលពីថ្ងៃពុធថា អង្គការនេះមិនមានព័ត៌មានអំពីមនុស្សចំនួន ៥០នាក់ ដែលស្នាក់នៅឯសណ្ធាគារ Dusit នៅក្នុងទីក្រុងណៃរ៉ូប៊ី ដែលត្រូវបានវាយប្រហារដោយអំពើរភេរវកម្មនោះទេ។
ការវាយប្រហារនេះ បានកើតឡើងកាលពីថ្ងៃអង្គារ នៅពេលដែលពួកសកម្មប្រយុទ្ធបានវាយលុកទៅលើបរិវេណសណ្ឋាគារ Dusit នៅក្នុងរដ្ឋធានីកេនយ៉ា។
ទីភ្នាក់ងារអនុវត្តច្បាប់របស់ប្រទេសនេះ បានចាត់ចំណាត់ក្រុមអំពើហិង្សាជាការវាយប្រហារភេរវកម្ម។ ប្រធានាធិបតីកេនយ៉ា លោក Uhuru Kenyatta បាននិយាយកាលពីថ្ងៃពុធថា ការវាយប្រហារទៅលើសណ្ឋាគារបានសម្លាប់ជីវិតជនស៊ីវិល ១៤នាក់ ហើយថា អ្នកវាយប្រហារទាំងអស់ត្រូវបានសម្លាប់ដោយសារតែប្រតិបត្តិការពិសេសមួយ។
ក្រុមសកម្មប្រយុទ្ធឥស្លាម Al Shabaab ដែលបានធ្វើប្រតិបត្តិការដ៏ធំនៅក្នុងប្រទេសសូម៉ាលីបានអះអាងទទួលខុសត្រូវលើការវាយប្រហារនោះ ដែលប្រើកាំភ្លើង និងគ្រាប់បែក ថាជាស្នាដៃរបស់ខ្លួន។ នៅក្នុងហេតុការន៍នោះ ជនជាតិអាមេរិកម្នាក់ និងអង់គ្លេសម្នាក់ក៏ស្ថិតក្នុងចំណោមជនរងគ្រោះផងដែរ៕
