(ទីក្រុងមូស្គូ)៖ សារព័ត៌មានស្ពុតនិករុស្ស៊ីនៅថ្ងៃទី២២ មករានេះបានឲ្យដឹងថា នាវាចម្បាំងរុស្ស៊ីដែលត្រូវបញ្ជូនទៅតាមដាននាវាអាមេរិកនាពេលនេះ កំពុងតែធ្វើការឃ្លាំមើលសកម្មភាពនាវាចម្បាំងអាមេរិកយ៉ាងយកចិត្តទុកដាក់បំផុត។
យោងតាមកងកិម្លាំងរុស្ស៊ីបានប្រកាសថា ក្រុមនាវាហែហមរបស់កងនាវាចម្បាំងបាល់ទិចបាននិងកំពុងតែឃ្លាំមើលសកម្មភាពនាវាចម្បាំងអាមេរិក ២គ្រឿងយ៉ាងយកចិត្តទុកដាក់។
យោងតាមសេចក្តីថ្លែងការណ៍ នាវាចម្បាំង Boykiy និង Soobrazitelny ត្រូវបានបញ្ជូនដេញតាមនាវាចម្បាំងប្រភេទអាឡេបឺខ្លាស់អាមេរិក គឺនាវា USS Porter និងនាវាចម្បាំង USS Gravely នៅក្នុងសមុទ្របាល់ទិច។
វិទ្យុអឺរ៉ុបសេរី Radio Free Europe បានចាញផ្សាយកាលពីថ្ងៃទី២១ មករាម្សិលមិញថា សហរដ្ឋអាមេរិកបានបញ្ជូននាវាចម្បាំង USS Donald Cook ដំណើរទៅកាន់សមុទ្រខ្មៅ ដើម្បីធ្វើប្រតិបត្តិការសន្តិសុខដែនសមុទ្រ និងបង្កើនស្ថេរភាពដែនសមុទ្រជាមួយសម្ព័ន្ធមិត្តអង្គការណាតូ នៅក្នុងតំបន់។
ការបញ្ជូននាវាចម្បាំងទាំងនេះទៅកាន់សមុទ្រខ្មៅ ត្រូវបានវិទ្យុអឺរ៉ុបសេរីពិពណនាថា បានធ្វើឡើងបន្ទាប់ពីមានភាពតានតឹងនៅក្នុងតំបន់ ក្រោយរុស្ស៊ីបើការបាញ់ប្រហារទៅលើទូកចម្បាំងអ៊ុយក្រែន និងឃាត់ខ្លួនក្រុមនាវិកអ៊ុយក្រែន។
ភាពតានតឹងរវារុស្ស៊ី និងបណ្តាប្រទេសលោកខាងលិច បានកើនឡើងក្រោយការស៊ីដាច់តំបន់គ្រីមាពីសំណាក់រុស្ស៊ី ដែលបានគាំទ្រ និងបញ្ជូនទាហានទៅប្រយុទ្ធជាមួយរដ្ឋាភិបាលអ៊ុយក្រែន ដើម្បីផ្តាច់ទឹកដី។ ប្រឈមទៅនឹងការឡើងកម្តៅ ក្រោយរុស្ស៊ីតម្លើងសាច់ដុំដាក់អ៊ុយក្រែនកាលពីថ្មីៗនេះ អង្គការណាតូបានផ្គុំកម្លាំងរបស់ខ្លួន ធ្វើសមយុទ្ធទ្រង់ទ្រាយធំដើម្បីបញ្ជូនសារព្រមានទៅកាន់ទីក្រុងមូស្គូ ការលេបត្របាក់ទឹកដីសម្ព័ន្ធមិត្តរបស់ខ្លួន នឹងត្រូវជួបជាមួយនឹងកម្លាំងយោធាដ៏ខ្លាំងក្លា។
កាលពីពេលថ្មីៗស្រឡាងនេះ មន្ត្រីកំពូលរុស្ស៊ីបានព្រមានថា អ៊ុយក្រែនអាចនឹងរលាយបាត់រូប ដោយសារតែសកម្មភាពរបស់ខ្លួន ជាលទ្ធផលនៃការដួលរលំរលាយនៃសហភាពសូវៀត៕
Home ព្រឹត្តិការណ៍ថ្មីៗ នាវាចម្បាំងរុស្ស៊ីកំពុងតាមដានសកម្មភាពនាវាចម្បាំងអាមេរិក នៅក្នុងសមុទ្រខ្មៅយ៉ាងយកចិត្តទុកដាក់