នាយឧត្តមសេនីយ៍ គៀត ច័ន្ទថារិទ្ធ អគ្គនាយក នៃអគ្គនាយកដ្ឋានអន្ដោប្រវេសន៍ ក្រសួងមហាផ្ទៃ បានឲ្យដឹងថា រហូតមកដល់ពេលនេះ (ដើមឆ្នាំ២០១៩) រាជរដ្ឋាភិបាលដកហូតឯកសារកម្ពុជា មិនប្រក្រតីដែលកាន់កាប់ដោយជនបរទេស ប្រមាណ៩០ភាគរយ ស្មើនឹងជាង៣ម៉ឺនក្បាល មាន១០សញ្ជាតិ ក្នុងនោះជនជាតិវៀតណាមច្រើនជាងគេ រហូត៩០ភាគរយ។
ការលើកឡើងរបស់នាយឧត្តមសេនីយ៍ គៀត ច័ន្ទថារិទ្ធ ត្រូវបានធ្វើឡើងនៅព្រឹកថ្ងៃទី២១ ខែមករា ឆ្នាំ២០១៩នេះ ក្រោយកិច្ចប្រជុំការងារ ដកហូតឯកសាររដ្ឋបាលកម្ពុជាមិនប្រក្រតី ដែលជនបរទេសកំពុងកាន់កាប់ និងការទទួលពាក្យសុំជាជនបរទេសអន្ដោប្រវេសន្ដ នៅទីស្ដីការក្រសួងមហាផ្ទៃ ក្រោមអធិបតីភាព នាយឧត្ដមសេនីយ៍ សន្ដិបណ្ឌិត សុខ ផល រដ្ឋលេខាធិការក្រសួងមហាផ្ទៃ។
លោក គៀត ច័ន្ទថារិទ្ធ បានថ្លែងថា សមត្ថកិច្ចបានដកហូតឯកសារមិនប្រក្រតីពីជនបរទេសដែលកាន់កាប់ប្រមាណជាង ៩០ ភាគរយ ដោយដកហូតឯកសារប្រមាណជាង៣ម៉ឺនក្បាលរួមមាន សៀវភៅគ្រួសារ សៀវភៅស្នាក់នៅ អត្ដសញ្ញាណប័ណ្ណ សំបុត្រកំណើត លិខិតឆ្លងដែន និងឯកសារពាក់ព័ន្ធផ្សេងៗជាដើម ហើយក្នុងនោះមាន ១០ ជនជាតិ ប៉ុន្ដែជនជាតិវៀតណាមមានប្រមាណជិត ៩០ ភាគរយដែលជាចំនួនច្រើនជាងគេ។
លោកបន្តថា យុទ្ធនាការដកហូតឯកសារកម្ពុជាមិនប្រក្រតីដែលកាន់កាប់ដោយជនបរទេសនេះ នៅសល់ពេលវេលាត្រឹមតែ ៦ ខែខាងមុខទៀតប៉ុណ្ណោះ ដែលនឹងត្រូវបញ្ចប់ជាស្ថាពរ ព្រោះវាជាការកំណត់របស់រាជរដ្ឋាភិបាល និងក្រសួងមហាផ្ទៃ។
លោក គៀត ច័ន្ទថារិទ្ធ បន្ថែមថា ចាប់ពីឆ្នាំ២០១៤មក កម្ពុជាក៏បានបណ្តេញជនបរទេសចេញអស់ប្រមាណជា១ម៉ឺន៥ពាន់នាក់ ដែលមានប្រមាណជាជាង៤០សញ្ជាតិ ភាគច្រើនជាជនជាតិចិន និងវៀតណាម។
«ភាគច្រើនក្នុងឆ្នាំនេះ ទី១ ចិន ទី២ វៀតណាម ទី៣ នីហ្សេរីយ៉ា អាហ្នឹងបើតាមខ្ញុំចាំ។ ក្នុងឆ្នាំនេះបទល្មើសទាក់ទងនឹងការបណ្តេញចេញហ្នឹង ទី១ គឺការប្រព្រឹត្តិឆបោកតាមទូរគមនាគមន៍ ហើយនិងល្បែងហ្គេមអនឡាញ ហើយក្រៅពីហ្នឹងគឺការស្នាក់នៅហួសច្បាប់តែម្តង ហួសច្បាប់កំណត់ គាត់លួចស្នាក់នៅបន្ត»។
បើតាមគេហទំព័ររបស់អគ្គស្នងការនគរបាលជាតិ ផ្សាយនៅថ្ងៃចន្ទនេះបញ្ជាក់ដោយយោងតាមស្ថិតិ នៃការធ្វើជំរឿនឆ្នាំ២០១៦ថា តួលេខជនបរទេសអន្តោរប្រវេសន៍ សរុបមានចំនួន៤៦,៧៧៦គ្រួសារ មនុស្សចំនួន ១៧៦.៨១២នាក់ (ស្រី៧៩.៧២៨) អាយុ១៨ឆ្នាំឡើងចំនួន ១២.៤០៥នាក់ (ស្រី៥២.៧៥៤នាក់)៕
អាជ្ញាធរកម្ពុជា ដកហូតឯកសារមិនប្រក្រតីពីជនបរទេសជាង ៩០% ដែលក្នុងនោះជនជាតិវៀតណាម គឺមានចំនួនច្រើនជាងគេ
នាយឧត្តមសេនីយ៍ គៀត ច័ន្ទថារិទ្ធ អគ្គនាយក នៃអគ្គនាយកដ្ឋានអន្ដោប្រវេសន៍ ក្រសួងមហាផ្ទៃ បានឲ្យដឹងថា រហូតមកដល់ពេលនេះ (ដើមឆ្នាំ២០១៩) រាជរដ្ឋាភិបាលដកហូតឯកសារកម្ពុជា មិនប្រក្រតីដែលកាន់កាប់ដោយជនបរទេស ប្រមាណ៩០ភាគរយ ស្មើនឹងជាង៣ម៉ឺនក្បាល មាន១០សញ្ជាតិ ក្នុងនោះជនជាតិវៀតណាមច្រើនជាងគេ រហូត៩០ភាគរយ។
ការលើកឡើងរបស់នាយឧត្តមសេនីយ៍ គៀត ច័ន្ទថារិទ្ធ ត្រូវបានធ្វើឡើងនៅព្រឹកថ្ងៃទី២១ ខែមករា ឆ្នាំ២០១៩នេះ ក្រោយកិច្ចប្រជុំការងារ ដកហូតឯកសាររដ្ឋបាលកម្ពុជាមិនប្រក្រតី ដែលជនបរទេសកំពុងកាន់កាប់ និងការទទួលពាក្យសុំជាជនបរទេសអន្ដោប្រវេសន្ដ នៅទីស្ដីការក្រសួងមហាផ្ទៃ ក្រោមអធិបតីភាព នាយឧត្ដមសេនីយ៍ សន្ដិបណ្ឌិត សុខ ផល រដ្ឋលេខាធិការក្រសួងមហាផ្ទៃ។
លោក គៀត ច័ន្ទថារិទ្ធ បានថ្លែងថា សមត្ថកិច្ចបានដកហូតឯកសារមិនប្រក្រតីពីជនបរទេសដែលកាន់កាប់ប្រមាណជាង ៩០ ភាគរយ ដោយដកហូតឯកសារប្រមាណជាង៣ម៉ឺនក្បាលរួមមាន សៀវភៅគ្រួសារ សៀវភៅស្នាក់នៅ អត្ដសញ្ញាណប័ណ្ណ សំបុត្រកំណើត លិខិតឆ្លងដែន និងឯកសារពាក់ព័ន្ធផ្សេងៗជាដើម ហើយក្នុងនោះមាន ១០ ជនជាតិ ប៉ុន្ដែជនជាតិវៀតណាមមានប្រមាណជិត ៩០ ភាគរយដែលជាចំនួនច្រើនជាងគេ។
លោកបន្តថា យុទ្ធនាការដកហូតឯកសារកម្ពុជាមិនប្រក្រតីដែលកាន់កាប់ដោយជនបរទេសនេះ នៅសល់ពេលវេលាត្រឹមតែ ៦ ខែខាងមុខទៀតប៉ុណ្ណោះ ដែលនឹងត្រូវបញ្ចប់ជាស្ថាពរ ព្រោះវាជាការកំណត់របស់រាជរដ្ឋាភិបាល និងក្រសួងមហាផ្ទៃ។
លោក គៀត ច័ន្ទថារិទ្ធ បន្ថែមថា ចាប់ពីឆ្នាំ២០១៤មក កម្ពុជាក៏បានបណ្តេញជនបរទេសចេញអស់ប្រមាណជា១ម៉ឺន៥ពាន់នាក់ ដែលមានប្រមាណជាជាង៤០សញ្ជាតិ ភាគច្រើនជាជនជាតិចិន និងវៀតណាម។
«ភាគច្រើនក្នុងឆ្នាំនេះ ទី១ ចិន ទី២ វៀតណាម ទី៣ នីហ្សេរីយ៉ា អាហ្នឹងបើតាមខ្ញុំចាំ។ ក្នុងឆ្នាំនេះបទល្មើសទាក់ទងនឹងការបណ្តេញចេញហ្នឹង ទី១ គឺការប្រព្រឹត្តិឆបោកតាមទូរគមនាគមន៍ ហើយនិងល្បែងហ្គេមអនឡាញ ហើយក្រៅពីហ្នឹងគឺការស្នាក់នៅហួសច្បាប់តែម្តង ហួសច្បាប់កំណត់ គាត់លួចស្នាក់នៅបន្ត»។
បើតាមគេហទំព័ររបស់អគ្គស្នងការនគរបាលជាតិ ផ្សាយនៅថ្ងៃចន្ទនេះបញ្ជាក់ដោយយោងតាមស្ថិតិ នៃការធ្វើជំរឿនឆ្នាំ២០១៦ថា តួលេខជនបរទេសអន្តោរប្រវេសន៍ សរុបមានចំនួន៤៦,៧៧៦គ្រួសារ មនុស្សចំនួន ១៧៦.៨១២នាក់ (ស្រី៧៩.៧២៨) អាយុ១៨ឆ្នាំឡើងចំនួន ១២.៤០៥នាក់ (ស្រី៥២.៧៥៤នាក់)៕
