វ៉េណាហ្ស៊ុយអេឡាប្រឈមទៅនឹងភាពចលាចលដ៏ខ្លាំងក្លា កាលពីថ្ងៃចន្ទ នៅពេលដែលមានទាហានមួយក្រុមតូច ដែលបានអះអាងថាគឺជាសមាជិកកងកម្លាំងវ៉េណេហ្ស៊ុយអេឡា បានព្យាយាមក្រោកឈរប្រឆាំងទៅនឹងរដ្ឋាភិបាលនីកូឡា ម៉ាឌូរ៉ូ និងបានបង្កឲ្យមានបាតុកម្មហិង្សានៅតាមដងផ្លូវ នាទីក្រុងការ៉ាកាស។
បុរសម្នាក់ដែលបានកំណត់អត្តសញ្ញាណខ្លួនឯងថាជាពលបាល Wandres Figueroa បានដឹកនាំមនុស្សមួយក្រុមដែលមានស្លៀកពាក់ឯកសណ្ធាននៅក្នុងទីស្នាក់ការអង្គភាពសន្តិសុខពិសេស នៅវេលាម៉ោងប្រហែល ២:៥០នាទីព្រឹក(ម៉ោងក្នុងស្រុក)។ នៅក្នុងវីដេអូនោះ លោក Figueroa បាននិយាយទៅកាន់កាមេរ៉ា និងបានអំពាវនាវដល់ប្រជាជនវ៉េណេហ្ស៊ុយអេឡាឲ្យចុះដើរតាមដងផ្លូវ។ ក្រុមអ្នកតវ៉ាមួយចំនួនបានលេចខ្លួននៅលើដងផ្លូវតូចៗ ប៉ុន្តែត្រូវបានទប់ស្កាត់ដោយឧស្ម័នបង្ហូរទឹកភ្នែក។
រដ្ឋមន្ត្រីក្រសួងការពារជាតិវ៉េណេហ្ស៊ុយអេឡា លោក Vladimir Padrino បាននិយាយថា ក្រុមអ្នកវាយប្រហារចំនួនតូចត្រូវបានឃុំខ្លួន។ រដ្ឋមន្ត្រីរូបនេះបាននិយាយថា ក្រុមនេះបានលួចយកយានយោធាចំនួនពីរគ្រឿង និងចាប់ជំរិតមនុស្ស ៤នាក់ហើយថា ច្បាប់នឹងអនុវត្តន៍ទៅលើបុគ្គលទាំងនោះ។
ហេតុការណ៍នេះបានកើតឡើងត្រឹមតែរយៈពេលប៉ុន្មានថ្ងៃតែប៉ុណ្ណោះ មុនការអំពាវនាវឲ្យមានការតវ៉ាមួយ ដែលធ្វើឡើងដោយសភាជាតិ ដែលគ្រប់គ្រងដោយគណបក្សប្រឆាំង ដែលបាននិយាយថា ខ្លួនមិនទទួលស្គាល់អណ្ណត្តិទីពីររបស់ម៉ាឌូរ៉ូនោះទេ ព្រមទាំងបានអំពាវនាវឲ្យលោកចុះចេញពីតំណែងទៀតផង ដើម្បីឲ្យមានដំណើរការបោះឆ្នោតសារជាថ្មី។
កាលពីពេលថ្មីៗកន្លងទៅនេះ ប្រធានាធិបតីសហរដ្ឋអាមេរិកត្រូវបានគេរាយការណ៍ថា នឹងទទួលស្គាល់មេដឹកនាំគណបក្សប្រឆាំងជាប្រធានាធិបតីស្របច្បាប់របស់ប្រទេសនេះ ស្របពេលដែលគណបក្សប្រឆាំងបានហៅការឡើងកាន់តំណែងរបស់ម៉ាឌូរ៉ូថាជាការកាន់តំណែងដោយខុសច្បាប់៕
មេដឹកនាំ វ៉េណាហ្ស៊ុយអេឡា ពេលនេះកំពុងភ័យស្លន់ស្លោទៅនឹងការធ្វើបដិវត្តន៍ដោយយោធា
វ៉េណាហ្ស៊ុយអេឡាប្រឈមទៅនឹងភាពចលាចលដ៏ខ្លាំងក្លា កាលពីថ្ងៃចន្ទ នៅពេលដែលមានទាហានមួយក្រុមតូច ដែលបានអះអាងថាគឺជាសមាជិកកងកម្លាំងវ៉េណេហ្ស៊ុយអេឡា បានព្យាយាមក្រោកឈរប្រឆាំងទៅនឹងរដ្ឋាភិបាលនីកូឡា ម៉ាឌូរ៉ូ និងបានបង្កឲ្យមានបាតុកម្មហិង្សានៅតាមដងផ្លូវ នាទីក្រុងការ៉ាកាស។
បុរសម្នាក់ដែលបានកំណត់អត្តសញ្ញាណខ្លួនឯងថាជាពលបាល Wandres Figueroa បានដឹកនាំមនុស្សមួយក្រុមដែលមានស្លៀកពាក់ឯកសណ្ធាននៅក្នុងទីស្នាក់ការអង្គភាពសន្តិសុខពិសេស នៅវេលាម៉ោងប្រហែល ២:៥០នាទីព្រឹក(ម៉ោងក្នុងស្រុក)។ នៅក្នុងវីដេអូនោះ លោក Figueroa បាននិយាយទៅកាន់កាមេរ៉ា និងបានអំពាវនាវដល់ប្រជាជនវ៉េណេហ្ស៊ុយអេឡាឲ្យចុះដើរតាមដងផ្លូវ។ ក្រុមអ្នកតវ៉ាមួយចំនួនបានលេចខ្លួននៅលើដងផ្លូវតូចៗ ប៉ុន្តែត្រូវបានទប់ស្កាត់ដោយឧស្ម័នបង្ហូរទឹកភ្នែក។
រដ្ឋមន្ត្រីក្រសួងការពារជាតិវ៉េណេហ្ស៊ុយអេឡា លោក Vladimir Padrino បាននិយាយថា ក្រុមអ្នកវាយប្រហារចំនួនតូចត្រូវបានឃុំខ្លួន។ រដ្ឋមន្ត្រីរូបនេះបាននិយាយថា ក្រុមនេះបានលួចយកយានយោធាចំនួនពីរគ្រឿង និងចាប់ជំរិតមនុស្ស ៤នាក់ហើយថា ច្បាប់នឹងអនុវត្តន៍ទៅលើបុគ្គលទាំងនោះ។
ហេតុការណ៍នេះបានកើតឡើងត្រឹមតែរយៈពេលប៉ុន្មានថ្ងៃតែប៉ុណ្ណោះ មុនការអំពាវនាវឲ្យមានការតវ៉ាមួយ ដែលធ្វើឡើងដោយសភាជាតិ ដែលគ្រប់គ្រងដោយគណបក្សប្រឆាំង ដែលបាននិយាយថា ខ្លួនមិនទទួលស្គាល់អណ្ណត្តិទីពីររបស់ម៉ាឌូរ៉ូនោះទេ ព្រមទាំងបានអំពាវនាវឲ្យលោកចុះចេញពីតំណែងទៀតផង ដើម្បីឲ្យមានដំណើរការបោះឆ្នោតសារជាថ្មី។
កាលពីពេលថ្មីៗកន្លងទៅនេះ ប្រធានាធិបតីសហរដ្ឋអាមេរិកត្រូវបានគេរាយការណ៍ថា នឹងទទួលស្គាល់មេដឹកនាំគណបក្សប្រឆាំងជាប្រធានាធិបតីស្របច្បាប់របស់ប្រទេសនេះ ស្របពេលដែលគណបក្សប្រឆាំងបានហៅការឡើងកាន់តំណែងរបស់ម៉ាឌូរ៉ូថាជាការកាន់តំណែងដោយខុសច្បាប់៕
