(ទីក្រុងមូស្គូ)៖ សារព័ត៌មាន CNN នៅថ្ងៃទី២៤ មករានេះ យន្តហោះទម្លាក់គ្រាប់បែកល្បឿនលឿនជាងសម្លេង Tupulev Tu22M3 បានធ្លាក់នៅក្នុងតំបន់ Murmansk ដែលស្ថិតនៅភាគពាយ័ព្យប្រទេសរុស្ស៊ី។
ហេតុការណ៍ដែលបានធ្លាក់យន្តហោះនេះបានកើតឡើយនៅវេលាម៉ោង ១:៤០នាទីថ្ងៃត្រង់ថ្ងៃទី២២ មករា ខណៈដែលយន្តហោះទម្លាក់គ្រាប់បែកមួយនេះព្យាយាមចុះចត។ នេះបើតាមសារព័ត៌មានរដ្ឋរុស្ស៊ីតាស់ ដែលបានស្រង់សម្តីមន្ត្រីពង្រឹងច្បាប់។ យន្តហោះនេះមានអាកាសយានិកចំនួន ៤នាក់មេបញ្ជាការ អ្នកបើក ប្រតិបត្តិករ និងអ្នកបង្ហាញផ្លូវ។ ហេតុការណ៍នេះបានបណ្តាលឲ្យមានអ្នកស្លាប់ពីរនាក់ រស់ពីរនាក់។ គេនៅមិនទាន់បានដឹងច្បាស់អំពីមូលហេតុនៃការធ្លាក់យន្តហោះនេះនៅឡើយទេ។
យន្តហោះទម្លាក់គ្រាប់បែក Tupolev Tu-22M3 គឺជាយន្តហោះទម្លាក់គ្រាប់បែកល្បឿនលឿនជាងសម្លេង ដែលបានដាក់បញ្ចូលទៅក្នុងសេវាកម្មរុស្ស៊ីនៅទសវត្សឆ្នាំ ១៩៨០។ វាអាចប្រើប្រឆាំងនាវាចម្បាំង ដោយប្រើអាវុធធម្មតា និងអាវុធនុយក្លេអ៊ែរ។
ប្រធានាធិបតីរុស្ស៊ី លោក វ្ល៉ាឌីមៀ ពូទីនបានអះអាងកាលពីឆ្នាំមុនថា រុស្ស៊ីនឹងបង្ហាញអាវុធថ្មីដែលអាចធ្វើឲ្យអង្គការណាតូចុះចាញ់ខ្លួនបាន។
អាវុធដែលរុស្ស៊ីបានលើកឡើងនោះ គឺគ្រាប់មីស៊ីលល្បឿនលឿនជាងសម្លេង Avangard។ កាលពីពេលថ្មីៗនេះ រុស្ស៊ីបានអះអាងថា ខ្លួនបានសាកល្បងមីស៊ីល Avangard ប្រកបដោយជោគជ័យ។ បន្ទាប់ពីការសាកល្បងនេះ លោកត្រាំបានប្រកាសឲ្យមានបង្កើនសមត្ថភាពគ្រាប់មីស៊ីលល្បឿនលឿនជាងសម្លេង និងប្រព័ន្ធការពារមីស៊ីលដែលមានមូលដ្ឋាននៅទីអវកាស ដើម្បីតាមដានសកម្មភាពគ្រាប់មីស៊ីលរុស្ស៊ី៕
Home ព្រឹត្តិការណ៍ថ្មីៗ យន្តហោះទម្លាក់គ្រាប់បែកល្បឿនលឿនជាងសម្លេងរុស្ស៊ី ធ្លាក់នៅភាគពាយ័ព្យ