ប្រធានាធិបតីរុស្ស៊ី លោកវ្ល៉ាឌីមៀរ ពូទីនបានចូលរួមជាមួយលោកត្រាំ ក្នុងការអញ្ចើញប្រមុខដឹកនាំកូរ៉េខាងជើង លោក គីម ចុងអ៊ុនឲ្យចូលជួបជាមួយលោក ទោះបីជាកាលបរិច្ឆេតពិតប្រាកដមិនទាន់ត្រូវបានរៀបចំឡើងក៏ដោយ។ នេះបើតាមក្រុមមន្ត្រី ដែលបានឲ្យដឹងនៅថ្ងៃទី30 មករានេះ។
អនុរដ្ឋមន្ត្រីក្រសួងការបរទេសរុស្ស៊ី លោក Igor Morgulov បានប្រាប់ក្រុមអ្នករាយការណ៍កាលពីថ្ងៃចន្ទថា ដំណើរទស្សនកិច្ចរវាងលោកពូទីន និងលោកត្រាំ គឺស្ថិតនៅក្នុងរបៀបវីរៈ រីឯកិច្ចប្រជុំរវាងលោកត្រាំ និងលោកចុងអ៊ុនត្រូវបានគេរំពឹងថា នឹងធ្វើឡើងនៅក្នុងប្រទេសវៀតណាម នៅថ្ងៃណាមួយក្នុងខែកុម្ភៈ។
សូមរំឭកថា ប្រមុខដឹកនាំកូរ៉េខាងជើង លោក គីម ចុងអ៊ុន និងលោកត្រាំបានជួបគ្នាម្តងរួចមកហើយនៅប្រទេសសិង្ហបុរីកាលពីខែមិថុនា។ ជំនួបកំពូលរវាងអ្នកទាំងពីរកាលនោះបានធ្វើឡើងស្តីពីការរំសាយអាវុធនុយក្លេអ៊ែរ និងការបញ្ឈប់សមយុទ្ធនៅឧបទ្វីបកូរ៉េ។ យា់ងណាក៏ដោយ មកទល់ពេលនេះ កូរ៉េខាងជើងមិនទាន់បានកម្ទេចអាវុធនុយក្លេអ៊ែររបស់ខ្លួនអស់ទេ ម្ល៉ោះហើយជាហេតុនាំឲ្យមានការប្រជុំគ្នាសារជាថ្មីម្តងទៀត ដើម្បីឈានទៅរកសន្តិភាពពេញលេញនៅឧបទ្វីបកូរ៉េ៕
Home ព្រឹត្តិការណ៍ថ្មីៗ ពូទីនចូលរួមជាមួយលោកត្រាំក្នុងការអញ្ចើញគីម ចុងអ៊ុនឲ្យចូលរួមជំនួបកំពូល