សារព័ត៌មាន News Week នៅថ្ងៃទី៣១ មករានេះ បានឲ្យដឹងថា មេដឹកនាំកំពូលអ៊ីរ៉ង់ លោក អាលីខាមីណេ បានរួមគ្នាជាមួយរុស្ស៊ីចេញសេចក្តីព្រមានដល់សហរដ្ឋអាមេរិក មិនឲ្យប្រើកម្លាំងយោធា ដើម្បីជម្រុញវិបត្តិសេដ្ឋកិច្ចដែលកំពុងបន្តរបស់វ៉េណេស៊ុយអេឡា ដោយប្រៀបធៀបគោលនយោបាយបរទេសឈ្លានពានរបស់អាមេរិចទៅនឹងអាដូហ្វហ៊ីត្លែរ។
អតីតប្រធានាធិបតីប្រទេសអ៊ីរ៉ង់បានសរសេរនៅលើបណ្តាញធ្វីតតឺនាសប្តាហ៍នេះ ដើម្បីចំអកដល់យុទ្ធសាស្ត្រគោលនយោបាយការបរទេសសហរដ្ឋអាមេរិក ដើម្បីផ្តួលរំលំរដ្ឋាភិបាលឯករាជ្យចំនួន ៤០ចាប់តាំងពីការបញ្ចប់សង្គ្រាមឆ្នាំ ១៩៤៥មក ក្នុងនោះក៏មានអ៊ីរ៉ង់ខ្លួនឯងផងដែរ។
លោកប្រធានាធិបតីអាមេរិក ដូ ណលត្រាំ មិនបានបដិសេធការធ្វើអន្តរាគមន៍យោធានៅវេណេហ្ស៊ុយអេឡា ដើម្បីទម្លាក់រដ្ឋាភិបាលម៉ាឌូរ៉ូ ដើម្បីគាំទ្រដល់បក្សប្រឆាំង ដែលត្រូវបានសហរដ្ឋអាមេរិក និងបណ្តាប្រទេសអ៊ឺរ៉ុបទទួលស្គាល់។
លោក Khamenei បានចង្អុលបង្ហាញថា «ការបំផ្លិចបំផ្លាញនិងមហន្តរាយ» នៃសង្គ្រាមអាមេរិកនៅវៀតណាម ក្នុងអំឡុងទសវត្សឆ្នាំ ១៩៦០ និង ១៩៧០ ជាភ័ស្តុតាងដែលបង្ហាញថា គោលនយោបាយការបរទេសរបស់អាមេរិក គឺមានកំហុស និងជាបទឧក្រិដ្ឋ។
លោក Khamenei បានព្រមានដល់ជនជាតិអ៊ីរ៉ង់កុំឲ្យទុកចិត្តលើទង្វើរបស់បណ្តាប្រទេសលោកខាងលិច ដែលលោកបានអះអាងថា «ស្វែងរកការបន្សាបអំណាច និងការប្រឆាំងទៅនឹងប្រទេសមួយនេះ»។ លោកបាននិយាយថា អតីតមេដឹកនាំអាល្លឺម៉ង់ណាហ្ស៊ី លោកអាដុល ហ៊ីត្លែរ មានគំនិតដូចអាមេរិកាំងសព្វថ្ងៃនេះឯង។
លោកខាមីណេបានសរសេរនៅលើបណ្តាញធ្វីតតឺ ដោយមានអ្នកគាំទ្រ ៥៤ម៉ឺននាក់ថា «តក្កវិជ្ជារបស់សហរដ្ឋអាមេរិកគឺថា ពិភពលោកគួរដំណើរការដោយការបង្ខិតបង្ខំ និងអាវុធ។ ហ៊ីត្លែរមានទស្សនដូចគ្នានេះ។ នៅពេលដែលសហរដ្ឋអាមេរិកឈានជើងចូលវៀតណាម ពួកគេមិនមានមន្ទិលថាពួកគេនឹងឈ្នះនោះទេ។ ពួកគេប្រព្រឹត្តបទឧក្រិដ្ឋអស់រយៈពេល ១០ឆ្នាំ ប៉ុន្តែចុងក្រោយចាកចេញដោយការអៀនខ្មាស និងបរាជ័យ»។
ទោះបីជាលោក Khamenei និយាយអំពីអន្តរាគមន៍យោធាដ៏មានសក្តានុពលនៅវ៉េណេស៊ុយអេឡាក៏ដោយ ក៏អ៊ីរ៉ង់ព្រួយបារម្ភផងដែរថា រដ្ឋបាលលោកត្រាំអាចនឹងលួចលាក់កងទ័ពនៅតាមបណ្តោយព្រំដែនរបស់ខ្លួន ជាមួយប្រទេសទួរគី នៅពេលដែលខ្លួនដកទ័ពចេញពីប្រទេសស៊ីរី។ កាលពីថ្ងៃចន្ទទីភ្នាក់ងារសារព័ត៌មាន Anadolu ផ្លូវការរបស់ប្រទេសទួរគីបានរាយការណ៍ថា មន្ទីរបញ្ចកោណបានបញ្ជូនទាហានចំនួន ៦០០នាក់បន្ថែមទៀត ទៅកាន់ប្រទេសស៊ីរីដើម្បីជួយដល់វត្តមានរបស់សហរដ្ឋអាមេរិកនៅក្នុងប្រទេសនេះ ក្នុងគោលបំណងកម្ចាត់ក្រុមភេរវករ។
កាលពីថ្ងៃចន្ទ លោកបុលថុន បានបង្ហាញក្រដាសច្បាប់ពណ៌លឿងមួយ ដែលមានបំណងបញ្ជូនកងកម្លាំង ៥ពាន់នាក់ទៅកាន់ប្រទេសកូឡំប៊ី ដែលនៅក្បែរខាងវ៉េណេហ្ស៊ុយអេឡា ដើម្បីផ្តួលរំលំរដ្ឋាភិបាលមួយនេះ៕
មេដឹកនាំកំពូលអ៊ីរ៉ង់ប្រៀបធៀបវ៉េណេហ្ស៊ុយអេឡាទៅនឹងវៀតណាម និងបានព្រមានប្រឆាំងទៅនឹងអន្តរាគមន៍របស់អាមេរិក ក្នុងប្រទេសនេះ
សារព័ត៌មាន News Week នៅថ្ងៃទី៣១ មករានេះ បានឲ្យដឹងថា មេដឹកនាំកំពូលអ៊ីរ៉ង់ លោក អាលីខាមីណេ បានរួមគ្នាជាមួយរុស្ស៊ីចេញសេចក្តីព្រមានដល់សហរដ្ឋអាមេរិក មិនឲ្យប្រើកម្លាំងយោធា ដើម្បីជម្រុញវិបត្តិសេដ្ឋកិច្ចដែលកំពុងបន្តរបស់វ៉េណេស៊ុយអេឡា ដោយប្រៀបធៀបគោលនយោបាយបរទេសឈ្លានពានរបស់អាមេរិចទៅនឹងអាដូហ្វហ៊ីត្លែរ។
អតីតប្រធានាធិបតីប្រទេសអ៊ីរ៉ង់បានសរសេរនៅលើបណ្តាញធ្វីតតឺនាសប្តាហ៍នេះ ដើម្បីចំអកដល់យុទ្ធសាស្ត្រគោលនយោបាយការបរទេសសហរដ្ឋអាមេរិក ដើម្បីផ្តួលរំលំរដ្ឋាភិបាលឯករាជ្យចំនួន ៤០ចាប់តាំងពីការបញ្ចប់សង្គ្រាមឆ្នាំ ១៩៤៥មក ក្នុងនោះក៏មានអ៊ីរ៉ង់ខ្លួនឯងផងដែរ។
លោកប្រធានាធិបតីអាមេរិក ដូ ណលត្រាំ មិនបានបដិសេធការធ្វើអន្តរាគមន៍យោធានៅវេណេហ្ស៊ុយអេឡា ដើម្បីទម្លាក់រដ្ឋាភិបាលម៉ាឌូរ៉ូ ដើម្បីគាំទ្រដល់បក្សប្រឆាំង ដែលត្រូវបានសហរដ្ឋអាមេរិក និងបណ្តាប្រទេសអ៊ឺរ៉ុបទទួលស្គាល់។
លោក Khamenei បានចង្អុលបង្ហាញថា «ការបំផ្លិចបំផ្លាញនិងមហន្តរាយ» នៃសង្គ្រាមអាមេរិកនៅវៀតណាម ក្នុងអំឡុងទសវត្សឆ្នាំ ១៩៦០ និង ១៩៧០ ជាភ័ស្តុតាងដែលបង្ហាញថា គោលនយោបាយការបរទេសរបស់អាមេរិក គឺមានកំហុស និងជាបទឧក្រិដ្ឋ។
លោក Khamenei បានព្រមានដល់ជនជាតិអ៊ីរ៉ង់កុំឲ្យទុកចិត្តលើទង្វើរបស់បណ្តាប្រទេសលោកខាងលិច ដែលលោកបានអះអាងថា «ស្វែងរកការបន្សាបអំណាច និងការប្រឆាំងទៅនឹងប្រទេសមួយនេះ»។ លោកបាននិយាយថា អតីតមេដឹកនាំអាល្លឺម៉ង់ណាហ្ស៊ី លោកអាដុល ហ៊ីត្លែរ មានគំនិតដូចអាមេរិកាំងសព្វថ្ងៃនេះឯង។
លោកខាមីណេបានសរសេរនៅលើបណ្តាញធ្វីតតឺ ដោយមានអ្នកគាំទ្រ ៥៤ម៉ឺននាក់ថា «តក្កវិជ្ជារបស់សហរដ្ឋអាមេរិកគឺថា ពិភពលោកគួរដំណើរការដោយការបង្ខិតបង្ខំ និងអាវុធ។ ហ៊ីត្លែរមានទស្សនដូចគ្នានេះ។ នៅពេលដែលសហរដ្ឋអាមេរិកឈានជើងចូលវៀតណាម ពួកគេមិនមានមន្ទិលថាពួកគេនឹងឈ្នះនោះទេ។ ពួកគេប្រព្រឹត្តបទឧក្រិដ្ឋអស់រយៈពេល ១០ឆ្នាំ ប៉ុន្តែចុងក្រោយចាកចេញដោយការអៀនខ្មាស និងបរាជ័យ»។
ទោះបីជាលោក Khamenei និយាយអំពីអន្តរាគមន៍យោធាដ៏មានសក្តានុពលនៅវ៉េណេស៊ុយអេឡាក៏ដោយ ក៏អ៊ីរ៉ង់ព្រួយបារម្ភផងដែរថា រដ្ឋបាលលោកត្រាំអាចនឹងលួចលាក់កងទ័ពនៅតាមបណ្តោយព្រំដែនរបស់ខ្លួន ជាមួយប្រទេសទួរគី នៅពេលដែលខ្លួនដកទ័ពចេញពីប្រទេសស៊ីរី។ កាលពីថ្ងៃចន្ទទីភ្នាក់ងារសារព័ត៌មាន Anadolu ផ្លូវការរបស់ប្រទេសទួរគីបានរាយការណ៍ថា មន្ទីរបញ្ចកោណបានបញ្ជូនទាហានចំនួន ៦០០នាក់បន្ថែមទៀត ទៅកាន់ប្រទេសស៊ីរីដើម្បីជួយដល់វត្តមានរបស់សហរដ្ឋអាមេរិកនៅក្នុងប្រទេសនេះ ក្នុងគោលបំណងកម្ចាត់ក្រុមភេរវករ។
កាលពីថ្ងៃចន្ទ លោកបុលថុន បានបង្ហាញក្រដាសច្បាប់ពណ៌លឿងមួយ ដែលមានបំណងបញ្ជូនកងកម្លាំង ៥ពាន់នាក់ទៅកាន់ប្រទេសកូឡំប៊ី ដែលនៅក្បែរខាងវ៉េណេហ្ស៊ុយអេឡា ដើម្បីផ្តួលរំលំរដ្ឋាភិបាលមួយនេះ៕
