(រដ្ឋធានីវ៉ាស៊ីនតោន)៖ សារព័ត៌មាន Fox News បានចេញផ្សាយនៅថ្ងៃទី៨ កុម្ភៈ ២០១៩នេះថា លោកនីកូឡា ម៉ាឌូរ៉ូ ប្រធានាធិបតីវ៉េណេហ្ស៊ុយអេឡា ដោយសារតែខ្លាចប្រជាជនខ្លួនឯង បានស្នើសុំអង្គរក្សគុយបាមកការពារសន្តិសុខខ្លួន។ នេះបើតាមមន្ត្រីយោធាអាមេរិកមួយរូប។
ឧត្តមសេនីយ៍កងទ័ពជើងទឹកសហរដ្ឋអាមេរិក Craig S. Faller ដែលជាមេបញ្ជាការភាគខាងត្បូងសហរដ្ឋអាមេរិកបាននិយាយកាលពីថ្ងៃព្រហស្បតិ៍ថា ដោយសារតែការភ័យខ្លាចប្រជាជនខ្លួនឯង លោកម៉ាឌូរ៉ូបានស្នើសុំកងអង្គរក្សគុយបាមកការពាររូបលោក។
សមាជិកព្រឹទ្ធសភាអាមេរិក លោក Tom Cutton បាននិយាយថា លោកមានការភ្ញាក់ផ្អើលជុំវិញការស្នើសុំកងកម្លាំងអង្គរក្សពីប្រទេសគុយបា។ លោកថា លោកមិនដឹងពិតប្រាកដអំពីចំនួនអង្គរក្សនៅក្នុងប្រទេសនេះនោះទេ ប៉ុន្តែលោកគិតថាមានច្រើន។
ដោយឡែក លោក Faller បានបន្ថែមថា រុស្ស៊ី និងចិនបានចូលរួមនៅក្នុងអ្វី ដែលមន្ត្រីស៊ើបអង្កេតនិយាយថា ជាវិធានការដើម្បីគាំទ្រដល់របបម៉ាឌូរ៉ូ។ លោកបាននិយាយថា «យើងបានឃើញការរាយការណ៍ពីកងកម្លាំងសន្តិសុខរុស្ស៊ី ដែលត្រូវបានហោះហើរចូល»។ «ប្រទេសចិនមិនមានប្រយោជន៍ក្នុងមធ្យោបាយការទូតនោះទេ ខ្ញុំនឹងទុកវាឱ្យទៅមន្ត្រីការទូតប៉ុន្តែប្រទេសចិន ជាប់ពាក់ព័ន្ធទៅនឹងប្រព័ន្ធអ៊ីនធឺណែត ដែលមិនបានជួយដល់ប្រជាធិបតេយ្យនោះទេ»។
លោកបាននិយាយអំពីវិបត្តិមនុស្សធម៌ ដែលប្រជាជនកំពុងតែប្រឈមយ៉ាងខ្លាំង។ លោកថា ទោះបីជាកងកម្លាំងរបបមួយនេះអាចសអត់ធន់បានក៏ដោយ ក៏កូនទាហានជាច្រើនអត់ឃ្លានដូចប្រជាជនដទៃទៀតដែរ។
កាលពីថ្ងៃព្រហស្បតិ៍ស្ថានភាពនៃការរស់នៅប្រជាជនវ៉េណេហ្ស៊ុយអេឡាកាន់តែលំបាកមួយកម្រិតទៀត ខណៈដែលរដ្ឋាភិបាលបានបញ្ជាឲ្យមានការបិទខ្ទប់នូវការនាំចូលជំនួយមនុស្សធម៌នៅព្រំដែនម៉ិចស៊ិកដោយថា វ៉េណេហ្ស៊ុយអេឡាមិនមែនជាអ្នកសុំទានទេ៕
Home ព្រឹត្តិការណ៍ថ្មីៗ ម៉ាឌូរ៉ូខ្លាចស្រមោលប្រជាជនខ្លួនឯងដល់ថ្នាក់យកអង្គរក្សគុយបាមកការពារ