[wai id="6"]
[wai id="7"]
លោក ផាន អូន អគ្គនាយក នៃអគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ (ក.ប.ប) នៅទី០១ ខែមេសា ឆ្នាំ២០២០ បានដឹកនាំ មន្ត្រីនៃអគ្គនាយកដ្ឋាន ក.ប.ប. ដោយបានសហការជាមួយនាយកដ្ឋាននគរបាលប្រឆាំងបទល្មើសសេដ្ឋកិច្ច ដោយមានការសម្របសម្រួលពីលោក កែវ សុធា ព្រះរាជអាជ្ញាអមសាលាដំបូងរាជធានីភ្នំពេញ បានចុះចាប់អាល់កុលក្លែងក្លាយ (មេតាណុល) នៅតាមបណ្តោយវិថីសម្តេចតេជោហ៊ុនសែន (៦០ម៉ែត្រ) ។
ពាណិជ្ជកម្ម
តាមរបាយការណ៍អគ្គនាយកដ្ឋានការពារអ្នកប្រើប្រាស់កិច្ចការប្រកួតប្រជែង និងបង្ក្រាបការក្លែងបន្លំកាលពីថ្ងៃទី ១ ខែមេសា សមត្ថកិច្ចបានចាប់អាល់កុលក្លែងក្លាយ (មេតាណុល) នៅតាមបណ្តោយវិថីសម្តេចតេជោ ហ៊ុន សែន (ផ្លូវ៦០ ម៉ែត្រ) បានចំនួន ១០០ ប៊ីដុង ស្មើនឹង ៣ ០០០ លីត្រផងដែរ។
លោក ផាន អូន បានឱ្យដឹងថា សារធាតុមេតាណុលជាសារធាតុពុលនឹងមិនអាចយកទៅប្រើសម្រាប់លាងដៃសម្លាប់មេរោគបានទេ ពីព្រោះវាអាចធ្វើឱ្យប៉ះពាល់សុខភាពអ្នកប្រើប្រាស់ថែមទៀតផង។ លោកបានអំពាវនាវដល់បងប្អូនប្រជាពលរដ្ឋខ្មែរទាំងអស់ គប្បីទិញទំនិញជាពិសេសអាល់កុល និងជែលលាងដៃដែលមានស្លាកសញ្ញាសម្គាល់ត្រឹមត្រូវ និងមានប្រភពច្បាស់លាស់ ដើម្បីចៀសវាងការទិញរបស់ក្លែងក្លាយ និងគ្មានគុណភាពដែលបណ្តាលឱ្យប៉ះពាល់ដល់សុខភាព។
សូមបញ្ជាក់ថា យោងតាមលទ្ធផលវិភាគរបស់មន្ទីរពិសោធន៍របស់អគ្គនាយកដ្ឋានកាំកុងត្រូល រកឃើញថា អាល់កុលដែលបាន និងកំពុងចរាចរលើទីផ្សារកម្ពុជា ភាគច្រើនមិនមែនជាប្រភេទអាល់កុលធម្មតា (អេទីលអាល់កុល) ដែលមានមុខងារប្រើប្រាស់សម្រាប់លាងសម្អាតដៃ បង្ការការចម្លងមេរោគទេ។ ផ្ទុយទៅវិញអាល់កុលទាំងនោះ ជាសារធាតុមេតាណុល ដែលមានបរិមាណខ្ពស់រហូតដល់ ៨០%។
ការលាងសម្អាតដៃដោយប្រើអាល់កុលដែលមានកម្រិតមេតាណុលបែបនេះ អាចចូលទៅក្នុងស្បែក និងបង្កគ្រោះថ្នាក់ធ្ងន់ធ្ងរដល់សុខភាព ។
យ៉ាងណាមិញ បើតាមសេចក្តីជូនព័ត៌មានរបស់ក្រសួងសុខាភិបាល ការលក់ឱសថ ឧបករណ៍បរិក្ខារពេទ្យ និងសារធាតុសម្លាប់មេរោគទាំងអស់និងតម្រូវឲ្យមានលេខបញ្ជិកាហើយ ត្រូវលក់តែនៅតាមឱសថស្ថាន និងឱសថស្ថានរងស្របច្បាប់ប៉ុណ្ណោះ ពោលគឺមិនអនុញ្ញាតឲ្យលក់តាមប្រព័ន្ធអនឡាញឡើយ។ នេះបើយោងតាមសេចក្តីជូនព័ត៌មានរបស់ ក្រសួងសុខាភិបាល ចេញផ្សាយនៅល្ងាចថ្ងៃទី៣១ មីនា ។
[wai id="5"]
