ជាថ្មីម្តងទៀតកងកងកម្លាំងយោធាសហរដ្ឋអាមេរិកបានស្វែងរកនូវការអភិវឌ្ឍកាំភ្លើង ដែលប្រតិបត្តិការដោយប្រព័ន្ធកុំព្យូទ័រ បច្ចេកវិទ្យាខ្ពស់ ពហុគោលដៅ ដើម្បីជំនួសឲ្យកាំភ្លើងម៉ាស៊ីន និងកាំភ្លើងកាប៊ីន ដែលអាមេរិក និងអ៊ីស្រាអែលកំពុងប្រើ។
យោងតាមគេហទំព័រ Popular Mechanics បានឱ្យដឹងថាកងទ័ពអាមេរិកស្វែងរកការអភិវឌ្ឍកាំភ្លើងស៊េរីថ្មីជំនួសឲ្យកាំភ្លើងកាប៊ីនដែលប្រើរាល់ថ្ងៃ M4A1 និងកាំភ្លើងម៉ាស៊ីនពន្លឺ M249។ កាំភ្លើងស៊េរីថ្មីនេះ គឺជាប្រភេទកាំភ្លើងដែលប្រើប្រាស់ប្រព័ន្ធកុំព្យូរទ័រ ដើម្បីឲ្យវាកាន់តែបាញ់បានច្បាស់ជាមុនមិនធ្លាប់មាន។ កាំភ្លើងនេះត្រូវបានក្រុមហ៊ុនបច្ចេកវិទ្យាអាមេរិកបានដាក់ពង្រាយវានៅលើរថក្រោះដ៏ខ្លាំងមួយ។
កាំភ្លើងជំនាន់ថ្មី ត្រូវបានដាក់ឈ្មោះថា Next Generation Squad Weapon ហៅកាត់ថា NGSW។ កម្មវិធីអាវុធនេះមានបំណងដើម្បីជំនួសឲ្យការប្រើកាំភ្លើងស៊េរីចាស់។ កាំភ្លើងនេះត្រូវបានគេបង្ហាញថា មានកាណុងប្រវែង ៦,៨មីលីម៉ែត្រ ប្រើប្រាស់ប្រព័ន្ធគ្រាប់រំសេវ និងទម្ងន់ស្រាល និងកាត់បន្ថយសម្លេងផងដែរ។ ប៉ុន្តែលក្ខណពិសេសរបស់វា គឺវាអាចមើលដោយប្រព័ន្ធកុំព្យូទ័រ។
បច្ចុប្បន្ននេះ រថក្រោះចម្បាំងប្រើប្រាស់ប្រព័ន្ធកុំព្យូទ័រ ដែលអាចធ្វើឲ្យអ្នកកាន់កាំភ្លើងសម្រេចបំណងរបស់ខ្លួនបាន ដោយផ្អែកទៅលើរយៈចម្ងាយ ល្បឿនខ្យល់ និងអាកាសធាតុ។ បច្ចេកវិទ្យាបែបនេះត្រូវបានណែនាំកាលពីទសវត្ស ១៩៧០ ប៉ុន្តែទំហំ និងទម្ងន់នៃសមាសធាតុវា មានតែយានធំៗទេ ដែលអាចផ្ទុកវាបាន។
អាវុធ ដែលត្រូវបានគេន្មត់ថានឹងដាក់បញ្ចូលឧបករណ៍ចាប់សញ្ញានេះ ត្រូវតែមានភាពស្វិតស្វាញគ្រប់គ្រាន់ដើម្បីទប់ទល់នឹងលក្ខខណ្ឌប្រយុទ្ធ ដោយសារតែទម្ងន់ស្រាលរបស់វា៕
Home ព្រឹត្តិការណ៍ថ្មីៗ សហរដ្ឋអាមេរិកស្វែងរកការអភិវឌ្ឍកាំភ្លើងជំនាន់ថ្មី ប្រតិបត្តិការដោយប្រព័ន្ធកុំព្យូទ័រ