ប្រទេសឥណ្ឌូនេស៊ី ដែលជាប្រទេសមួយដែលមានកម្លាំងយោធាឈរនៅលេខរាងទីមួយ ខាងវិស័យោធា និងសេដ្ឋកិច្ច ក្នុងចំណោមបណ្តាប្រទេសសមាជិកអាស៊ានបាននិយាយថា ប្រទេសរបស់ខ្លួនគ្រោងនឹងធ្វើការអភិវឌ្ឍន៍តំបន់នេសាទនៅក្បែរប្រជុំកោះណាទូណា ដែលខ្លួនគ្រប់គ្រងនាតំបន់សមុទ្រចិនខាងត្បូង ដើម្បីប្រជែងទៅនឹងការវ៉ាងទីរបស់ចិន នៅក្នុងតំបន់សមុទ្រចិនខាងត្បូង។
សារព័ត៌មានចាកាតាប៉ុស្តិ៍ និងប្រភពដទៃទៀតបាននិយាយថា រដ្ឋមន្ត្រីសម្របសម្រួលកិច្ចការដែនទឹកឥណ្ឌូនេស៊ីបានប្រកាសសេចក្តីជូនដំណឹងនេះកាលពីថ្ងៃសុក្រ។ បើតាមផែនការ ដែលនឹងត្រូវអនវត្តន៍នៅចុងឆ្នាំនេះ នឹងរួមមានយន្តហោះគ្មានមនុស្សបើក ផ្កាយរណប និងនាវាចាក់ប្រេង ផ្តល់ប្រេងទៅឲ្យអ្នករកត្រី ដើម្បីងាយស្រួលចាប់ត្រីយកទៅលក់លើទីផ្សា។
ការប្រកាសចាប់ផ្តើមអនុវត្តន៍លើវិធានការដ៏ចាំបាច់ពីសំណាក់ឥណ្ឌានេស៊ីនាពេលនេះ បានធ្វើឡើងដើម្បីការពារប្រឆងទៅនឹងការឆ្លងចូលដែនទឹករបស់ខ្លួន។ កាលពីមុន នាវាទាំងឡាយណាដែលបានឆ្លងចូលដែនទឹកឥណ្ឌូនេស៊ី ត្រូវបានចាប់ឃាត់ទុក និងកម្ទេច។ នាវាទាំងនោះភាគច្រើនមកពីវៀតណាម ហ្វីលីពីន ម៉ាឡេស៊ី និងមកពីប្រទេសថៃ។
សមុទ្រចិនខាងត្បូងជាទីកន្លែងរកត្រីដ៏សំខាន់ ឬស្មើ ១០ភាគរយនៃទំហំរកត្រីនៅលើពិភពលោក។
កងទ័ពជើងទឹកសហរដ្ឋអាមេរិកបាននិយាយថា នាវាចម្បាំង USS Ashland របស់ខ្លួនបានចូលចុះចតនៅក្នុងទីក្រុងកំពង់ផែ Kota Kinabalu ប្រេសម៉ាឡេស៊ី ដើម្បីពង្រឹងមិត្តភាពនៅក្នុងតំបន់។
ដំណើរទស្សនកិច្ចនៃនាវាអាមេរិកទៅកាន់តែកៀកវត្តមានយោធាចិន ដែលបានចាប់ផ្តើមកាលពីថ្ងៃសៅរ៍ គឺជាការចែករំលែកនៃកិច្ចការកងទ័ពជើងទឹកសហរដ្ឋអាមេរិក ដើម្បីធ្វើការពង្រឹងសន្តិសុខ និងទទួលបានអត្ថប្រយោជន៍សម្រាប់ពលរដ្ឋម៉ាឡេនៅក្នុងតំបន់។ សហរដ្ឋអាមេរិកធ្លាប់បានបញ្ជូនទៅទីនោះម្តងហើយកាលពីឆ្នាំ ១៨៩៩។
នេះជាលើកទី២ហើយរវាងកងកម្លាំងទាំងពីរ ដែលរួមដៃគ្នាធ្វើសមយុទ្ធបែបនេះ។ នាវាស្ថិតក្នុងប្រភេទអាឡេបឺកបំពាក់ដោយមីស៊ីល USS McCampbell និងកងកម្លាំង HSM Argyll បានធ្វើប្រតិបត្តិការនៅក្នុងតំបន់សមុទ្រចិនខាងត្បូងកាលពីខែមករា និងបានធ្វើលំហាត់សមយុទ្ធសង្គ្រាមប្រឆាំងនាវាមុជទឹកទៀតផង កាលពីថ្ងៃទី២១ ដល់ថ្ងៃទី២២។
កាលពីពេលថ្មីៗនេះ រដ្ឋមន្ត្រីការពារជាតិអង់គ្លេសបានព្រមានថា ចក្រភពអង់គ្លេសគ្រោងនឹងបញ្ជូននាវាផ្ទុកយន្តហោះរបស់ខ្លួនទៅកាន់តំបន់សមុទ្រចិនខាងត្បូង ដើម្បីប្រឈមទៅនឹងការវ៉ាងទីរបស់ចិន នៅក្នុងតំបន់នេះ។
អ្នកវិភាគបាននិយាយថា ពេលនេះ ចិនកំពុងតែបង្កើនការវ៉ាងទីរបស់ខ្លួន និងកំពុងតែពង្រីកតំបន់ដែនទឹករបស់ខ្លួនបន្ថែមទៀត ខណៈដែលសហរដ្ឋអាមេរិកកាន់តែពង្រីកប្រតិបត្តិការល្បាតដែនទឹកអន្តរជាតិជាបន្តបន្ទាប់៕
Home ព្រឹត្តិការណ៍ថ្មីៗ ការវិវត្តន៍នៃស្ថានការណ៍នៅតំបន់សមុទ្រចិនខាងត្បូង៖ ឥណ្ឌូនេស៊ីគ្រោងនឹងពង្រីកការអះអាងភាពជាកម្មសិទ្ធនៅក្នុងតំបន់សមុទ្រចិនខាងត្បូង បន្ទាប់ពីការប្រកាសដាក់មូលដ្ឋានទ័ពនៅក្នុងតំបន់