គេហទំព័រ Task & Purpose បានចេញផ្សាយនៅថ្ងៃទី២៧ កុម្ភៈនេះថា យន្តហោះចម្បាំងឡូយកប់ស៊េរី F-35B បានធ្វើការប្រយុទ្ធជាង ១០០ដងប្រឆាំងនឹងក្រុមតាលីបង់ និងក្រុមអាយស៊ីស ខណៈដែលយន្តហោះចម្បាំងប្រភេទនេះត្រូវបានដាក់ពង្រាយនៅលើនាវា USS Essex។ នេះបើតាមលោកវរសេរនីយ៍ Kyle Shoop ដែលជាមេបញ្ជាការនៃក្រុមអ្នកប្រយុទ្ធជើងទឹកលេខ២១១។
លោកបាននិយាយថា កងកម្លាំងមកពីយន្តហោះនេះបានធ្វើការវាយប្រយុទ្ធអស់រយៈពេលជាង ៥០ថ្ងៃ ដោយចំណាយការហោះហើរអស់ ១ ២០០ម៉ោង។ យន្តហោះដ៏ឡូយនេះគាំទ្រលើប្រតិបត្តិការនៅក្នុងប្រទេសអាហ្កានីស្ថាន ស៊ីរី និងអ៊ីរ៉ាក់។
នាវា Essex ស្ងាត់ៗបានចាកចេញពីទីក្រុងកំពង់ផែ San Diego កាលពីខែកក្កដា ជាមួយក្រុមយន្តហោះចម្បាំង F-35B និងកងអង្គភាពជើងទឹកទី ១៣។ ការប្រយុទ្ធលើកដំបូងត្រូវបានធ្វើឡើងកាលពីខែកញ្ញាប្រឆាំងក្រុមតាលីបង់ នៅក្នុងប្រទេសអាហ្កានីស្ថាន។
ក្នុងកំឡុងពេលនៃការដាក់ពង្រាយរបស់ខ្លួន យន្តហោះចម្បាំង F-35B បានហោះទៅកាន់តែកៀកទៅនឹងបេសសកកម្មគាំទ្រដែនអាកាសពីលើប្រទេសស៊ីរី និងអាហ្កានីស្ថាន។ នេះបើតាមលោក Shoop។ នៅក្នុងប្រទេសស៊ិរី យន្តហោះនេះបានធ្វើការប៉ាន់ប្រមាណអំពីការខូចខាត ដែលបង្កឡើងដោយកាវាយប្រហាររបស់ក្រុមចម្រុះ នៅក្នុងអាកាសធាតុមិនអំណោយផល ដោយសារតែរ៉ាដារបស់យន្តហោះនេះ ល្អជាឧបករណ៍ចាប់សញ្ញាយន្តហោះ F/A-18 Hornet។ក្រោយការវាយប្រហារនេះ អាកាយានិកយន្តហោះទាំងនេះទទួលបានមេដាយផ្នែកអាកាសដ៏មានកិត្តិយស៕
