អគ្គបញ្ជាការទ័ពនៃកងកម្លាំងជាតិលីប៊ី លោក Marshal Khalifa Haftar បានប្រកាសពីការចាប់ផ្តើមឈុតឆាតប្រយុទ្ធជំហានទី២ ទៅលើរដ្ឋធានីទ្រីប៉ូលី។ នេះបើតាមប្រពន្ធផ្សព្វផ្សាយក្នុងស្រុក ដែលបានរាយការណ៍ ដោយបានស្រង់ពីអ្នកនាំពាក្យកងកម្លាំងជាតិលីប៊ី។
យោងតាមអ្នកនាំពាក្យកងកម្លាំងជាតិលីប៊ី ដំណាក់កាលទី២ នៃការបើកការវាយលុកទៅលើរដ្ឋធានីទ្រីប៉ូលី គឺធ្វើឡើងដោយប្រើកងទ័ពថ្មើរជើង ក្រោយពីបានបិទបញ្ចប់ការវាយលុកដំណាក់កាលទីមួយមក។
ជាការឆ្លើយតប កងកម្លាំងនៃរដ្ឋាភិបាលកិច្ចព្រមព្រៀងលីប៊ី ដែលមានអង្គការសហប្រជាជាតិនៅពីក្រោយខ្នង បានបញ្ជាដាច់ណាត់ដល់កងកម្លាំងរបស់ខ្លួនឲ្យប្រយុទ្ធទប់ទល់ដាច់ខាតជាមួយកងកម្លាំងជាតិលីប៊ី។
ដំណាក់កាលនៃការវាយលុកទៅលើរដ្ឋាភិបាលកិច្ចព្រមព្រៀងលីប៊ី ដែលធ្វើឡើងដោយកងកម្លាំងជាតិលីប៊ីនៅភាគខាងកើតបញ្ជាដោយលោកហាហ្វតា ឃើញថា កងកម្លាំងជាតិលីប៊ីមានប្រៀបលើសមរភូមិបន្តិច ជាពិសេសដណ្តើមបានទីកហ្រុងមួយចំនួននៅជាយក្រុងទ្រីប៉ូលី និងចុងក្រោយទម្លាក់គ្រាប់បែក និងវាយប្រហារធ្ងន់ធ្ងរទៅលើអាកាសយានដ្ឋានទ្រីប៉ូលីថែមទៀតផង។ ប៉ុន្តែដោយសារតែការបញ្ជាពីអគ្គបញ្ជាការទ័ពកំពូលរបស់រដ្ឋាភិបាលកិច្ចព្រៀមព្រៀង កងកម្លាំងរដ្ឋាភិបាលនេះបានបើកប្រតិបត្តិការប្រហារទ្រង់ទ្រាយធំទប់ទល់នឹងការឈ្លានពានរបស់កងកម្លាំងជាតិលីប៊ី និងបានដណ្តើមយកទីក្រុងមួយចំនួនមកវិញ។ កងកម្លាំងរដ្ឋាភិបាលកិច្ចព្រមព្រៀងលីប៊ីបានសម្រុកមួយជំហាន បង្ខំឲ្យរដ្ឋាភិបាលជាតិលីប៊ីដកថយមួយជំហាន។
ការប្រយុទ្ធគ្នាដែលកំពុងកើតមាននេះ ធ្វើឡើងក្រោយពេលដែលលោកហាហ្វតាបញ្ជាកងកម្លាំងវាយទៅលើរដ្ឋធានីទ្រីប៉ូលី ក្នុងគោលបំណងឈានទៅរកការចូលកាន់កាន់ទីក្រុងធំមួយនេះ។
សង្គ្រាមលីប៊ីបានផ្ទុះឡើងក្រោយពេលដែលកាដាហ្វីត្រូវសម្លាប់ដោយកណ្តាប់ដៃរាស្ត្រ បន្ទាប់ពីរាស្ត្របានអូស ក មេដឹកនាំរូបនោះចេញពីក្នុងលូ ក្រោយកងកម្លាំងចម្រុះបានវាយផ្តាច់ និងបានកម្ទេចកងកម្លាំងរបស់លោកកាដាហ្វី។ កងកម្លាំងកាដាហ្វីនៅតែបន្តអូសបន្លាយរហូតមកទល់ពេលនេះ នៅពេលដែលកងកម្លាំងបានផ្គុំកម្លាំងវាយបកទៅលើរដ្ឋាភិបាលកិច្ចព្រមព្រៀង៕
អគ្គបញ្ជាការទ័ពនៃកងកម្លាំងជាតិលីប៊ី លោក Marshal Khalifa Haftar បានប្រកាសពីការចាប់ផ្តើមឈុតឆាតប្រយុទ្ធជំហានទី២ ទៅលើរដ្ឋធានីទ្រីប៉ូលី។ នេះបើតាមប្រពន្ធផ្សព្វផ្សាយក្នុងស្រុក ដែលបានរាយការណ៍ ដោយបានស្រង់ពីអ្នកនាំពាក្យកងកម្លាំងជាតិលីប៊ី។
យោងតាមអ្នកនាំពាក្យកងកម្លាំងជាតិលីប៊ី ដំណាក់កាលទី២ នៃការបើកការវាយលុកទៅលើរដ្ឋធានីទ្រីប៉ូលី គឺធ្វើឡើងដោយប្រើកងទ័ពថ្មើរជើង ក្រោយពីបានបិទបញ្ចប់ការវាយលុកដំណាក់កាលទីមួយមក។
ជាការឆ្លើយតប កងកម្លាំងនៃរដ្ឋាភិបាលកិច្ចព្រមព្រៀងលីប៊ី ដែលមានអង្គការសហប្រជាជាតិនៅពីក្រោយខ្នង បានបញ្ជាដាច់ណាត់ដល់កងកម្លាំងរបស់ខ្លួនឲ្យប្រយុទ្ធទប់ទល់ដាច់ខាតជាមួយកងកម្លាំងជាតិលីប៊ី។
ដំណាក់កាលនៃការវាយលុកទៅលើរដ្ឋាភិបាលកិច្ចព្រមព្រៀងលីប៊ី ដែលធ្វើឡើងដោយកងកម្លាំងជាតិលីប៊ីនៅភាគខាងកើតបញ្ជាដោយលោកហាហ្វតា ឃើញថា កងកម្លាំងជាតិលីប៊ីមានប្រៀបលើសមរភូមិបន្តិច ជាពិសេសដណ្តើមបានទីកហ្រុងមួយចំនួននៅជាយក្រុងទ្រីប៉ូលី និងចុងក្រោយទម្លាក់គ្រាប់បែក និងវាយប្រហារធ្ងន់ធ្ងរទៅលើអាកាសយានដ្ឋានទ្រីប៉ូលីថែមទៀតផង។ ប៉ុន្តែដោយសារតែការបញ្ជាពីអគ្គបញ្ជាការទ័ពកំពូលរបស់រដ្ឋាភិបាលកិច្ចព្រៀមព្រៀង កងកម្លាំងរដ្ឋាភិបាលនេះបានបើកប្រតិបត្តិការប្រហារទ្រង់ទ្រាយធំទប់ទល់នឹងការឈ្លានពានរបស់កងកម្លាំងជាតិលីប៊ី និងបានដណ្តើមយកទីក្រុងមួយចំនួនមកវិញ។ កងកម្លាំងរដ្ឋាភិបាលកិច្ចព្រមព្រៀងលីប៊ីបានសម្រុកមួយជំហាន បង្ខំឲ្យរដ្ឋាភិបាលជាតិលីប៊ីដកថយមួយជំហាន។
ការប្រយុទ្ធគ្នាដែលកំពុងកើតមាននេះ ធ្វើឡើងក្រោយពេលដែលលោកហាហ្វតាបញ្ជាកងកម្លាំងវាយទៅលើរដ្ឋធានីទ្រីប៉ូលី ក្នុងគោលបំណងឈានទៅរកការចូលកាន់កាន់ទីក្រុងធំមួយនេះ។
សង្គ្រាមលីប៊ីបានផ្ទុះឡើងក្រោយពេលដែលកាដាហ្វីត្រូវសម្លាប់ដោយកណ្តាប់ដៃរាស្ត្រ បន្ទាប់ពីរាស្ត្របានអូស ក មេដឹកនាំរូបនោះចេញពីក្នុងលូ ក្រោយកងកម្លាំងចម្រុះបានវាយផ្តាច់ និងបានកម្ទេចកងកម្លាំងរបស់លោកកាដាហ្វី។ កងកម្លាំងកាដាហ្វីនៅតែបន្តអូសបន្លាយរហូតមកទល់ពេលនេះ នៅពេលដែលកងកម្លាំងបានផ្គុំកម្លាំងវាយបកទៅលើរដ្ឋាភិបាលកិច្ចព្រមព្រៀង៕
