ការរកឃើញកំណប់ដែលគេលាក់ទុក តែងតែជាក្តីស្រមៃរបស់មនុស្សគ្រប់រូប ហើយក្តីស្រមៃមួយនេះ បានក្លាយជាការពិតសម្រាប់បុរសម្នាក់ ដែលបានរកឃើញកំណប់ដ៏មហាសាល ដែលជាលុយសុទ្ធចំនួន៧លានដុល្លារកន្លះ។
ការទិញកូនក្រមុំតុក្កតាឡៃឡុង ឬម៉ាស៊ីនចាស់ៗ ដែលត្រូវការលាបពណ៌បន្ថែម អ្នក អាចឃើញនឹងភ្នែក មិនអាចមានសំណាងថានឹងទទួលបានលាភសក្ការៈច្រើននោះទេ ប៉ុន្តែសម្រាប់អ្នកទិញរបស់ឡៃឡុងម្នាក់នេះ ត្រូវបានគេចាត់ទុកថា ជាមនុស្សកំពូលមហាសំណាងជាងគេបំផុតលើលោក ក្រោយពេលដែលលោកចំណាយលុយត្រឹមតែ៥០០ដុល្លារប៉ុណ្ណោះ លើការទិញកាបូបមួយនេះ។
លោក Dan Dotson បាននិយាយតាម Twitterថា “ខ្ញុំបានតថ្លៃទិញកាបូបដាក់ខោអាវនេះ ពីបុរសម្នាក់។ នៅពេលខ្ញុំបើកវាមើល ខ្ញុំក៏ឃើញលុយសុទ្ធប្រមាណ៧,៥លានដុល្លារអាមេរិក នៅខាងក្នុងកាបូប”។
ទោះបីជាយ៉ាងណាក៏ដោយ បន្ទាប់ពីការប្រទះឃើញលុយសុទ្ធយ៉ាងសន្ធឹកសន្ធាប់នេះ លោក Dan Dotson និងភរិយា ក៏ត្រូវបានកោះហៅពីសំណាក់មេធាវីតំណាងឲ្យម្ចាស់លុយដែលបានបាត់ ឲ្យចូលមកដោះស្រាយជុំវិញរឿងរ៉ាវខាងលើនេះ។
ដំបូងឡើយ ម្ចាស់លុយដែលបានបាត់នោះ បានស្នើតុលាការ ផ្តល់ជូនទឹកប្រាក់ដល់លោក Dan ជារង្វាន់លើកទឹកចិត្តត្រឹម ៦ម៉ឺនដុល្លារប៉ុណ្ណោះ ប៉ុន្តែការកាត់សេចក្តីចុងក្រោយ តុលាការបានសម្រាចឲ្យលោក Dan និងភរិយា ទទួលបាននូវទឹកប្រាក់សរុប ១,២លានដុល្លារត្រលប់ទៅផ្ទះវិញ។ រីឯលុយសេសសល់ប្រមាណ ៦,៣លានដុល្លារ ត្រូវបានប្រគល់ឲ្យទៅម្ចាស់ដើមវិញ។
ក្រោយពីហេតុការណ៍មិននឹកស្មានដល់នេះកើតឡើង លោក Dan បានថតជាវីដេអូ រួចបង្ហោះសួរគេឯងតាម Twitter ថា “ ប្រសិនជាអ្នកទាំងអស់គ្នា រកឃើញកំណប់មួយ តែវាមិនមែនជាកម្មសិទ្ធិរបស់អ្នក, តើអ្នកចង់ទុកវា ឫ ក៏ប្រគល់ឲ្យម្ចាស់គេវិញ”៕
Home ព្រឹត្តិការណ៍ថ្មីៗ បុរសមហាសំណាងទិញកាបូបឡៃឡុងតម្លៃ៥០០ដុល្លារ តែប្រទះឃើញលុយសុទ្ធរហូតដល់ទៅ៧.៥លានដុល្លារ