កាសែត The Economic Times បានស្រង់ពីប្រព័ន្ធផ្សព្វផ្សាយចិនថា ចិនបានធ្វើបេសកកម្មនាវាពិឃាតថ្មីចំនួន ២គ្រឿង ដែលសរុបទៅប្រភេទនាវាពិឃាតទាំងនេះ ចិនមានដល់ ២០គ្រឿង។
នាវាពិឃាតបំពាក់មីស៊ីលចិនប្រភេទ 052D ចំនួន ២គ្រឿងត្រូវបានចាប់ផ្តើមកាលពីថ្ងៃសុក្រសប្តាហ៍មុន នៅក្នុងទីក្រុងដាលាន។ នេះបើតាមកាសែត រដ្ឋចិន Global Times ដែលបានរាយការណ៍។
បេសកកម្មរបស់ពួកគេរំឭកខួបទី១៩ និងទី២០ នៃការចាប់ផ្តើមប្រភេទនាវាទាំងនេះ។ នេះបើតាមអ្នកវិភាគចិន ដែលបាននិយាយថា ផែនការទាំងនេះត្រូវបានរៀបចំទុក ដើម្បីផលិតនាវាពិឃាតទាំងនេះ។
របាយការណ៍និយាយថា ឥឡូវនេះចិនមាននាវាពិឃាតប្រភេទ 052D ចំនួន ២០គ្រឿងទាំងក្នុងសេវាកម្មដែលមានស្រាប់ និងទាំងមិនទាន់ដាក់ទៅក្នុងសេវាកម្ម ប៉ុន្តែនឹងត្រូវបញ្ចូលក្នុងពេលឆាប់ៗនេះ។
នាវាចម្បាំងប្រភេទនេះមានសមត្ថភាពខ្ពស់ ដែលអាចប្រតិបត្តិការបានយ៉ាងលឿន ដើម្បីហែរហមក្រុមអ្នកប្រយុទ្ធនាវាផ្ទុកយន្តហោះ។
បច្ចុប្បន្ននេះ ចិនកំពុងដេកស្រមោស្រមៃរវើរវាយថាខ្លួននឹងក្លាយជាមហាអំណាចកុម្មុយនីស្តនៅលើពិភពលោក ដោយខំបង្កើនការចំណាយលើវិស័យយោធា ខាងទ័ពអាកាស និងជាពិសេស គឺទ័ពជើងទឹកតែម្តង។ អ្នកវិភាគនិយាយថា ដើម្បីក្លាយខ្លួនជាមហាអំណាចយោធានៅលើលោកបាន ប្រទេសនោះត្រូវមានទ័ពជើងទឹក និងទ័ពអាកាសខ្លាំង អាចវាយបានក្នុងពេលដ៏ខ្លី និងរហ័សបំផុត។ ប៉ុន្តែសមត្ថភាពចិននៅស្ទើរណាស់ បើប្រៀបជាមួយសហរដ្ឋអាមេរិកខាងទ័ពអាកាស និងទ័ពជើងទឹក។ ចិនមានក្រុមអ្នកប្រយុទ្ធនាវាផ្ទុកយន្តហោះតែមួយក្រុមគត់ ខណៈដែលប្រៀបធៀបជាមួយសហរដ្ឋអាមេរិកមានដល់ទៅ ១២ក្រុម។ ចិនមានមូលដ្ឋានទ័ពតែមួយកន្លែងគឺនៅហ្ស៊ីបូទី រីឯសហរដ្ឋអាមេរិកមានគ្រប់កន្លែងទ័ពជុំវិញចិន និងរុស្ស៊ី ពោលគឺវត្តមានទ័ពអាមេរិកអាចខ្ទប់ដង្ហើមចិន និងរុស្ស៊ីបានយ៉ាងឆាប់រហ័ស បើសិនមានសង្គ្រាម។ យ៉ាងណាមិញ ចិននឹងមានក្រុមនាវាផ្ទុកយន្តហោះ ៣ក្រុមនៅឆ្នាំ ២០២៣។ បើតាមគម្រោង ចិននឹងមានក្រុមនាវាផ្ទុកយន្តហោះដល់ទៅ៦ក្រុមឯណោះ។ យ៉ាងណាក៏ដោយ ចិនកាន់តែដេញតាមសហរដ្ឋអាមេរិក អាមេរិកកាន់តែបង្កើនការចំណាយលើវិស័យយោធាបន្ថែមទៀត និងបង្កើនវត្តមានក្រុមនាវាផ្ទុកយន្តហោះឲ្យច្រើនជាងចិនស្ទើរទ្វេរដង។
នាវាចម្បាំងចិនប្រភេទ 052D នេះ មានបំពង់បាញ់គ្រាប់មីស៊ីលបញ្ឈរចំនួន ៦៤គ្រាប់៕
Home ព្រឹត្តិការណ៍ថ្មីៗ ចិនចាប់ផ្តើមដំណើរការនាវាពិឃាតបំពាក់ដោយគ្រាប់មីស៊ីលថ្មីចំនួន ២គ្រឿង