នៅក្នុងខែនេះ សហរដ្ឋអាមេរិកនឹងធ្វើសមយុទ្ធ នៅក្នុងតំបន់ឈូងសមុទ្រព័ក្ស ដើម្បីធានាដល់សេរីភាពនៃចលនាឆ្លងកាត់តាមច្រកសមុទ្រអ័រមូស បន្ទាប់ពីអ៊ីរ៉ង់បានគម្រាមថា ខ្លួននឹងបិទ្រច្រកសមុទ្រអ័រមូស ដែលជាច្រកសមុទ្រដ៏សំខាន់ ក្នុងការនាំចេញប្រេងទៅកាន់ពិភពលោក។
មេបញ្ជាការប្រចាំនៅកងនាវាទី៥ ប្រឆាំងគ្រាប់មីន និងលំហាត់សមយុទ្ធសន្តិសុខកងទ័ពជើងទឹក លោក Scott A. Stearney បានប្រាប់អ្នករាយការណ៍មុននេះថា សមយុទ្ធដែលមានការចូលរួមពីសម្ព័ន្ធមិត្តនៅក្នុងតំបន់ និងពិភពលោកនេះបង្ហាញថា សហរដ្ឋអាមេរិក និងដៃគូរបស់ខ្លួនបានត្រៀមខ្លួនរួចរាល់ហើយ ដើម្បីធានាដល់សិទ្ធក្នុងការធ្វើនាវាចរណ៍ និងសេរីភាពនៃលំហូរពាណិជ្ជកម្ម ដែលអនុឡោមទៅតាមច្បាប់អន្តរជាតិ។ នេះបើតាមសារព័ត៌មាន Bloomberg ដែលបានរាយការណ៍។
យោងតាមលោក Stearney សម្ព័ន្ធមិត្តរបស់សហរដ្ឋអាមេរិកចាំបាច់ត្រូវត្រៀមខ្លួន ដើម្បីដោះស្រាយនូវអ្វីដែលគំរាមកំហែងដល់ផលប្រយោជន៍ខ្លួន។ លោកបន្ថែមថា សកម្មភាពរបស់អ៊ីរ៉ង់នៅក្នុងតំបន់សមុទ្រឈូងសមុទ្រពែរ និងសមុទ្រក្រហមបានជំរុញឱ្យមានអស្ថិរភាព។
លំហាត់សមយុទ្ធកងកងទ័ពជើងទឹករបស់សហរដ្ឋអាមេរិកមួយ ក្នុងចំណោមសមយុទ្ធកងទ័ពជើងទឹកអាមេរិក កំពុងត្រូវបានធ្វើឡើងនៅហ្ស៊ីបូទីរួចមកហើយ។
កាលពីដើមខែកក្កដា កងកម្លាំងឆ្មាំបដិវត្តន៍អ៊ីស្លាមអ៊ីរ៉ង់បានធ្វើសមយុទ្ធទ្រង់ទ្រាយធំ នៅឈូងសមុទ្រពែរ។ កាលនោះកងកម្លាំងឆ្មាំបដិវត្តន៍អ៊ីស្លាមអ៊ីរ៉ង់បាននិយាយថា ពួកគេបានត្រៀមខ្លួនសម្រាប់បិទច្រកសមុទ្រដ៏សំខាន់នេះ ប្រសិនបើការនាំចេញរបស់ខ្លួនត្រូវបានរាំងខ្ទប់។
កាលពីខែមិថុនា សហរដ្ឋអាមេរិកបានជម្រុញឲ្យគ្រប់ក្រុមហ៊ុនប្រេងទាំងអស់បញ្ឈប់ការរកស៊ីជាមួយអ៊ីរ៉ង់ នៅត្រឹមខែវិច្ឆិកា បើដូចមិនដូច្នោះទេ នឹងត្រូវរងទណ្ឌកម្មពីសំណាក់សហរដ្ឋអាមេរិក។ ជាសាក្ខីកម្មី សហរដ្ឋអាមេរិក កាលពីខែមុនបានដាក់ទណ្ឌកម្មជុំទីមួយរួចមកហើយ ទៅលើអ៊ីរ៉ង់។ ទណ្ឌកម្មជុំទី២ ដែលបិទការនាំចេញប្រេងអ៊ីរ៉ង់ នឹងត្រូវចូលជាធរមាននៅខែវិច្ឆិកាខាងមុខ៕DNT-NEWS
Home ព្រឹត្តិការណ៍ថ្មីៗ សហរដ្ឋអាមេរិក នឹង ធ្វើសមយុទ្ធទ្រង់ទ្រាយធំក្នុងខែនេះ នៅតំបន់ឈូងសមុទ្រព័ក្ស ខណៈភាពតានតឹងមានការកើនឡើង