តុលាការលើកលែងទោសអន្តរជាតិបាននិយាយកាលពីថ្ងៃអង្គារថា ខ្លួនជឿថា អាជ្ញាធរវ៉េណេហ្ស៊ូអេឡាបានប្រព្រឹត្តឧក្រិដ្ឋកម្មប្រឆាំងមនុស្សជាតិដោយការវាយបង្ក្រាបក្រុមបាតុករ ហើយអង្គការមួយនេះបានជម្រុញឲ្យតុលាការព្រហ្មទណ្ឌអន្តរជាតិ (ICC) ធ្វើការស៊ើបអង្កេត។
ក្រុមសិទ្ធិមនុស្សបាននិយាយថា រដ្ឋាភិបាលរបស់លោកប្រធានាធិបតីនីកូឡា ម៉ាឌូរ៉ូបានឆ្លើយតបនឹង "គោលនយោបាយបង្ក្រាប" នៅចុងខែមករានៅពេលការតវ៉ាប្រឆាំងរដ្ឋាភិបាលបានរីកដុះដាលនៅទូទាំងប្រទេស បន្ទាប់ពីការលោកហ្កៃដូបានអំពាវនាវឲ្យមានការធ្វើបាតុកម្មប្រឆាំងលោកម៉ាឌូរ៉ូ។
អង្គការលើកលែងទោសបាននិយាយថា អ្នកប្រឆាំងត្រូវបានសម្លាប់ និងធ្វើទារណ្ឌកម្មក្នុងកំឡុងពេលនៃការធ្វើបាតុកម្ម។
សេចក្តីថ្លែងការណ៍របស់អង្គការបាននិយាយថា «តាមការវាយប្រហារនេះ ... កម្រិតនៃការសំរបសំរួលដោយកងកម្លាំងសន្តិសុខ ក៏ដូចជាសញ្ញានៃគំរូស្រដៀងគ្នានៅឆ្នាំ ២០១៤ និងឆ្នាំ ២០១៧ នាំឱ្យអង្គការលើកលែងទោសអន្តរជាតិជឿជាក់ថា អាជ្ញាធរវ៉េណេស៊ុយអេឡាបានប្រព្រឹត្តឧក្រិដ្ឋកម្មប្រឆាំងមនុស្សជាតិ»។
ក្រុមឃ្លាំមើលសិទ្ធិមនុស្ស ដែលមានមូលដ្ឋានប្រចាំនៅទីក្រុងឡុងបាននិយាយថា យ៉ាងហោចណាស់មនុស្ស ៤៧នាក់ត្រូវបានសម្លាប់ក្នុងកំឡុងពេលនៃការតវ៉ាចាប់ពីថ្ងៃទី២១ ដល់ថ្ងៃទី ២៥ មករា។ យ៉ាងហោចណាស់មនុស្ស ៣៣នាក់ត្រូវបានបាញ់សម្លាប់ដោយកងកម្លាំងសន្តិសុខ និង ៦នាក់ផ្សេងទៀតត្រូវសម្លាប់ដោយអ្នកគាំទ្ររដ្ឋភិបាល។
របាយការណ៍និយាយថា «កងកម្លាំងរដ្ឋាភិបាលស្គាល់មនុស្សល្បីៗ នៅសហគមន៍ពួកគេ ហើយសម្លាប់ពួកគេនៅពេលក្រោយ រីឯមនុស្សខ្លះទៀតត្រូវបានធ្វើទារណ្ឌកម្មមុនពួកគេត្រូវបានសម្លាប់។
មនុស្សជាង ៩០០នាក់ រួមមានទាំងក្មេងៗផងត្រូវបានឃុំឃាំងតាមអំពើចិត្តក្នុងកំឡុងពេលតែមួយ។ អង្គការលើកលែងទោសអន្តរជាតិបានស្នើឲ្យក្រុមប្រឹក្សាសិទ្ធមនុស្សអង្គការសហប្រជាជាតិ និងតុលាការព្រហ្មទណ្ឌអន្តរជាតិស៊ើបអង្កេតលើរឿងនេះ។ អង្គការនេះបានរកឃើញថា របបលោកម៉ាឌូរ៉ូបានប្រព្រឹត្តឧក្រិដ្ឋកម្ម និងបានរំលោភសិទ្ធមនុស្ស៕
