កាលពីពេលថ្មីៗនេះ ចែករំលែកតៗគ្នាពេញបណ្តាញទំនាក់ទំនងសង្គម ជាមួយនឹងរូបភាពរបស់តារាភាពយន្តស្រី ល្បីឈ្មោះបោះសំឡេងមួយរូបប្រចាំភូមា គឺកញ្ញា Soe Pyae Thazin។ ដោយសារតែភាពយន្តរូបស្រស់នោះ បានសម្រេចចិត្តបោះបង់ជីវិតជាតារា រស់នៅបែបស៊ីវីល័យបង្វែរទៅរកផ្លូវព្រះធម៌ដើមតាមគន្លង ព្រះពុទ្ធសាសនា វិញម្តង ដែលធ្វើឲ្យទស្សនិកជនទាំងក្នុង និងក្រៅស្រុកភ្ញាក់ផ្អើលយ៉ាងខ្លាំង។
យោងតាមទំព័រ Buddhism For World Peace And Humanity បានឲ្យដឹងតារាស្រីរូបនោះគឺជាតារាសម្តែង តារាម៉ូដែល និងជាតារាចម្រៀងដ៏មានប្រជាប្រិយភាពមួយរូប នៅក្នុងប្រទេសភូមា។ ហើយគោលបំណងរបស់នាង ក្នុងការបួសធ្វើជាដូនជីនេះដែរ គឺដើម្បីទទួលយកជីវិតសាមញ្ញ ជ្រើសរើសផ្លូវធម៌ធ្វើតាម ការមាគា៍ របស់ព្រះពុទ្ធដើម្បីឈានដល់គោលដៅនៃជីវិត តាមអ្វីដែលនាងចង់បាន។
ទោះជាយ៉ាងណាក្តី ផ្អែមតាមប្រភពអ្នកចែកចាយរូបរបស់តារាស្រីរូបនេះ គេមិនទាន់ដឹងនៅឡើយទេថា នាងនឹងបួសធ្វើជាដូនជីរយៈពេលយូរប៉ុណ្ណានោះទេ ។ ជាមួយគ្នានោះដែរក៏មានការលើកឡើងពីសំណាក់មហាជន មួយចំនួនថាការដែល តារាភាពយន្តស្រីរូបស្រស់សម្រេចចិត្តសុខចិត្តកោរសក់បួសជាដូនជីគឺដោយសារតែនាង មានបញ្ហាស្នេហាជាមួយបុរសម្នាក់ទើបធ្វើឲ្យនាងលះបង់ផ្លូវលោក ។
