កាលពីពេលថ្មីៗកន្លងទៅនេះ ផ្ទុះការភ្ញាក់ផ្អើលយ៉ាងខ្លាំងនៅក្នុងប្រព័ន្ធហ្វេសប៊ុក និង ចាប់អារម្មណ៍កាន់តែខ្លាំងទៅលើព្រឹត្តការណ៍ដើរលើកម្រាលព្រំក្រហមប្រចាំឆ្នាំនៅទីក្រុងកាន ប្រទេសបារាំង «Cannes Film Festival 2019» បន្ទាប់ពីវត្តមានតារាម៉ូដែលវៀតណាម ង៉ុក ត្រាញ់ (Ngoc Trinh) បង្ហាញខ្លួនជាមួយឈុតសម្លៀកបំពាក់ដ៏សែនសិចស៊ីរបស់នាងស្ទើរតែអាក្រាតកាយ ។
បើយោងតាមគេហទំព័រដេលីស្តារ បានដឹងថាតារាស្រីវ័យ ២៩ ឆ្នាំរូបនេះបានបង្ហាញខ្លួននៅលើកម្រាលព្រំក្រហមកាលពីថ្ងៃអាទិត្យ ទី១៩ ឧសភាក្នុងឈុតខ្មៅមើលឃើញសាច់ស្ទើរតែទាំងស្រុងជាមួយនឹងរូបរាងដ៏ស្រឡូន បានធ្វើឲ្យមនុស្សជាច្រើន មានការចាប់អារម្មណ៍មិនតិចទេ។ នៅក្នុងកម្មវិធីនេះដែរ ខាងអ្នកសារព័ត៌មានដែលមកពីបណ្តា ប្រទេសជាច្រើន បានថតរូប យ៉ាងយកចិត្តទុកដាក់ដោយមិនសំចៃដៃនោះឡើយ ។
ជាមួយនឹងការកោតសរសើរជាមួយនឹងរូបរាងដ៏សិចស៊ីនេះ ក៏មានផ្ទុះការរិះគន់មិនតិចដែរទេពីសំណាក់មហាជនដោយអ្នកខ្លះ លើកឡើងថា ដើម្បីដណ្ដើមបានការចាប់អារម្មណ៍ស៊ីដាច់គេមួយកម្មវិធី តារាម៉ូដែលវៀតណាម Ngoc Trinh បានស្លៀកឈុតពណ៌ខ្មៅដែលបង្ហាញសាច់ស្ទើរតែទាំងស្រុង ស្ទើរតែចេញកេរ្តិ៍ម៉ែចែកឲ្យ ។ ក្នុងនោះដែរពលរដ្ឋវៀតណាមមួយចំនួនលើកឡើងថា តារាម៉ូដែលរូបនេះបានសាងរូបភាពមិនសមរម្យដល់ជាតិ នៅលើឆាកអន្តរជាតិ៕
