អ្នកជំនាញមួយរូប បានធ្វើការក្រើនរំឭកថា តុក្កតាសិច អាចនឹងបង្កគ្រោះថ្នាក់ដល់អត្រាផ្តល់កំណើតជប៉ុន ស្របពេល ដែល បុរសជនជាតិជប៉ុនមួយចំនួន បែរជាបោះបង់ចោលទំនាក់ទំនងជាមួយមិត្តស្រី រួចងាកមករទំនាក់ទំនង ជាមួយតុក្កតា សិចវិញនោះ។
ចំនួនប្រជាពលរដ្ឋនៅក្នុងប្រទេសអាស៊ីមួយនេះ បានធ្លាក់ចុះយ៉ាងគំហុក ពេលដែលមានទារកតិចជាងមុន បានចាប់កំណើត ឡើង ហើយការព្រួយបារម្ភបានកើតមានឡើងថា ប្រជាជនជប៉ុន កំពុងប្រឈមនឹងការជិតផុតពូជ ថែមទៀតផង។
នៅក្នុងឆ្នាំ២០១៨ ទារកប្រហែល៩២១.០០០នាក់ បានកើតនៅក្នុងប្រទេសជប៉ុន ពោលគឺមានចំនួន ២៥.០០០នាក់ តិចជាងកាលពីឆ្នាំ២០១៧។
ក្រុមមន្ត្រីជប៉ុន បាននិយាយថា វាគឺជាតួលេខទាបបំផុត ចាប់តាំងពីការធ្លាក់ចុះជាប់កំណត់ត្រា បានចាប់ផ្តើមកើត ឡើងកាល ពីឆ្នាំ១៨៩៩។ មនុស្សប្រហែល១.៣លាននាក់ បានស្លាប់នៅក្នុងឆ្នាំតែមួយ ដែលនេះមានន័យថា ចំនួនមនុស្សបាន ធ្លាក់ចុះ ជិតពាក់កណ្តាលលាននាក់។
លោកវេជ្ជបណ្ឌ Kate Devlin គឺជាព្រឹទ្ធបុរសជាន់ខ្ពស់ផ្នែកសង្គម និងវប្បធម៌ នៅឯមហាវិទ្យាល័យ King's College London ហើយនិងជាអ្នកជំនាញឈានមុខគេម្នាក់នៅក្នុងវិស័យទាំងនេះ បានធ្វើការក្រើនរំឭកថា តុក្កតាសិច អាចនឹងធ្វើឲ្យវិបត្តិ ជិត ផុតពូជ កាន់តែធ្ងន់ធ្ងរឡើង។
លោក Devlin បាននិយាយប្រាប់កាសែតDaily Starថា “មាននូវក្តីកង្វល់ថា ប្រទេសជាច្រើនដូចជាជប៉ុន ជាកន្លែងដែល ភាពឯកកោ គឺជាបញ្ហាសង្គមដ៏ធំនោះ តុក្កតាសិច អាចនឹងធ្វើឲ្យបញ្ហាមួយនេះ កាន់តែអាក្រក់ទៅបំផុត”។
លោកបន្តថា សម្រាប់បុរសដែលចាប់អារម្មណ៍លើការទិញតុក្កតាសិច ពួកគេតែងតែសំឡឹងមើលទស្សនីយ ភាពទំនាក់ទំនង ភាពជាដៃគូផ្លូវភេទផងដែរ។
ដោយឡែក និន្នាការកើនឡើងនៃតុក្កតាសិច ត្រូវបានគេប្រកាសនៅក្នុងឯកសារវីដេអូមួយក្រោមចំណងជើងថា “អ្នកជំនួស” ដែលបានចុះផ្សាយនៅលើកញ្ចក់ទូរទស្សន៍ RTកាលពីឆ្នាំមុនក្រ។
ឯកសារមួយនេះ បានផ្តោតសំខាន់លើដើមចមដែលនាំឲ្យតុក្កតាសិចដូចមនុស្សមានជីវិតពិត ដើរតួយ៉ាងសំខាន់ក្នុង ការប៉ះប៉ូវលើ “អារម្មណឯកកោ និងការបាត់បង់សេចក្តីស្នេហា”។
ទោះបីជាយ៉ាងណាក៏ដោយ តុក្កតាសិច មិនមែនជាអព្ភូតហេតុនៅជប៉ុនតែមួយនោះទេ ដោយសារការលក់តុក្កតាសិច បានរីកសុះសាយលើសកលលោកផងដែរ។
ក្រុមហ៊ុន Dutch Wives បានប្រកាសឲ្យដឹងថា តុក្កតាសិចចំនួន២ពាន់គ្រឿង ដែលលក់រាយក្នុងតម្លៃ៤.៦០០ផោន ក្នុង១គ្រឿង ត្រូវបានលក់ដាច់អស់នៅក្នុងប្រទសជប៉ុនតែឯង ក្នុងឆ្នាំ២០១៧។
លោក Noburu Tanaka គឺជាអ្នកលក់តុក្កតាសិច បាននិយាយថា វាគឺជាអារម្មណ៍ដ៏អស្ចារ្យមួយ។ វាដូចជាតុក្កតាអញ្ចឹង ប៉ុន្តែអ្នកនឹងមានអារម្មណ៍ថា វាដូចជាមនុស្សមានជីវិតពិត។
