ខណៈដែលលោកត្រាំបានធ្វើដំណើរទស្សនកិច្ចទៅកាន់ប្រទេសជប៉ុន លោកបានប្រកាសនៅថ្ងៃចន្ទនេះថា ជប៉ុនគ្រោងនឹងទិញយន្តហោះចម្បាំងបំបាំងកាយ F-35 ចំនួន ១០៥គ្រឿង ដែលចំនួននេះនឹងក្លាយជាកងយន្តហោះចម្បាំងដ៏ធំជាងគេនៃយន្តហោះចម្បាំង F-35 នៅជប៉ុន។
លោកត្រាំបាននិយាយនៅក្នុងសន្និសីទសារព័ត៌មានមួយថា «សហរដ្ឋអាមេរិកគាំទ្រកិច្ចខិតខំប្រឹងប្រែងរបស់ជប៉ុន ក្នុងការលើកកម្ពស់សមត្ថភាពការពារជាតិរបស់ខ្លួន ហើយក្នុងរយៈពេលប៉ុន្មានខែថ្មីៗនេះ យើងបានបញ្ជូនឧបករណ៍យោធាដ៏ច្រើន»។
រដ្ឋាភិបាលជប៉ុនបានបញ្ជាទិញយន្តហោះចម្បាំង F-35A ចំនួន ៤២គ្រឿងកាលពីខែធ្នូ ឆ្នាំ ២០១១។ នៅដំណាច់ខែធ្នូ ឆ្នាំ ២០១៨ ការបញ្ជាទិញដែលមានស្រាប់ត្រូវបានធ្វើបច្ចុប្បន្នភាព។ នៅពេលនោះវាត្រូវបានគេរាយការណ៍ថា ក្រុងតូក្យូនឹងបន្ថែមប្រភេទយន្តហោះធុន F-35A ចំនួន ៦៣គ្រឿង និងប្រភេទយន្តហោះ F-35B ចំនួន ៤២ គ្រឿងទៅក្នុងបញ្ជាទិញរបស់ខ្លួន ដើម្បីបន្ថែមទៅលើសំណើដែលបានដាក់រួចហើយសម្រាប់យន្តហោះ F-35A ចំនួន ៤២គ្រឿង៕
