យោងតាមសារព័ត៌មានជប៉ុន NHK នៅថ្ងៃទី៣០ ឧសភានេះ លោក Patrick Shanahan ប្រធានមន្ទីរប៉ង់តាហ្គោនបានចាប់ផ្តើមដំណើរទស្សនកិច្ចនៅអាស៊ីរយៈពេលមួយសប្តាហ៍ដោយផ្តោតលើការពង្រឹងចំណងទាក់ទងជាមួយសម្ព័ន្ធមិត្តក្នុងតំបន់និងចាប់ផ្តើមកិច្ចចរចាស្មោះត្រង់ជាមួយសមភាគីចិនរបស់លោក ស្តីពីការអំណាចរបស់ចិនដែលកំពុងងើបឡើង។
ប្រទេសឥណ្ឌូនេស៊ីគឺជាជើងទីមួយនៃដំណើរទស្សនកិច្ចមួយ ដែលរួមបញ្ចូលទាំងការឈប់សម្រាកនៅសិង្ហបុរី កូរ៉េខាងត្បូង និងជប៉ុនផងដែរ។
នៅថ្ងៃព្រហស្បតិ៍លោក Shanahan ជួបជាមួយប្រធានាធិបតីឥណ្ឌូនេស៊ី លោក Joko Widodo បន្ទាប់ពីមានកិច្ចចរចាជាមួយរដ្ឋមន្ត្រីការបរទេស Retno Marsudi និងរដ្ឋមន្ត្រីក្រសួងការពារជាតិ Ryamizard Ryacudu។
កិច្ចសហប្រតិបត្តិការស្តីពីបញ្ហាដែនសមុទ្រជាមួយនឹងប្រទេសកោះនៅអាស៊ីអាគ្នេយ៍មួយនេះ នឹងស្ថិតនៅលំដាប់នៃរបៀបវីរៈ ខណៈែលសហរដ្ឋអាមេរិកកំពុងស្វែងរកមើល ដើម្បីទូទាត់វត្តមានចិន ដែលកំពុងតែពង្រីកឥទ្ធិពល ឬកំពុងតែវ៉ាងទីដោយខុសច្បាប់នៅក្នុងតំបន់សមុទ្រចិនខាងត្បូង។
នៅសិង្ហបុរី នៅថ្ងៃសៅរ៍ លោក Shanahan នឹងជួបជាមួយលោក Wei Fenghe រដ្ឋមន្ត្រីការពារប្រទេសចិន នៅខាងក្រៅវេទិកាការពារតំបន់កិច្ចសន្ទនា Shangri-La ។
លោក Shanahan បានប្រាប់ក្រុមអ្នកយកព័ត៌មានថា ក្រុងវ៉ាស៊ីនតោនបានអំពាវនាវម្តងហើយម្តងទៀតឱ្យមាន "សេរីភាពនៃការធ្វើនាវាចរណ៍" នៅក្នុងបណ្តាញដែនសមុទ្រដ៏មមាញឹកនៅពេលដែលក្រុងប៉េកាំងបង្កើនសមត្ថភាពយោធារបស់ខ្លួនខណៈចិនបានចោទប្រកាន់នាវាអាម៉េរិកបំពានដែនទឹករបស់ខ្លួន។
ប៉ុន្តែលោក Shanahan បាននិយាយថាការកើនឡើងនៃភាពតានតឹងនឹងមិនរារាំងសហរដ្ឋអាមេរិកពីការជម្រុញនូវយុទ្ធសាស្ត្រការពារជាតិ ដែលមើលឃើញចិន និងរុស្ស៊ីជាគូប្រជែងដ៏ធំបង្អស់។
ជារឿយៗ អាមេរិកបានបញ្ជូននាវាចម្បាំង និងយន្តហោះទម្លាក់គ្រាប់បែកទៅហោះ និងធ្វើនាវាចរណ៍ដោយសេរីលើដែនទឹកអន្តរជាតិ ដែលខិតទៅកាន់តែកៀកវត្តមានយោធាចិនតែម្តង។ បើសិនជាអាចទៅរួចដោយមិនជាប់គឿងនាវា អាមេរិកអាចនឹងបើកនាវាបំបុក និងកម្ទេចជំរុំកងទ័ព និងមូលដ្ឋានខុសច្បាប់របស់ចិនតែម្តង។ ចិនបានចោទថា វត្តមានអាមេរិកនៅក្នុងតំបន់នេះ គឺជាវត្តមានខុសច្បាប់ ប៉ុន្តែផ្ទុយទៅវិញ តើតំបន់សមុទ្រចិនខាងត្បូង ដែលច្បាប់អន្តរជាតិចាត់ទុកថាជាតំបន់អន្តរជាតិ ជារបស់បន្សល់ទុកដោយដូនតានចិនឬ បានជាចិនវ៉ាងទីលើតំបន់នេះ។ បើតាមច្បាប់អន្តរជាតិ តំបន់អន្តរជាតិគ្មានអ្នកណាម្នាក់អាចអះអាងជាកម្មសិទ្ធរបស់ខ្លួនទេ ការអះអាងរបស់ចិនគឺជាការអះអាងដោយខុសច្បាប់ ដែលពិភពលោកមិនអាចទទួលយកបាននោះទេ៕
Home ព្រឹត្តិការណ៍ថ្មីៗ រដ្ឋមន្ត្រីការពារជាតិស្តីពីសហរដ្ឋអាមេរិកបំពេញដំណើរទស្សកិច្ចមកកាន់អាស៊ី ដើម្បីចរចាជាមួយសម្ព័ន្ធមិត្តប្រឆាំងនឹងការវ៉ាងទីរបស់ចិន