ចិនបានបង្ហាញឯកសារស្តីពីផែនការបង្កើតកងទ័ពបច្ចេកវិទ្យាខ្ពស់ និងទំនើបនៅក្នុងគម្រោងការពារជាតិរបស់ខ្លួន ខណៈដែលពួកគេបានចោទប្រកាន់ទីក្រុងវ៉ាស៊ីងតោនថាកំពុងធ្វើឲ្យអន្តរាយដល់ស្ថិរភាពយុទ្ធសាស្ត្រសកល និងបានធ្វើការព្រមានផងដែរប្រឆាំងនឹងឯករាជ្យរបស់កោះតៃវ៉ាន់។
នៅថ្ងៃពុធនេះ ចិនបានបង្ហាញឯកសារលើកដំបូងរបស់ខ្លួន ចាប់តាំងពីឆ្នាំ២០១២ដែលឯកសារមួយនេះ នឹងផ្តល់ចក្ខុវិស័យដ៏កម្រមួយចំពោះយោធាធំបំផុតរបស់ពិភពលោក និងមហិច្ឆិតាយោធាទីក្រុងប៉េកាំង។
ចិន បានអះអាងថា “ការប្រកួតប្រជែងយុទ្ធសាស្ត្រអន្តរជាតិ កំពុងកើនឡើង” ហើយសហរដ្ឋអាមេរិក បានតម្រង់សន្តិសុខជាតិ និងយុទ្ធសាស្ត្រការពារជាតិរបស់ខ្លួន ហើយនិងបានអនុម័តគោលនយោបាយឯកតោភាគី។
ពួកគេបញ្ជាក់ថា សហរដ្ឋអាមេរិក បានបង្កឲ្យមានការប្រកួតប្រជែងតានតឹងកាន់តែខ្លាំងឡើងនៅក្នុងចំណោមប្រទេសធំៗ ពិសេសពួកគេបានបង្កើនការចំណាយការពារជាតិរបស់ខ្លួន ជំរុញឲ្យមានសមត្ថភាពបន្ថែមទៀតលើនុយក្លេអ៊ែរ ទីអវកាស ការវាយប្រហារតាមប្រព័ន្ធអ៊ីនធឺណេត និងការការពារមីស៊ីល ហើយនិងធ្វើឲ្យអន្តរាយដល់ស្ថិរភាពយុទ្ធសាស្ត្រសកល។
ជាងនេះទៅទៀត សហរដ្ឋអាមេរិក បានធ្វើឲ្យអន្តរាយដល់ស្ថិរភាពយុទ្ធសាស្ត្រសកល តាមរយៈការបង្កើនលើការចំណាយការពារជាតិ និងលក់អាវុធឲ្យកោះតៃវ៉ាន់។
ក្រសួងការបរទេសសហរដ្ឋអាមេរិក ធ្លាប់បានឯកភាពលើការលក់អាវុធទ្រង់ទ្រាយធំក្នុងតម្លៃ២.២ពាន់លានដុល្លារឲ្យទៅកោះតៃវ៉ាន់។
ចិនបាននិយាយទៀតថា បច្ចេកវិទ្យាកាន់តែស្រួចស្រាវនៅក្នុងកាំភ្លើងធំរបស់កងទ័ពរំដោះប្រជាមានិតចិន គឺនៅអន់ថយឆ្ងាយជាងយោធាឈានមុខគេរបស់ពិភពលោក។ សង្គ្រាមកាន់តែវិវត្តន៍ឆ្ពោះទៅរកសង្គ្រាមចារកម្ម ជាហេតុធ្វើឲ្យមានការប្រើប្រាស់កើនឡើងលើចារកិច្ចសិប្បនិម្មិត(AI) ទិន្នន័យធំៗ កុំព្យូទ័រ និងបច្ចេកវិទ្យាយោធាខ្ពស់ ហើយថ្មី ដោយផ្អែកលើបច្ចេកវិទ្យាព័ត៌មាន(IT)។
សូមបញ្ជាក់ថា ការចំណាយការពារជាតិចិន ឈរនៅលំដាប់ថ្នាក់លេខ២ពីក្រោយសហរដ្ឋអាមេរិក ហើយចិន បានអះអាងកាលពីដើមឆ្នាំនេះថា ពួកគេមានគម្រោងបង្កើនការចំណាយ៧.៥ភាគរយលើយោធា នៅក្នុងឆ្នាំ២០១៩៕
Home ព្រឹត្តិការណ៍ថ្មីៗ ចិនបង្ហាញផែនការបង្កើតកងទ័ពបច្ចេកវិទ្យាទំទើប ដើម្បីទប់ទល់នឹងការវាតទីអំណាចយោធារបស់អាមេរិក