កងរាជអាវុធហត្ថលើផ្ទៃប្រទេស បានឱ្យដឹងថា ខ្លួននឹងចល័តកម្លាំង និងរថពាសដែកពីបន្ទាយ កងអន្តរាគមន៍ (បឹងតាមោក) ទៅមជ្ឈមណ្ឌលហ្វឹកហ្វឺនកងរាជអាវុធហត្ថភ្នំជំរាយ ខេត្តកំពង់ឆ្នាំង នាព្រឹកថ្ងៃទី២ ខែមិថុនា ឆ្នាំ២០១៩។
យោងតាមសេចក្តីប្រកាសព័ត៌មាននៃកងរាជអាវុធហត្ថលើផ្ទៃប្រទេសកាលពីថ្ងៃទី៣០ខែឧសភាឆ្នាំ២០១៩បានឱ្យដឹងថាកងរាជអាវុធហត្ថនឹងធ្វើការហ្វឹកហ្វឺនចូលទៅបើកបររថពាសដែកប្រើប្រាស់គ្រឿងបំពាក់សព្វាវុធក្នុងការបាញ់គ្រាប់ពិតជំនាន់ទី២ចាប់ពីថ្ងៃទី៤មិថុនាដល់ថ្ងៃទី២ខែតុលាឆ្នាំ២០១៩។
នៅមជ្ឈមណ្ឌលហ្វឹកហ្វឺនកងរាជអាវុធហត្ថភ្នំជំរាយដើម្បីបង្កើនសមត្ថភាពក្នុងការបំពេញភារកិច្ចការពារសន្តិសុខសណ្ដាប់ធ្នាប់សាធារណៈនិងការការពារជាតិមាតុភូមិ។ដូច្នេះនឹងចល័តកម្លាំងកងរាជអាវុធហត្ថនិងរថពាសដែកពីបន្ទាយកងអន្តរាគមន៍រាជធានីភ្នំពេញទៅមជ្ឈមណ្ឌលហ្វឹកហ្វឺនកងរាជអាវុធហត្ថភ្នំជំរាយខេត្តកំពង់ឆ្នាំងនៅព្រឹកថ្ងៃទី២២ខែមិថុនាឆ្នាំ២០១៩៕