តារាសម្តែងហុងកុង នាង Jacqueline Wong នឹងត្រូវបង់ប្រាក់ថ្លៃខូចខាតយ៉ាងច្រើនសន្ធឹកសន្ធាប់ បន្ទាប់ពីផ្ទុះរឿងអាស្រូវទំនាក់ទំនងស្នេហាត្រីកោណរបស់នាងជាមួយតារាសម្តែងរៀបការរួច គឺលោក Andy Hui ។
កាសែត Oriental Daily News បានរាយការណ៍ថា ក្រោយការផ្សព្វផ្សាយ និងការផ្សាយពាណិជ្ជកម្មរបស់តារាស្រីអាប់ឱនកិត្តិយសម្នាក់នេះ លែងចាក់ផ្សាយទៀតនោះ ក្រុមហ៊ុនជាច្រើន ទំនងជាប្តឹងទាមទារសំណង១០លានដុល្លារហុងកុងពីនាង Wongសម្រាប់ការបំពានកុងត្រារបស់នាង។
ខណៈពេលនោះដែរ ទូរទស្សន៍ TVB ត្រូវបង្ខំចិត្តផងដែរក្នុងការចំណាយលុយយ៉ាងច្រើន ដើម្បីថតឡើងវិញ និងចាក់ផ្សាយឡើងវិញនូវខ្សែភាពយន្ត “Forensic Heroes IV and Finding Her Voice ” បន្ទាប់ពីមានរឿងអាស្រូវស្នេហាត្រីកោណនេះ។
ព័ត៌មានកម្សាន្តជាច្រើន បានរាយការណ៍ថា បណ្តាញផ្សព្វផ្សាយមួយនេះ បានទាមទារប្រាក់ពីអតីតបេក្ខភាពបវរកញ្ញាហុងកុងម្នាក់នេះ នូវទឹកប្រាក់៣០លានដុល្លារហុងកុង ជាថ្លៃខូចខាត ថ្វីត្បិតតែប្រធានប្រតិបត្តិ TVB លោក Virginia Lok បានធ្វើការច្រានចោលអំណះអំណាងមួយនេះក៏ដោយ។
សេចក្តីរាយការណ៍ផ្សេងទៀត បានអះអាងថា នាង Wong អាចនឹងដាក់ពាក្យសុំក្ស័យធន់ បើសិនជានាងគ្មានលុយគ្រប់គ្រាន់ដើម្បីសងថ្លៃខូចខាតទាំងនេះទេនោះ។
សូមបញ្ជាក់ថា កាលពីខែមុន បណ្តាលឲ្យមានការខូចខាតធ្ងន់ធ្ងរលើតារាសម្តែងវ័យ៣០ឆ្នាំម្នាក់នេះ ដែលបានរត់គេចទៅកាន់សហរដ្ឋអាមេរិក ក្រោយទំនាក់ទំនងស្នេហារបស់នាងជាមួយលោក Hui ត្រូវបានគេទម្លាយឲ្យដឹងកាលពីខែមេសា។
ភ្លាមៗនោះក្រោយវីដេអូឃើញអ្នកទាំង២ថើបគ្នា និងបបោសអង្អែលគ្នានៅពួកខាងក្រោយរថយន្ត ផ្ទុះតាមអនឡាញ លោក Huiបានធ្វើសន្និសីទកាសែត ជាកន្លែងដែលលោកស្រក់ទឹកភ្នែក និងបានធ្វើការសុំទោសចំពោះទង្វើររបស់លោក៕
