កាលពីថ្ងៃទី១៣ ខែមិថុនា តុលាការ Seoul Southern District បានចេញសាលក្រមសម្រេចឈរខាងដើមបណ្តឹងគឺលោក Leeដែលជាប្រធានប្រតិបត្តិការរបស់ផលិតកម្ម Once Picture និងបានបញ្ជាឲ្យនាង Suzy និងចុងចោទ២នាក់ទៀត បង់ថ្លៃខូចខាត២លានវ៉ុន ដែលស្មើនឹង១៦.៩០០ដុល្លារ ។
គួរឲ្យដឹងថា នាង Suzyបានជាប់ផុងទៅក្នុងបញ្ហាជាមួយផលិតកម្ម Once Picture កាលពីខែឧសភា ឆ្នាំមុន ពេលដែលនាងដាក់ឈ្មោះផលិតកម្មនេះ នៅលើព័ត៌មានសង្គមដើម្បីស្រាយចម្ងល់ករណីចោទប្រកាន់របស់តារា YouTubeគឺលោក Yang Ye Won ។ ទោះបីជាយ៉ាងណាក៏ដោយ ក្រោយមក គេរកឃើញថា ផលិតកម្ម Once Picture មិនមែនការជាប់ពាក់ព័ន្ធអ្វីនោះឡើយ។
ផលិតកម្ម Once Picture បានបញ្ជាក់ថា វាប្រហែលជាពួកគេមិនមានចេតនានោះទេ ប៉ុន្តែពួកគេត្រូវតែទទួលខុសត្រូវមួយចំណែកលើផលប៉ះពាល់ខ្លាំង នៅក្នុងបណ្តឹងទាមទារសំណងជំងឺចិត្ត១០០លានវ៉ុន ស្មើនឹង៨៤.៥០០ដុល្លារ ពីនាង Suzy និងបុគ្គល២នាក់ទៀតដែលមានឈ្មោះនៅក្នុងបណ្តឹងរដ្ឋាភិបាល ។ នាង Suzyបាននិយាយថា នាងចង់សុំទោសដល់ផលិតកម្ម ប៉ុន្តែដោយសារតែពួកគេបដិសេធន៍មិនព្រមទទួលយកការសុំទោសរបស់នាង និងស្នើសុំនិយាយជាមួយមេធាវីរបស់នាងជំនួសវិញនោះ នាងក៏បានសុំទោសតាមព័ត៌មានសង្គម។
មេធាវីរបស់នាង Suzy បាននិយាយថា ថ្វីត្បិតតែពួកយើងយល់ឃើញថា ត្រូវតែទទួលខុសត្រូវយ៉ាងណាក្តី តែការសងថ្លៃជំងឺចិត្ត គឺជារឿងខុសប្លែកគ្នា។ យើងសង្ឃឹមថា នេះនឹងក្លាយជាគំរូមួយដើម្បីកម្រិតសេរីភាពនិយាយស្តីរបស់តារាល្បី ។ យើងយល់ឃើញថា វាពិបាកណាស់ក្នុងការផ្តល់សំណងជំងឺចិត្តជាសាច់ប្រាក់។
សូមបញ្ជាក់ថា លោក Yang Ye Won បានបង្ហោះវីដេអូមួយនៅលើ YouTube ដោយអះអាងថា នាង Suzyត្រូវបានគេបំពានផ្លូវភេទ ក្រោយដាក់ពាក្យសុំធ្វើការងារជាតារាម៉ូដែលក្រៅម៉ោង៕
