សារព័ត៌មាន CNN នៅថ្ងៃទី៥ មិថុនានេះបានឲ្យដឹងថា យន្តហោះចម្បាំងរុស្ស៊ីមួយគ្រឿងបានស្ទាក់ដំណើរយន្តហោះសហរដ្ឋអាមេរិក ដែលហោះនៅពីលើតំបន់អន្តរជាតិនៃសមុទ្រមេឌីទែរ៉ាណេចំនួន ៣លើក ក្នុងរយៈពេលត្រឹមតែ ៣ម៉ោងតែប៉ុណ្ណោះ។ នេះបើតាមកងនាវាចម្បាំងទី៦ របស់សហរដ្ឋអាមេរិក។
កងនាវាចម្បាំងទី៦ បាននិយាយនៅក្នុងសេចក្តីថ្លែងការណ៍មួយថា «នៅថ្ងៃទី ៤ ខែមិថុនា ឆ្នាំ ២០១៩ យន្តហោះ P-8A Poseidon របស់អាមេរិក ដែលហោះក្នុងដែនអាកាសអន្តរជាតិនៅលើសមុទ្រមេឌីទែរ៉ាណេ ត្រូវបានស្ទាក់ដំណើរដោយយន្តហោះចម្បាំងរុស្ស៊ី Su-35 ដងក្នុងរយៈពេល ១៧៥នាទី»។
សេចក្តីថ្លែងការណ៍នោះបាននិយាយថា «លើកទីពីរនៃអន្តរកម្មទាំងបីនេះត្រូវបានកំណត់ថាមិនមានសុវត្ថិភាពដោយសារយន្តហោះរុស្ស៊ីកំពុងឆ្លងកាត់ក្នុងល្បឿនខ្ពស់ដោយផ្ទាល់នៅពីមុខយន្តហោះ ដែលធ្វើបេសកកម្ម ដែលនេះធ្វើឲ្យក្រុមអាកាសយានិករបស់យើងស្ថិតក្នុងហានិភ័យ»។
សេចក្តីថ្លែងការណ៍បន្តថា យន្តហោះអាមេរិកកំពុងរក្សានូវស្តង់ដារអន្តរជាតិ ហើយមិនបានបង្កហេតុលើសកម្មភាពរុស្ស៊ីនោះទេ»។
កងនាវាចម្បាំងទី៦ បានសរសេរថា «ខណៈដែលយន្តហោះចម្បាំងរុស្ស៊ីកំពុងប្រតិបត្តិការលើដែនអាកាសអន្តរជាតិ អន្តរកម្មនោះគ្មានទំនួលខុសត្រូវនោះទេ។ យើងរំពឹងថា ពួកគេនឹងប្រព្រឹត្តទៅតាមស្តង់ដាអន្តរជាតិ ដើម្បីធានាឲ្យបាននូវសុវត្ថិភាព និងរារាំងនូវឧបត្តិហេតុ»។
សំណេរបន្តថា សកម្មភាពគ្មានសុវត្ថិភាពបង្កើននូវហានីភ័យនៃការវិនិច្ឆ័យខុស និងការប៉ះទង្គិចនៅពាក់កណ្តាលអាកាសដ៏ធ្ងន់ធ្ងរ។
កាលពីខែមុន យន្តហោះចម្បាំងប៉បាំងកាយសហរដ្ឋអាមេរិក F-22 បានស្ទាក់ដំណើរយន្តហោះទម្លាក់គ្រាប់បែករុស្ស៊ីបួនគ្រឿងនិងយន្ដហោះចម្បាំង SU-35 រុស្ស៊ីពីរគ្រឿងនៅលើដែនអាកាសអន្តរជាតិ នៅឆ្នេរសមុទ្រអាឡាស្កា។ ការហោះហើររបស់ក្រុមយន្តហោះទម្លាក់គ្រាប់បែករុស្ស៊ីត្រូវបានមើលឃើញដោយក្រុមមន្ត្រីយោធាអាមេរិកថា គឺជាផ្នែកមួយនៃកិច្ចខិតខំប្រឹងប្រែងរបស់ម៉ូស្គូ ដើម្បីហ្វឹកហាត់យោធារបស់ខ្លួនសម្រាប់វិបត្តិដ៏ធ្ងន់ធ្ងរ ខណៈដែលពួកគេកំពុងបញ្ជូនសារអំពីអនុភាពរបស់ខ្លួនទៅកាន់ពួកសត្រូវ៕យន្តហោះចម្បាំងរុស្ស៊ីស្ទាក់ដំណើរយន្តហោះសហរដ្ឋអាមេរិក ដែលហោះពីលើសមុទ្រមេឌីទែរ៉ាណេ
សារព័ត៌មាន CNN នៅថ្ងៃទី៥ មិថុនានេះបានឲ្យដឹងថា យន្តហោះចម្បាំងរុស្ស៊ីមួយគ្រឿងបានស្ទាក់ដំណើរយន្តហោះសហរដ្ឋអាមេរិក ដែលហោះនៅពីលើតំបន់អន្តរជាតិនៃសមុទ្រមេឌីទែរ៉ាណេចំនួន ៣លើក ក្នុងរយៈពេលត្រឹមតែ ៣ម៉ោងតែប៉ុណ្ណោះ។ នេះបើតាមកងនាវាចម្បាំងទី៦ របស់សហរដ្ឋអាមេរិក។
កងនាវាចម្បាំងទី៦ បាននិយាយនៅក្នុងសេចក្តីថ្លែងការណ៍មួយថា «នៅថ្ងៃទី ៤ ខែមិថុនា ឆ្នាំ ២០១៩ យន្តហោះ P-8A Poseidon របស់អាមេរិក ដែលហោះក្នុងដែនអាកាសអន្តរជាតិនៅលើសមុទ្រមេឌីទែរ៉ាណេ ត្រូវបានស្ទាក់ដំណើរដោយយន្តហោះចម្បាំងរុស្ស៊ី Su-35 ដងក្នុងរយៈពេល ១៧៥នាទី»។
សេចក្តីថ្លែងការណ៍នោះបាននិយាយថា «លើកទីពីរនៃអន្តរកម្មទាំងបីនេះត្រូវបានកំណត់ថាមិនមានសុវត្ថិភាពដោយសារយន្តហោះរុស្ស៊ីកំពុងឆ្លងកាត់ក្នុងល្បឿនខ្ពស់ដោយផ្ទាល់នៅពីមុខយន្តហោះ ដែលធ្វើបេសកកម្ម ដែលនេះធ្វើឲ្យក្រុមអាកាសយានិករបស់យើងស្ថិតក្នុងហានិភ័យ»។
សេចក្តីថ្លែងការណ៍បន្តថា យន្តហោះអាមេរិកកំពុងរក្សានូវស្តង់ដារអន្តរជាតិ ហើយមិនបានបង្កហេតុលើសកម្មភាពរុស្ស៊ីនោះទេ»។
កងនាវាចម្បាំងទី៦ បានសរសេរថា «ខណៈដែលយន្តហោះចម្បាំងរុស្ស៊ីកំពុងប្រតិបត្តិការលើដែនអាកាសអន្តរជាតិ អន្តរកម្មនោះគ្មានទំនួលខុសត្រូវនោះទេ។ យើងរំពឹងថា ពួកគេនឹងប្រព្រឹត្តទៅតាមស្តង់ដាអន្តរជាតិ ដើម្បីធានាឲ្យបាននូវសុវត្ថិភាព និងរារាំងនូវឧបត្តិហេតុ»។
សំណេរបន្តថា សកម្មភាពគ្មានសុវត្ថិភាពបង្កើននូវហានីភ័យនៃការវិនិច្ឆ័យខុស និងការប៉ះទង្គិចនៅពាក់កណ្តាលអាកាសដ៏ធ្ងន់ធ្ងរ។
កាលពីខែមុន យន្តហោះចម្បាំងប៉បាំងកាយសហរដ្ឋអាមេរិក F-22 បានស្ទាក់ដំណើរយន្តហោះទម្លាក់គ្រាប់បែករុស្ស៊ីបួនគ្រឿងនិងយន្ដហោះចម្បាំង SU-35 រុស្ស៊ីពីរគ្រឿងនៅលើដែនអាកាសអន្តរជាតិ នៅឆ្នេរសមុទ្រអាឡាស្កា។ ការហោះហើររបស់ក្រុមយន្តហោះទម្លាក់គ្រាប់បែករុស្ស៊ីត្រូវបានមើលឃើញដោយក្រុមមន្ត្រីយោធាអាមេរិកថា គឺជាផ្នែកមួយនៃកិច្ចខិតខំប្រឹងប្រែងរបស់ម៉ូស្គូ ដើម្បីហ្វឹកហាត់យោធារបស់ខ្លួនសម្រាប់វិបត្តិដ៏ធ្ងន់ធ្ងរ ខណៈដែលពួកគេកំពុងបញ្ជូនសារអំពីអនុភាពរបស់ខ្លួនទៅកាន់ពួកសត្រូវ៕
