(ទីក្រុងម៉ានីល)៖ គេហទំព័រ Rappler ដែលមានមូលដ្ឋាននៅហ្វីលីពីនបានឲ្យដឹងនៅថ្ងៃទី៥ មិថុនានេះថា ហ្វីលីពីនគាំទ្រសកម្មភាពសហរដ្ឋអាមេរិកនៅក្នុងតំបន់សមុទ្រចិនខាងត្បូង ឬសមុទ្រហ្វីលីពីនខាងលិច ដែលនឹងរក្សាស្ថេរភាពនៅក្នុងតំបន់ ចំពេលដែលចិនកំពុងបន្តសាងសង់មូលដ្ឋានយោធានៅក្នុងតំបន់។ នេះបើតាមអ្នកនាំពាក្យលោកប្រធានាធិបតីឌូទើតេ ដែលបាននិយាយកាលពីថ្ងៃទី ៤ មិថុនា។
អ្នកនាំពាក្យលោក Salvador Panelo ត្រូវបានសួរអំពីសេចក្តីថ្លែងការណ៍របស់លោករដ្ឋមន្ត្រីការពារជាតិស្តីទីសហរដ្ឋអាមេរិក ផាទ្រីក ស្យាណាហាន ដែលថា សហរដ្ឋអាមេរិកនឹងមិននៅស្ងៀមចំពោះទង្វើរបស់ចិននៅក្នុងតំបន់សមុទ្រចិនខាងត្បូងទៀតនោះទេ។
អ្នកនាំពាក្យរូបនោះបាននិយាយថា «ហ្វីលីពីនចង់បានស្ថេរភាពនៅក្នុងផ្នែកមួយនៃពិភពលោកនេះ។ ជំហរហ្វីលីពីនគឺថា គ្រប់ប្រទេសទាំងអស់មានសិទ្ធិប្រើប្រាស់ដែនទឹក និងដែនអាកាសនៅសមុទ្រចិនខាងត្បូងបាន ហើយយើងចង់បានសន្តិភាពនិងស្ងប់ស្ងាត់នៅក្នុងតំបន់នោះ។ ដូច្នេះអ្វីដែលនឹងផ្តល់នូវបរិយាកាសបែបនេះ យើងគឺសម្រាប់វា»។
លោកបានបន្ថែមថា «ប្រសិនបើវត្តមានរបស់អាមេរិកនឹងធ្វើឱ្យបានដូច្នេះ វាជាការល្អសម្រាប់យើង ដែលជាអ្នកទាមទារទាំងអស់គ្នា»។
ក្រៅពីប្រទេសហ្វីលីពីននិងចិន អ្នកទាមទារឯទៀតទៅសមុទ្រចិនខាងត្បូង គឺប្រ៊ុយណេ ឥណ្ឌូណេស៊ីម៉ាឡេស៊ី តៃវ៉ាន់ និងវៀតណាម។
កាលពីប៉ុន្មានសប្តាហ៍មុន ហ្វីលីពីន បានរួមដៃជាមួយសហរដ្ឋអាមេរិកធ្វើសមយុទ្ធកងកម្លាំងឆ្មាំសមុទ្រ ដើម្បីបង្ហាញកម្លាំងដល់ទីក្រុងប៉េកាំង។ ក្រៅពីនេះ ហ្វីលីពីនក៏បានចូលរួមសមយុទ្ធជាមួយសហរដ្ឋអាមេរិក ជប៉ុន និងឥណ្ឌាផងដែរ ខណៈដែលទីក្រុងប៉េកាំងកំពុងបង្កើនការវ៉ាងទីលើតំបន់សមុទ្រចិនខាងត្បូង។ កាលពីប៉ុន្មានខែមុន លោករដ្ឋមន្ត្រីការបរទេសសហរដ្ឋអាមេរិកម៉ាយ ផម់ភីអូបាននិយាយថា សហរដ្ឋអាមេរិកនឹងចូលអន្តរាគមន៍ជួយហ្វីលីពីន បើហ្វីលីពីនរងការវាយប្រហារណាមួយនៅសមុទ្រចិនខាងត្បូង៕ហ្វីលីពីនគាំទ្រទង្វើសហរដ្ឋអាមេរិកប្រឆាំងនឹងការសាងសង់មូលដ្ឋានទ័ពដោយខុសច្បាប់របស់ចិន
(ទីក្រុងម៉ានីល)៖ គេហទំព័រ Rappler ដែលមានមូលដ្ឋាននៅហ្វីលីពីនបានឲ្យដឹងនៅថ្ងៃទី៥ មិថុនានេះថា ហ្វីលីពីនគាំទ្រសកម្មភាពសហរដ្ឋអាមេរិកនៅក្នុងតំបន់សមុទ្រចិនខាងត្បូង ឬសមុទ្រហ្វីលីពីនខាងលិច ដែលនឹងរក្សាស្ថេរភាពនៅក្នុងតំបន់ ចំពេលដែលចិនកំពុងបន្តសាងសង់មូលដ្ឋានយោធានៅក្នុងតំបន់។ នេះបើតាមអ្នកនាំពាក្យលោកប្រធានាធិបតីឌូទើតេ ដែលបាននិយាយកាលពីថ្ងៃទី ៤ មិថុនា។
អ្នកនាំពាក្យលោក Salvador Panelo ត្រូវបានសួរអំពីសេចក្តីថ្លែងការណ៍របស់លោករដ្ឋមន្ត្រីការពារជាតិស្តីទីសហរដ្ឋអាមេរិក ផាទ្រីក ស្យាណាហាន ដែលថា សហរដ្ឋអាមេរិកនឹងមិននៅស្ងៀមចំពោះទង្វើរបស់ចិននៅក្នុងតំបន់សមុទ្រចិនខាងត្បូងទៀតនោះទេ។
អ្នកនាំពាក្យរូបនោះបាននិយាយថា «ហ្វីលីពីនចង់បានស្ថេរភាពនៅក្នុងផ្នែកមួយនៃពិភពលោកនេះ។ ជំហរហ្វីលីពីនគឺថា គ្រប់ប្រទេសទាំងអស់មានសិទ្ធិប្រើប្រាស់ដែនទឹក និងដែនអាកាសនៅសមុទ្រចិនខាងត្បូងបាន ហើយយើងចង់បានសន្តិភាពនិងស្ងប់ស្ងាត់នៅក្នុងតំបន់នោះ។ ដូច្នេះអ្វីដែលនឹងផ្តល់នូវបរិយាកាសបែបនេះ យើងគឺសម្រាប់វា»។
លោកបានបន្ថែមថា «ប្រសិនបើវត្តមានរបស់អាមេរិកនឹងធ្វើឱ្យបានដូច្នេះ វាជាការល្អសម្រាប់យើង ដែលជាអ្នកទាមទារទាំងអស់គ្នា»។
ក្រៅពីប្រទេសហ្វីលីពីននិងចិន អ្នកទាមទារឯទៀតទៅសមុទ្រចិនខាងត្បូង គឺប្រ៊ុយណេ ឥណ្ឌូណេស៊ីម៉ាឡេស៊ី តៃវ៉ាន់ និងវៀតណាម។
កាលពីប៉ុន្មានសប្តាហ៍មុន ហ្វីលីពីន បានរួមដៃជាមួយសហរដ្ឋអាមេរិកធ្វើសមយុទ្ធកងកម្លាំងឆ្មាំសមុទ្រ ដើម្បីបង្ហាញកម្លាំងដល់ទីក្រុងប៉េកាំង។ ក្រៅពីនេះ ហ្វីលីពីនក៏បានចូលរួមសមយុទ្ធជាមួយសហរដ្ឋអាមេរិក ជប៉ុន និងឥណ្ឌាផងដែរ ខណៈដែលទីក្រុងប៉េកាំងកំពុងបង្កើនការវ៉ាងទីលើតំបន់សមុទ្រចិនខាងត្បូង។ កាលពីប៉ុន្មានខែមុន លោករដ្ឋមន្ត្រីការបរទេសសហរដ្ឋអាមេរិកម៉ាយ ផម់ភីអូបាននិយាយថា សហរដ្ឋអាមេរិកនឹងចូលអន្តរាគមន៍ជួយហ្វីលីពីន បើហ្វីលីពីនរងការវាយប្រហារណាមួយនៅសមុទ្រចិនខាងត្បូង៕
