តាកែវ៖បុរសម្នាក់ កំពុងតែជិះកង់ ធ្វើដំណើរតាមផ្លូវសុខៗ ត្រូវបានរថយន្តមួយគ្រឿង មិនស្គាល់ម៉ាក មកបុកប្រល័យពីក្រោយ បណ្តាលឲ្យស្លាប់ យ៉ាងអាណោច អាធម៌ នៅក្បែរចិញ្ចើមផ្លូវ។ហេតុការនេះបានកើតឡើង កាលពីវេលាម៉ោង២០នឹង៤០នាទី យប់ថ្ងៃទី៣០ ខែឧសភា ឆ្នាំ២០១៩ ស្ថិតនៅតាមបណ្តោយផ្លូវជាតិលេខ២ ត្រង់ចន្លោះគីឡូម៉ែត្រលេខ៨៨,៨៩ នៅក្នុងភូមិភ្នំខ្លែង ឃុំព្រៃស្លឹក ស្រុកទ្រាំង ខេត្តតាកែវ។
ប្រភពពីកន្លែងកើតហេតុ បានឲ្យដឹងថា៖ នៅមុនពេលកើតហេតុ គេបានឃើញបុរសម្នាក់ ជិះកង់តាមបណ្តោយផ្លូវជាតិ ក្នុងទិសដៅពីជើង ទៅ ត្បូង ស្រាប់តែមក ដល់កន្លែងកើតហេតុ មានរថយន្តមួយគ្រឿង មិនស្គាល់ម៉ាក បានបោះពួយមកពីក្រោយយ៉ាងលឿន បានបុកជនរងគ្រោះ កំពុងតែជិះកង់ ពេញទំហឹង បណ្តាលឲ្យជនរងគ្រោះស្លាប់ភ្លាមៗនៅកន្លែងហេតុ ចំណែករថយន្តបង្ក ឃើញដូច្នេះ ក៌បានបន្ថែមល្បឿន រត់គេចខ្លួនបាត់ស្រមោល តែម្តង។
បើតាមសមត្ថកិច្ចដែលចុះទៅដល់កន្លែងកើតហេតុ បានឲ្យដឹងថា៖សពជនរងគ្រោះ ឈ្មោះ ស ទូច ភេទប្រុស អាយុ៣៣ឆ្នាំ មុខរបរកសិករ រស់នៅភូមិ ឃុំកើតហេតុខាងលើ ស្លាប់នូវនឹងកន្លែង ចំណែកឯ រថយន្តបង្ករ មិនត្រូវបានស្គាល់អត្តសញ្ញាណទេ បានបើករត់គេចខ្លួនបាត់ស្រមោល។ក្រោយពេលកើតហេតុ សមត្ថកិច្ខជំនាញ នែអធិការដ្ឋាននគរបាលស្រុកទ្រាំង បានចុះទៅធ្វើការវាស់វែង រួច ក៌បាន ប្រគល់សព ទៅអោយក្រុមគ្រួសារ យកទៅធ្វើបុណ្យតាមប្រពៃណី ចំណែករថយន្តបង្ករ សមត្ថកិច្ចកំពុងស្រាវជ្រាវរក ម្ចាស់រថយន្ត ដើម្បីយកមកទទួលទោស ទៅតាមផ្លូវច្បាប់៕ដោយបងខន
Home ព្រឹត្តិការណ៍ថ្មីៗ បុកគេហើយ អាងបើករត់….!! ទុកអោយជនរងគ្រោះដេកស្លាប់ យ៉ាងអាណោច អាធម៌ នៅចិញ្ចើមផ្លូវ