នាង Rihannaដែលជាតារាចម្រៀង និងសម្តែងដ៏ល្បីល្បាញម្នាក់នៅតំបន់អាមេរិកខាងជើង បានក្លាយជាតារាចម្រៀងមានទ្រព្យសម្បត្តិច្រើនជាងគេបំផុតនៅលើពិភពលោក ដោយនាងបានផ្តួលគូប្រជែងជាច្រើនទៀតនៅក្នុងពិភពចម្រៀងប៉ុបដូចគ្នា ដូចជា នាង Madonna, Céline Dion និងនាង Beyoncé ជាដើម។
យោងតាមការចុះផ្សាយរបស់ទស្សនាវដ្តី Forbes បានឲ្យដឹងថា តារាចម្រៀងសញ្ជាតិបាបាដូសវ័យ៣១ឆ្នាំម្នាក់នេះ ដែលមានឈ្មោះពេញ Robyn Rihanna Fenty បានទ្រព្យសម្បត្តិ៦០០លានដុល្លារ ពោលគឺច្រើនជាង នាង Madonna៣០លានដុល្លារ ខណៈដែលនាង Dion មាន១៥០លានដុល្លារ ហើយនាង Beyoncé មាន២០០លានដុល្លារ។
ស្របពេលដែលនាង Rihanna ល្បីល្បាញសម្រាប់បទចម្រៀងជោគជ័យខ្លាំង "Umbrella," "Diamonds" និង "What's My Name?," ចម្រៀងរបស់នាង មិនមែនជាប្រភពចំណូលដ៏សំខាន់តែមួយសម្រាប់ភាពមានបានរបស់នាងនោះឡើយ។
ទស្សនាវដ្តី Forbesបានរាយការណ៍ថា តាមពិតទៅ ភាគច្រើននៃប្រាក់ចំណូលរបស់នាង គឺបានមកពីការចាប់ដៃគូជាមួយក្រុមហ៊ុន LVMH គឺជាក្រុមហ៊ុនលក់ទំនិញប្រណីតបារាំង ដែលគ្រប់គ្រងក្រុមហ៊ុនប្រណីតជាច្រើន ដូចជាក្រុមហ៊ុន Christian Dior, Givenchy និងក្រុមហ៊ុន Louis Vuitton ។
កាលពីខែមុន តារាចម្រៀងម្នាក់នេះ បានទើបតែបើកហាងសម្លៀកបំពាក់ Fentyរបស់នាងនៅទីក្រុងប៉ារីស ដើម្បីក្លាយជាស្ត្រីស្បែកខ្មៅលើកដំបូងគេ បានបង្កើតយីហោអូរីជីណលជាមួយនឹងក្រុមហ៊ុន LVMH ។
សូមបញ្ជាក់ថា Fenty គឺជាហាងចុងក្រោយគេរបស់នាង Rihanna បន្ទាប់ពីនាងបានបើកហាងសម្លៀកបំពាក់ខោអាវក្នុងស្ត្រី Savage X Fenty កាលពីឆ្នាំ និងហាងសំអាងការ Fenty Beauty កាលពីឆ្នាំ២០១៧។
យោងតាមការអះអាងពីទស្សនាវដ្តី Forbes បានឲ្យដឹងទៀតថា ហាងសំអាងការមួយនេះ រកបានប្រាក់ចំណូលប្រហែល៥៦០លានដុល្លារអំឡុងរយៈពេល១៥ខែដំបូង ខណៈដែលប្រតិបត្តិការរបស់វាមានតម្លៃជាង៣ពាន់លានដុល្លារ៕
នាង Rihanna ក្លាយជាតារាចម្រៀងមានជាងគេក្នុងពិភពលោក គ្រាន់តែលុយដឹក៥កុងតឺន័រ
នាង Rihannaដែលជាតារាចម្រៀង និងសម្តែងដ៏ល្បីល្បាញម្នាក់នៅតំបន់អាមេរិកខាងជើង បានក្លាយជាតារាចម្រៀងមានទ្រព្យសម្បត្តិច្រើនជាងគេបំផុតនៅលើពិភពលោក ដោយនាងបានផ្តួលគូប្រជែងជាច្រើនទៀតនៅក្នុងពិភពចម្រៀងប៉ុបដូចគ្នា ដូចជា នាង Madonna, Céline Dion និងនាង Beyoncé ជាដើម។
យោងតាមការចុះផ្សាយរបស់ទស្សនាវដ្តី Forbes បានឲ្យដឹងថា តារាចម្រៀងសញ្ជាតិបាបាដូសវ័យ៣១ឆ្នាំម្នាក់នេះ ដែលមានឈ្មោះពេញ Robyn Rihanna Fenty បានទ្រព្យសម្បត្តិ៦០០លានដុល្លារ ពោលគឺច្រើនជាង នាង Madonna៣០លានដុល្លារ ខណៈដែលនាង Dion មាន១៥០លានដុល្លារ ហើយនាង Beyoncé មាន២០០លានដុល្លារ។
ស្របពេលដែលនាង Rihanna ល្បីល្បាញសម្រាប់បទចម្រៀងជោគជ័យខ្លាំង "Umbrella," "Diamonds" និង "What's My Name?," ចម្រៀងរបស់នាង មិនមែនជាប្រភពចំណូលដ៏សំខាន់តែមួយសម្រាប់ភាពមានបានរបស់នាងនោះឡើយ។
ទស្សនាវដ្តី Forbesបានរាយការណ៍ថា តាមពិតទៅ ភាគច្រើននៃប្រាក់ចំណូលរបស់នាង គឺបានមកពីការចាប់ដៃគូជាមួយក្រុមហ៊ុន LVMH គឺជាក្រុមហ៊ុនលក់ទំនិញប្រណីតបារាំង ដែលគ្រប់គ្រងក្រុមហ៊ុនប្រណីតជាច្រើន ដូចជាក្រុមហ៊ុន Christian Dior, Givenchy និងក្រុមហ៊ុន Louis Vuitton ។
កាលពីខែមុន តារាចម្រៀងម្នាក់នេះ បានទើបតែបើកហាងសម្លៀកបំពាក់ Fentyរបស់នាងនៅទីក្រុងប៉ារីស ដើម្បីក្លាយជាស្ត្រីស្បែកខ្មៅលើកដំបូងគេ បានបង្កើតយីហោអូរីជីណលជាមួយនឹងក្រុមហ៊ុន LVMH ។
សូមបញ្ជាក់ថា Fenty គឺជាហាងចុងក្រោយគេរបស់នាង Rihanna បន្ទាប់ពីនាងបានបើកហាងសម្លៀកបំពាក់ខោអាវក្នុងស្ត្រី Savage X Fenty កាលពីឆ្នាំ និងហាងសំអាងការ Fenty Beauty កាលពីឆ្នាំ២០១៧។
យោងតាមការអះអាងពីទស្សនាវដ្តី Forbes បានឲ្យដឹងទៀតថា ហាងសំអាងការមួយនេះ រកបានប្រាក់ចំណូលប្រហែល៥៦០លានដុល្លារអំឡុងរយៈពេល១៥ខែដំបូង ខណៈដែលប្រតិបត្តិការរបស់វាមានតម្លៃជាង៣ពាន់លានដុល្លារ៕
