នៅសហរដ្ឋអាមេរិក មានអ្នកជឿលើមនុស្សពិភពផ្កាយ មនុស្សក្រៅភព គឺស្មើគ្នានឹងអ្នកជឿលើព្រះជាម្ចាស់អញ្ចឹងដែរ។
លោកស្រីសាស្ត្រាចារ្យ Diana Pasulka មកពីសាកលវិទ្យាល័យ North Carolina កាលពីពេលថ្មីៗនេះ បានបោះពុម្ភផ្សាយសៀវភៅថ្មីមួយក្បាលមានជំណងជើងថា “American Cosmic” ដែលកកូកកាយការប្រៀបធៀបរវាងសាសនា និងជំនឿលើថាសហោះ។
លោកស្រី បាននិយាយថា សញ្ញាណដែលមនុស្សលោកមិននៅម្នាក់ឯង នៅក្នុងចក្រវាឡនេះ គឺដោយសារតែពួកគេកាន់តែជឿលើអ្វីមួយដូចជាជឿលើសាសនា ពោលគឺ ៥០ភាគរយនៃពលរដ្ឋអាមេរិក និង៦០ភាគនៃពលរដ្ឋវ័យក្មេងអាមេរិក ជឿលើជីវិតមនុស្សពិភពផ្កាយ គឺជាតួលេខមួយជិតស្មើនឹងអ្នកជឿលើព្រះជាម្ចាស់ដែរ។
នៅក្នុងបទសម្ភាសន៍មួយនឹងវែបសាយ Vox.comកាលពីពេលថ្មីៗនេះ លោកស្រី Pasulka បាននិយាយថា វិធីមួយដែលយើងអាចធ្វើឲ្យរឿងនេះកាន់តែសមហេតុសមផល គឺតាមរយៈការប្រើប្រាស់វិធីចាស់គំរិលបំផុត ប៉ុន្តែគឺជានិយមន័យមានមុខងាររបស់សាសនាដែលមានជំនឿលើអរូបិយ និងអបិយជំនឿថា មានភាវៈចុះពីលើមេឃ។
លោកស្រីបន្តថា មាននូវនិយមន័យច្រើនណាស់ពីពាក្យថាសាសនា ប៉ុន្តែពាក្យមួយស្តង់ដាជាងគេបំផុត។
វិធីដែលជឿលើព្រះ និងជឿលើជីវិតមនុស្សពិភពផ្កាយ ខុសគ្នានោះគឺនៅត្រង់ថា គំនិតដែលយើងមិននៅម្នាក់ឯងនោះទេនៅក្នុងចក្រវាឡយើងនេះ គឺជាអ្វីមួយដែលត្រូវបានចែករំលែក និងផ្សព្វផ្សាយ ដោយក្រុមអ្នកវិទ្យាសាស្ត្រ។
លោកស្រី Pasulka និយាយថា យើងមានសាក្សីដែលជាអ្នកវិទ្យាសាស្ត្រពិតប្រាកដម្នាក់ ដូចជាលោកស្រី Ellen Stofan គឺជាអតីតអ្នកវិទ្យាសាស្ត្រដ៏សំខាន់មួយរូបនៅអង្គការអវកាស NASA ដែលចង់សម្ភាសន៍ជាមួយទូរទស្សន៍ និងប្រកាសឲ្យដឹងថា “យើងចង់ស្វែងរកជីវិតពីពិភពខាងក្រៅ”។ “លោកស្រីបាននិយាយថា យើងនឹងស្វែងរកជីវិតថ្មី យើងនឹងស្វែងរកពិភពដែលមានជីវិត”៕