ក្រុមអ្នកចូលចិត្តបង្ខួចបង្អាប់កេរ្តិ៍ឈ្មោះគេ បាននាំគ្នានិយាយរិះគន់ថា ដំណើរបំពេញទស្សនកិច្ចកាលពីពេលថ្មីៗនេះ របស់តារាសម្តែងស្រីសាច់សខ្ចី គឺនាង Fan Bingbing ទៅកាន់តំបន់ទីបេ គឺគ្រាន់តែចង់លាបពណ៌តែប៉ុណ្ណោះ ពោលគឺគ្មានបំណងសម្បុរធម៌អ្វីនោះទេ។
តារាសម្តែងស្រីរបស់ចិនរូបនេះ ដែលបានជាប់ផុងលុងខ្លួនទៅក្នុងរឿងអាស្រូវគេចវេសពីការបង់ពន្ធ កាលពីឆ្នាំមុននោះ ត្រូវបានគេបញ្ជាឲ្យបង់ប្រាក់៨៨៤លានយ័ន លើការបង់ពន្ធយឺត និងជាការផាកពិន័យ។
យោងតាមសេចក្តីរាយការណ៍ពីកាសែត Ming Pao បានឲ្យដឹងថា នាង Bingbing បានធ្វើដំណើរទៅកាន់តំបន់ទីបេ ដើម្បីដឹកនាំក្រុមការងារសម្រាប់មូលនិធិសប្បុរធម៌របស់នាង ដល់កុមារដែលត្រូវការព្យាបាលបញ្ហាបេះដូងរបស់ពួកគេ។
សេចក្តីរាយការណ៍បានឲ្យដឹងទៀតថា នាង Bingbing វ័យ៣៧ឆ្នាំ បានធ្លាក់ខ្លួនឈឺសម្រាប់កិច្ចខិតខំរបស់នាងនៅកន្លែងមានរយៈកម្ពស់ខ្ពស់ ដែលនាងបានទៅ ហើយមិត្តភ័ក្ត្រម្នាក់ បានបង្ហោះរូបថតរបស់នាងដេកស្តឹកនៅលើគ្រែ ហើយថែមទាំងបំពាក់ឧបករណ៍អុកស៊ីហ្សែនទៀតផង។
ស្របពេលដែលមានការខមិនរបស់ក្រុមអ្នកពូកែរិះគន់ចាក់ចូចទាំងអស់នេះ នាង Bingbing បានចេញមុខមកនិយាយការពារខ្លួននាងតាម Weiboថា “ ការធ្វើអំពើល្អ មិនមែននៅតែព្រះវិហារ មិនគ្រាន់តែជាការអុជធូប មិននៅក្នុងពិធីសាសនា មិនមែននៅក្នុងកម្ពី មិនមែនតែប្រើត្រឹមពាក្យសម្តីប៉ុណ្ណោះទេ ប៉ុន្តែវាគឺជាទង្វើរដែលកើតចេញពីបេះដូង គតិបណ្ឌិត ដែលអ្នកត្រូវការយល់ពី ហេតុ និងផល”។
នាងបានសរសេរទៀតថា ជីវិត និងសុខភាពកុមារ គឺសំខាន់ជាងការប្រមាថមើលងាររបស់អ្នកទៅទៀត៕