តារាស៊ូពើម៉ូដែលវៀតណាម នាង Ngoc Trinh បានធ្វើឲ្យមានការជ្រួលជ្រើមយ៉ាងខ្លាំង ជាមួយនឹងការបង្ហាញសម្រស់ដ៏ស្រស់ផូផង់របស់នាង អំឡុងការដាក់បញ្ចាំងលើកដំបូងនៃខ្សែភាពយន្ត The Hidden Life ក្នុងកម្មវិធីមហោស្រពភាពយន្ត Cannes កាលពីថ្ងៃទី១៩ ខែឧសភា កន្លងទៅ។
ឈុតរ៉ូបដ៏សិចស៊ីប្រៀបដូចនឹងឈុតហែលទឹកប៊ីគីនីរបស់នាង Trinh បញ្ចេញពីគល់ដល់ចុងដោះ និងត្រកៀកដ៏.សខ្ចីរបស់នាង បានធ្វើឲ្យផ្ទុះព័ត៌មានពីភាពអង់អាចក្លាហានដ៏ឥតអៀនខ្មាស់របស់នាង។
ទោះបីជាយ៉ាងណាក៏ដោយ ការបញ្ចេញសម្រស់ស្ទើតែគ្មានសម្លៀកលើខ្លួនបែបនេះ វាមិនមែនជារឿងថ្មីថ្មោងនោះដែររបស់តារាល្បីនៅលើពិភពលោក ជាក់ស្តែងដូចជាតារាសម្តែងជើងចាស់ Madonna និងតារាសម្តែងជំនាន់ក្រោយ នាង Emily Ratajkowski តែងតែស្លៀកពាក់លេចលើលេចក្រោមបែបនេះនៅព្រឹត្តការណ៍សំខាន់ៗជាច្រើន ដូចជាកម្មវិធី Met Gala ជាដើម ប៉ុន្តែសម្រាប់សម្លៀកបំពាក់របស់នាង Trinh ច្បាស់ណាស់ថា នឹងត្រូវព្រនង់ពីរដ្ឋាភិបាលវៀតណាម។
យោងតាមសេចក្តីរាយការណ៍ជាច្រើន បានរាយការណ៍ថា រដ្ឋមន្ត្រីក្រសួងវប្បធម៌ កីឡា និងទេសចរណ៍វៀតណាម លោក ង្ងៀន ង៉ុក ធាន បានចាប់ផ្តើមការស៊ើបអង្កេតថាតើវាអាចនាំឲ្យមានការផាកពិន័យក្នុងកម្រិតធ្ងន់ធ្ងរដែរឬអត់មកលើនាង Trinh សម្រាប់ការបំពានលើច្បាស់សុភាវធម៌ដ៏តឹងរឹងរបស់ប្រទេសមួយនេះ។
លោកង្ងៀន បាននិយាយថា សម្លៀកបំពាក់របស់នាង គឺមិនសមរម្យ និងបណ្តាលឲ្យមានកំហឹងនៅក្នុងចំណោមមហាជនវៀតណាម។
ទោះបីជាយ៉ាងណាក៏ដោយ មិនសំខាន់ថាលទ្ធផលនៃករណីមួយនេះ ទៅជាយ៉ាងណានោះទេ នាង Trinh ដែលមានអ្នកដើរតាម២.៣លាននាក់នៅលើ Instagram ច្បាស់ណាស់ថា នាងចំណេញច្រើនសម្រាប់កេរ្តិ៍ឈ្មោះលើឆាកអន្តរជាតិរបស់នាង៕
