កាលពីពេលថ្មីៗកន្លងទៅនេះ មហាជនមានការភ្ញាក់ផ្អើលយ៉ាងខ្លាំង បន្ទាប់ពីតារាបង្ហាញម៉ូត និងជាគ្រូពេទ្យជនជាតិមីយ៉ាន់ម៉ាម្នាក់នាងNang Mwe San ត្រូវបានក្រុមប្រឹក្សាវេជ្ជសាស្ដ្រ ដកហូតអជ្ញាប័ណ្ណគ្រូពេទ្យរបស់នាង។ ដោយក្រុមប្រឹក្សាវេជ្ជសាស្ដ្រមីយ៉ាន់ម៉ាបានបញ្ជាក់ដែរថា ការផ្អាកអាជ្ញាប័ណ្ណវេជ្ជសាស្ដ្ររបស់នាងMwe ដោយសារថាមកពីនាងស្លៀកពាក់មិនសមរម្យ។
បើយោងតាមគេហទំព័រ Bangkok Post បានឲ្យថា នាង ណាង វ៉េ សាន (Nang Mwe San) អាយុ ២៨ ឆ្នាំ ដែលជាវេជ្ជបណ្ឌិត និងជាតារាបង្ហាញម៉ូតមកពីមីយ៉ាន់ម៉ា បានប្រកាសក្នុងហ្វេសប៊ុកកាលពីថ្ងៃអង្គារដើម្បីជូនដំណឹងដល់អ្នកគាំទ្រប្រហែល ៥០០.០០០ នាក់របស់នាងថា ក្រុមប្រឹក្សាវេជ្ជបណ្ឌិតមីយ៉ាន់ម៉ាបានព្យួរអាជ្ញាប័ណ្ណពេទ្យរបស់នាងដោយសារតែរូបថតសិចស៊ីទាក់ទងនឹងអាជីពទីពីររបស់នាង។
លិខិតនេះដែលបានចុះនៅថ្ងៃទី ៣ ខែមិថុនា និងទទួលបានប្រតិកម្ម (Like) ជាង ១៨.០០០ ការបញ្ចេញមតិយោបល់ ៥.៧០០ដង និងការចែករំលែកជាង ៣.២០០ដង និយាយថារូបភាពសិចស៊ីបង្ហោះលើទំព័រហ្វេសប៊ុករបស់នាងគឺមិនសមនឹងប្រពៃណីមីយ៉ាន់ម៉ាទេ។ ប៉ុន្តែយ៉ាងណាមិញ នាងNang Mwe San បានសម្តែងការមិនពេញចិត្តចំពោះចំណាត់ការរបស់ក្រុមប្រឹក្សាវេជ្ជសាស្ត្រដែលបាន ដាក់ពិន័យទៅលើរូបនាងយ៉ាងធ្ងន់ធ្ងរបែបនេះ ៕
Home សិល្បៈកម្សាន្ត អ្នកគ្រូពេទ្យរូបស្រស់សាច់ស ខ្ចី ខឹងក្រុមប្រឹក្សាវេជ្ជសាស្ដ្រដកអជ្ញាប័ណ្ណគ្រូពេទ្យរបស់នាង ដោយសារតែរូបថតសិចស៊ី