បាតអាងស្តុកទឹក Chembarambakkam បានបែកក្រហែង ស្ងួតរីងអស់ទៅហើយ។ នៅចម្ងាយប្រហែល២៥គ.មពីអាងស្តុកទឹកនេះ គឺជាទីក្រុងឆេនណៃ ដែលជាទីក្រុងធំបំផុតទី៦របស់ប្រទេសឥណ្ឌា ជាកន្លែងដែលមនុស្សរ៤.៦លាននាក់ អស់ទឹកប្រើប្រាស់។
លោក Jayaram Venkatesan គឺជាសកម្មជនមួយរូបនៅក្នុងទីក្រុងឆេនណៃ បាននិយាយថា អាងស្តុកទឹក Chembarambakkam និងអាងស្តុកទឹក៣កន្លែងផ្សេងទៀត ដែលផ្គត់ផ្គង់ទឹកដល់ទីក្រុងឆេនណៃ ស្ទើតែរីងអស់ទៅហើយ ជាហេតុធ្វើឲ្យទីក្រុងទាំងមូលកំពុងជួបកង្វះខាតទឹកប្រើប្រាស់។
ដោយសារតែគ្មានទឹកភ្លៀងគ្រប់គ្រាន់ គួបផ្សំជាមួយនឹងកម្រិតទឹកក្រោមដីទាបផងនោះ រដ្ឋាភិបាលរដ្ឋតាមិល ណាឌូ កំពុងតែជួបការលំបាកខ្លាំងក្នុងការផ្គត់ផ្គង់ទឹកដល់អ្នកស្រុក។
ដោយសារអាងស្តុកទឹករីង ទឹកត្រូវបានដឹកចូលទៅក្រុងឆេនណៃដោយផ្ទាល់ដោយរថយន្ត។ ជារៀងរាល់ថ្ងៃ ក្រុមអ្នកស្រុករាប់ម៉ឺនរាប់សែននាក់ គ្មានជម្រើសនោះទេ ក្រៅពីឈរតម្រង់ជួររាប់ម៉ោង ក្រោមសីតុណ្ហភាពរដូវក្តៅ ដើម្បីរង់ចាំត្រងទឹកបំពេញធុងរបស់ពួកគេ។
លោក Suresh Subburaman គឺជាអ្នកស្រុករស់នៅក្នុងទីក្រុងឆេនណៃ និងជាម្ចាស់សណ្ឋាគារ Nivis Kitchen កំពុងជួបការលំបាកខ្លាំងណាស់ ក្នុងការធ្វើឲ្យមុខជំនួញរបស់លោករស់រានទៅបាន។
លោក Subburaman បាននិយាយថា យើងបើករបររកស៊ី ហើយទោះបីជាយ៉ាងណាក៏ដោយ យើងនៅតែប្រឹងបើកវា។ ប៉ុន្តែយើងបើកមុខរបរក្នុងស្ថានភាពមួយ ដែលមិនខាត ហើយក៏មិនចំណេញដែរ។ នេះគឺជាមុខជំនួញរបស់ពួកយើង។ យើងគ្មានជម្រើសផ្សេងទៀតនោះទេ។ យើងត្រូវតែបន្តមុខជំនួញមួយនេះតទៅទៀត បើទោះជួបបញ្ហាកង្វះខាតទឹកប្រើប្រាស់ក្នុងកម្រិតធ្ងន់ធ្ងរក៏ដោយ។
សូមបញ្ជាក់ថា គ្រោះរាំងស្ងួតនៅក្នុងប្រទេសឥណ្ឌា គឺជាបញ្ហាប្រចាំឆ្នាំ ប៉ុន្តែកង្វះខាតទឹកប្រើប្រាស់ក្នុងឆ្នាំនេះ បានគាប់ជួននឹងរលកកម្តៅសម្លាប់មនុស្សទូទាំងប្រទេស ផងដែរ៕ប្រជាពលរដ្ឋជាង៤លាននាក់កំពុងគ្មានទឹកប្រើប្រាស់នៅទីក្រុងធំបំផុតទី៦របស់ប្រទេសឥណ្ឌា
បាតអាងស្តុកទឹក Chembarambakkam បានបែកក្រហែង ស្ងួតរីងអស់ទៅហើយ។ នៅចម្ងាយប្រហែល២៥គ.មពីអាងស្តុកទឹកនេះ គឺជាទីក្រុងឆេនណៃ ដែលជាទីក្រុងធំបំផុតទី៦របស់ប្រទេសឥណ្ឌា ជាកន្លែងដែលមនុស្សរ៤.៦លាននាក់ អស់ទឹកប្រើប្រាស់។
លោក Jayaram Venkatesan គឺជាសកម្មជនមួយរូបនៅក្នុងទីក្រុងឆេនណៃ បាននិយាយថា អាងស្តុកទឹក Chembarambakkam និងអាងស្តុកទឹក៣កន្លែងផ្សេងទៀត ដែលផ្គត់ផ្គង់ទឹកដល់ទីក្រុងឆេនណៃ ស្ទើតែរីងអស់ទៅហើយ ជាហេតុធ្វើឲ្យទីក្រុងទាំងមូលកំពុងជួបកង្វះខាតទឹកប្រើប្រាស់។
ដោយសារតែគ្មានទឹកភ្លៀងគ្រប់គ្រាន់ គួបផ្សំជាមួយនឹងកម្រិតទឹកក្រោមដីទាបផងនោះ រដ្ឋាភិបាលរដ្ឋតាមិល ណាឌូ កំពុងតែជួបការលំបាកខ្លាំងក្នុងការផ្គត់ផ្គង់ទឹកដល់អ្នកស្រុក។
ដោយសារអាងស្តុកទឹករីង ទឹកត្រូវបានដឹកចូលទៅក្រុងឆេនណៃដោយផ្ទាល់ដោយរថយន្ត។ ជារៀងរាល់ថ្ងៃ ក្រុមអ្នកស្រុករាប់ម៉ឺនរាប់សែននាក់ គ្មានជម្រើសនោះទេ ក្រៅពីឈរតម្រង់ជួររាប់ម៉ោង ក្រោមសីតុណ្ហភាពរដូវក្តៅ ដើម្បីរង់ចាំត្រងទឹកបំពេញធុងរបស់ពួកគេ។
លោក Suresh Subburaman គឺជាអ្នកស្រុករស់នៅក្នុងទីក្រុងឆេនណៃ និងជាម្ចាស់សណ្ឋាគារ Nivis Kitchen កំពុងជួបការលំបាកខ្លាំងណាស់ ក្នុងការធ្វើឲ្យមុខជំនួញរបស់លោករស់រានទៅបាន។
លោក Subburaman បាននិយាយថា យើងបើករបររកស៊ី ហើយទោះបីជាយ៉ាងណាក៏ដោយ យើងនៅតែប្រឹងបើកវា។ ប៉ុន្តែយើងបើកមុខរបរក្នុងស្ថានភាពមួយ ដែលមិនខាត ហើយក៏មិនចំណេញដែរ។ នេះគឺជាមុខជំនួញរបស់ពួកយើង។ យើងគ្មានជម្រើសផ្សេងទៀតនោះទេ។ យើងត្រូវតែបន្តមុខជំនួញមួយនេះតទៅទៀត បើទោះជួបបញ្ហាកង្វះខាតទឹកប្រើប្រាស់ក្នុងកម្រិតធ្ងន់ធ្ងរក៏ដោយ។
សូមបញ្ជាក់ថា គ្រោះរាំងស្ងួតនៅក្នុងប្រទេសឥណ្ឌា គឺជាបញ្ហាប្រចាំឆ្នាំ ប៉ុន្តែកង្វះខាតទឹកប្រើប្រាស់ក្នុងឆ្នាំនេះ បានគាប់ជួននឹងរលកកម្តៅសម្លាប់មនុស្សទូទាំងប្រទេស ផងដែរ៕
