កាលពីថ្ងៃព្រហស្បត្តិ៍ម្សិលមិញ ព្រឹទ្ធសភាសហរដ្ឋអាមេរិក ដែលដឹកនាំដោយគណបក្សសាធារណរដ្ឋ បានបោះឆ្នោតរារាំងការលក់សញ្វវុធក្នុងតម្លៃរាប់ពាន់លានដុល្លារដល់ប្រទេសអារ៉ាប៊ីសាអូឌីត ជាហេតុធ្វើឲ្យប៉ះពាល់យ៉ាងខ្លាំងដល់រដ្ឋបាលអាមេរិក ក៏ដូចជាប្រជាប្រិយភាពរបស់លោកប្រធានាធិបតីដូណាល់ ត្រាំ។
គួរឲ្យដឹងថា លោកត្រាំ បានគេចវេសពីសភាកាលពីខែមុន ក្នុងដំណើរប៉ុនដើម្បីជំរុញឲ្យឆ្លងផុតកិច្ចព្រមព្រៀង៨ពាន់លានដុល្លារ ដោយលើកឡើងពីការគំរាមកំហែងដល់អារ៉ាប៊ីសាអូឌីត ពីប្រទេសគូសត្រូវអ៊ីរ៉ង់។
ទោះបីជាយ៉ាងណាក៏ដោយ នៅក្នុងសកម្មភាពរួមបក្សទាំង២ដ៏កម្រមួយ ព្រឹទ្ធសភា បានអនុម័តសេចក្តីសម្រេចចំនួន៣ ដើម្បីការពារការលក់អាវុធនេះ។
ជាការឆ្លើយតបនឹងទង្វើរផ្ចាញ់ផ្ចាលបែបនេះ លោកត្រាំ បានសន្យាថា នឹងប្រើសិទិ្ធវ៉េតូប្រឆាំងនឹងសេចក្តីសម្រេចនេះ ជាហេតុធ្វើឲ្យកិច្ចព្រមព្រៀងស្ថិតនៅក្នុងស្ថានភាពមិនប្រាកដប្រជា។
ខណៈពេលដែលសភាតំណាងរាស្ត្រ គ្រប់គ្រងដោយគណបក្សប្រជាធិបតេយ្យ ទំនងជាបោះឆ្នោតរារាំងការលក់អាវុធនេះផងដែរ ក្រុមអ្នកវិភាគ បានលើកឡើងថា វាច្បាស់ខ្លាំងណាស់ថាសភា នឹងមិនចាំបាច់បោះឆ្នោតដើម្បីទាត់ចោលសិទ្ធិវ៉េតូពីលោកត្រាំ។
សេចក្តីសម្រេចទី១ និងទី២នៃការមិនឯកភាព ត្រូវបានអនុម័តឡើងដោយសំឡេងប្រកៀកប្រកិត៥៣-៤៥ហើយការបោះឆ្នោតទី៣ ដែលគ្របដណ្តប់លើសេចក្តីសម្រេចជាច្រើនពាក់ព័ន្ធនឹងការលក់អាវុធ ត្រូវបានអនុម័តឡើងក្នុងសំឡេងឆ្នោត៥១-៤៥។
ដូចគ្នានឹងប្រទេសអារ៉ាប៊ីសាអូឌីត អាវុធត្រូវបានគេរាយការណ៍ថា នឹងត្រូវលក់ទៅឲ្យប្រទេសអារ៉ាប់រួម និងប្រទេសហ្សកដានី ក្រោមកិច្ចព្រមព្រៀងនេះ។
លោកត្រាំ បានគេចវេសពីសភាកាលពីខែមុន ជាមួយនឹងការយកមកប្រើប្រាស់ដ៏កម្រនូវច្បាប់សហព័ន្ធ។ លោកបានប្រកាសថា ភាពតានតឹងកំពុងកើតមានឡើងជាមួយអ៊ីរ៉ង់ បង្កើតឲ្យមានអាសន្នជាតិ ដែលនេះមានន័យថា ការលក់អាវុធរួមទាំងគ្រាប់បែក ត្រូវការបន្ទាន់។
ប៉ុន្តែការសម្រេចចិត្តបែបនវ បានធ្វើឲ្យមានការជំទាស់យ៉ាងខ្លាំងនៅឯវិមានកាពីតូល ពីសមាជិកសភាដែលមានក្តីកង្វល់ថា អាវុធទាំងអស់នេះ អាចនឹងប្រើប្រាស់ប្រឆាំងនឹងជនស៊ីវិលនៅក្នុងប្រទេសយេម៉ែន ដោយកងកម្លាំងដឹកនាំដោយអារ៉ាប៊ីសាអូឌីត។
នៅក្នុងសេចក្តីថ្លែងការណ៍មួយ សេតវិមាន បាននិយាយថា ការរារាំងការលក់អាវុធនេះ នឹងផ្ញើសារមួយថា សហរដ្ឋអាមេរិកកំពុងតែបោះបង់ចោលប្រទេសដៃគូ និងសម្ព័ន្ធមិត្ត នៅក្នុងពេលវេលាមួយដែលការគំរាមកំហែងមកលើពួកគេកើនឡើង៕
Home ព្រឹត្តិការណ៍ថ្មីៗ ប្រជាប្រិយភាពលោកត្រាំបន្តធ្លាក់ចុះ ក្រោយព្រឹទ្ធិសភាបោះឆ្នោតរារាំងការលក់អាវុធ៨ពាន់លានដុល្លារឲ្យអារ៉ាប៊ីសាអូឌីត