តារាចម្រៀង Justin Bieber បានសរសេរនៅលើ Twitterរបស់គាត់ថា លោកនឹងឡើងប្រកួតជាមួយតារាសម្តែងហូលីវូ Tom Cruise នៅលើសង្វៀនវាយដាក់ទ្រុង UFC ។
វាច្បាស់ណាស់ថា លោក Justin Bieber ទំនងជាចង់បានធ្វើមួយពិតប្រាកដពីលោក Tom Cruise ។
យោងតាមវែបសាយ TMZបានឲ្យដឹងថា លោក Tom វ័យ៥៦ឆ្នាំ ច្បាស់ណាស់ថា នឹងឡើងសង្វៀនជាមួយដៃគូវ័យ២៥ឆ្នាំម្នាក់នេះ។
វែបសាយដដែល បានរាយការណ៍ថា លោក Ari Emanuel ដែលជាសហប្រធានប្រតិបត្តិទីភ្នាក់ងារ William Morris Endeavor ដែលជាម្ចាស់សង្វៀន UFC បានទូរស័ព្ទទៅកាន់អ្នកចាត់ការរបស់លោក Justinគឺលោក Scooter Braun ហើយបន្ទាប់មកក៏បានជួបនិយាយគ្នាជាមួយលោក Dana White ដែលជាប្រធាន UFC ។
លោកបាននិយាយថា លោកពេញចិត្តនឹងឲ្យការប្រកួតមួយនេះ កើតឡើង ហើយលោក Dana White ក៏យល់ឃើញបែបហ្នឹងផងដែរ ខណៈដែលលោក Scooter បានបញ្ជាក់យ៉ាងច្បាស់ថា លោក Bieber នឹងឡើងសង្វៀនយ៉ាងពិតប្រាកដ។
ព័ត៌មានដ៏រសើបនេះដែរ បានកើតមានឡើង ក្រោយពេលដែលលោក Justin បានដាក់សំណើរទៅកាន់លោ Tom Cruise ដែលជាតារាសម្តែងក្នុងរឿង Top Gun តាម Twitterជាហេតុធ្វើឲ្យក្រុមអ្នកគាំទ្រភ្ញាក់ផ្អើលយ៉ាងាខ្លាំង។
លោក Justin បានសរសេរនៅ Twitterដែលមានអ្នកដើរតាម១០៥.៧លាននាក់របស់លោកថា លោកចង់ប្រកួតជាមួយ លោក Tom Cruise នៅលើសង្វៀនវាយដាក់ទ្រុង៕
Home ព្រឹត្តិការណ៍ថ្មីៗ តារាចម្រៀង Justin Bieber ប្រកាសឡើងសង្វៀនវាយដាក់ទ្រុង UFC ជាមួយតារាហូលីវូដ Tom Cruise