កងកម្លាំងឥណ្ឌាបានធ្វើការសាកល្បងប្រព័ន្ធគ្រាប់បែក ដែលជាស៊េរីអាវុធប្រឆាំងនឹង្បរប័ន្ធផ្លូវអាកាស និងគ្រាប់មីស៊ីប្រឆាំងទៅនឹងរថក្រោះ ដែលបាញ់ចេញពីឧទ្ធម្ភាគចក្រ។ ប្រព័ន្ធអាវុធទាំងពីរនេះត្រូវបានរៀបចំធ្វើឡើងដោយស្នាដៃឥណ្ឌាខ្លួនឯងផ្ទាល់តែម្តង។
ក្រសួងការពារជាតិបាននិយាយនៅក្នុងសេចក្តីថ្លែងការណ៍មួយថា អាវុធប្រឆាំងទៅនឹងផ្លូវអាកាសដ៏ឆ្លាតវៃត្រូវបានគេធ្វើតេស្តចំនួនបីដង ដែលបាញ់ចេញពីយានចម្បាំងកងទ័ពអាកាសឥណ្ឌា នៅតាមជួរភ្នំចាន់ដាន់ពីថ្ងៃទី១៦ ដល់ ១៨។ សេចក្តីថ្លែងការណ៍បាននិយាយថា «ប្រព័ន្ធអាវុធត្រូវបានដាក់បញ្ចូលទៅនឹងក្បាលគ្រាប់ដោយផ្ទាល់ ហើយបានកម្ទេចគោលដៅបានយ៉ាងច្បាស់លាស់បំផុត»។ «គោលដៅនៃបេសកកមុ្មនេះ បានសម្រេចហើយ»។
អាវុធប្រឆាំងផ្លូវអាកាសនេះ ត្រូវបានសាកល្បងកាលពីខែវិច្ឆិកាម្តងរួចមកហើយ។ កាលពីថ្ងៃអាទិត្យ គេមិនច្បាស់ទេថា តើមីស៊ីលប្រឆាំងផ្លូវអាកាសនេះ ត្រូវបានបាញ់ចេញពីប្រភេទយានអ្វីនោះទេ ប៉ុន្តែអាវុធប្រឆាំងផ្លូវអាកាសដ៏ឆ្លាតវៃនេះកាលពីឆ្នាំ ២០១៦ បានសាកល្បងបាញ់ចេញពីយន្តហោះចម្បាំង Sukhoi Su-30MKI។
មានទម្ងន់ ១២០គីឡូក្រាម អាវុធប្រឆាំងផ្លូវអាកាសដ៏ឆ្លាតវៃនេះ គឺជាប្រភេទគ្រាប់បែកប្រដេញបាញ់ចំគោលដៅ ដែលធ្វើឡើងសម្រាប់បាញ់ទៅលើផ្លូវរត់របស់យន្តហោះ ត្រង់សេ និងហេដ្ឋរចនាសម្ព័ន្ធផ្សេងៗទៀត ដែលស្ថិតក្នុងរយៈចម្ងាយ ១០០គីឡូម៉ែត្រ។
ក្រសួងការពារជាតិនិយាយថា ដោយឡែកគ្រាប់មីស៊ីលប្រឆាំងរថក្រោះ Nag ឬគេស្គាល់ថា HeliNa ដែលបាញ់ចេញពីឧទ្ធម្ភាគចក្រ ត្រូវបានគេតេសនៅតំបន់ Pokhran កាលពីថ្ងៃតី១៩ សីហា។ ការសាកល្បងនេះ ត្រូវបានក្រសួងបញ្ជាក់ថា បានប្រព្រឹត្តទៅបានយ៉ាងល្អ និងចំគោលដៅច្បាស់លាស់ខ្លាំង។ វាបានធ្វើដំណើរក្នុងរយៈចម្ងាយ ៧គីឡូម៉ែត្រ៕DNT-NEWS
Home ព្រឹត្តិការណ៍ថ្មីៗ ឥណ្ឌាធ្វើការសាកល្បងគ្រាប់មីស៊ីលប្រឆាំងផ្លូវអាកាស និងមីស៊ីលប្រដេញបាញ់ចេញពីឧទ្ធម្ភាគចក្រប្រកបដោយជោគជ័យ