អ៊ីរ៉ង់ បានបញ្ចេញប្រតិកម្មភ្លាមៗ ថាអាមេរិក “វិកលចារឹត”ក្រោយពេលលោក ប្រធានាធិបតីដូណាល់ ត្រាំ បានគំរាមកាលពីថ្ងៃអង្គារថានឹងកម្ទេចអ៊ីរ៉ង់ចោល បើសិនជាពួកគេហ៊ានវាយប្រហារណាមួយមកលើពលរដ្ឋអាមេរិក នៅក្នុងសង្គ្រាមពាក្យសម្តីថ្មីជាមួយទីក្រុងតេអេរ៉ង់។
ប៉ុន្តែក្រោយមកលោកត្រាំ បានបើកទ្វារសម្រាប់ការកិច្ចពិភាក្សាវិញ ដោយលោកបាននិយាយថា អ៊ីរ៉ង់គួរតែនិយាយជាមួយសហរដ្ឋអាមេរិកដោយសន្តិវិធី ដើម្បីបញ្ឈប់ភាពតានតឹង និងដើម្បីដកទណ្ឌកម្មសេដ្ឋកិច្ចអាមេរិកចេញ។
កាលពីថ្ងៃចន្ទកន្លងទៅ លោកត្រាំ បានចុះហត្ថលេខាលើបទបញ្ជាប្រតិបត្តិដើម្បីដាក់ទណ្ឌកម្មបន្ថែមទៀត មកលើមេដឹកនាំកំពូលអ៊ីរ៉ង់ លោកអាយ៉ាតូឡា អាលី ខាមេណេ ហើយនិងមេបញ្ជាការជាន់ខ្ពស់៨នាក់ទៀត ក្នុងនោះទណ្ឌកម្មមកលើរដ្ឋមន្ត្រីការបរទេសអ៊ីរ៉ង់ លោកចាវ៉ាដ ហ្សារីហ្វ គ្រោងនឹងធ្វើឡើងនៅពេលក្រោយក្នុងសប្តាហ៍នេះ។
អ៊ីរ៉ង់ បានបាញ់ទម្លាក់ដ្រូនឈ្លបការណ៍សហរដ្ឋអាមេរិក កាលពីសប្តាហ៍មុន ហើយលោកត្រាំ បាននិយាយថា លោកបានប្រកាសផ្អាកការវាយប្រហារតាមច្រកអាកាសសងសឹកក្នុងរយៈពេលតែ១០នាទីប៉ុណ្ណោះមុនពេលតាមការគ្រោងទុក ដោយលោកលើកឡើងថា មនុស្សជាច្រើន អាចនឹងត្រូវសម្លាប់ បើសិនជាអាមេរិកបើកការវាយប្រហារហើយនោះ។ វានឹងក្លាយជាលើកដំបូងផងដែរ ដែលសហរដ្ឋអាមេរិកវាយប្រហារមកលើសាធារណរដ្ឋអ៊ីស្លាមមួយនេះ ក្នុងរយៈពេល៤ទសវត្សរ៍។
នៅក្នុងសង្គ្រាមពាក្យសម្តីស្រដៀងគ្នាដូចដែលលោកធ្លាប់ប្រើគំរាមកូរ៉េខាងជើងនេះ លោកត្រាំ បានសរសេរតាម Twitterថា “រាល់ការវាយប្រហារណាមួយមកលើពលរដ្ឋអាមេរិក នឹងត្រូវតបស្នងទៅវិញនឹងកម្លាំងមហាអស្ចារ្យ។ តំបន់ខ្លួននឹងត្រូវកម្ទេចខ្ទេចតែម្តង”។
នៅក្នុងសុន្ទរកថាតាមកញ្ចក់ទូរទស្សន៍កាលពីថ្ងៃអង្គារនោះដែរ ប្រធានាធិបតីអ៊ីរ៉ង់ លោកហាសាន់ រូហានី បាននិយាយថា ទណ្ឌកម្មថ្មីមកលើមេដឹកនាំកំពូលខាមេណេ គ្មានផលប្រយោជន៍អ្វីនោះទេ ដោយហេតុថា បុព្វជិតកំពូលរួបនេះ គ្មានទ្រព្យសម្បត្តិនៅបរទេសនោះទេ។
លោករូហានី ដែលបានឈ្នះឆ្នោត២លើកដោយសារការសន្យាឲ្យអ៊ីរ៉ង់បើកទូលាយចំពោះពិភពលោកនោះ បាននិយាយថា ទង្វើររបស់សេតវិមានពិតជា “វិកលចារឹតខ្លាំងណាស់”៕
អ៊ីរ៉ង់ បានបញ្ចេញប្រតិកម្មភ្លាមៗ ថាអាមេរិក “វិកលចារឹត”ក្រោយពេលលោក ប្រធានាធិបតីដូណាល់ ត្រាំ បានគំរាមកាលពីថ្ងៃអង្គារថានឹងកម្ទេចអ៊ីរ៉ង់ចោល បើសិនជាពួកគេហ៊ានវាយប្រហារណាមួយមកលើពលរដ្ឋអាមេរិក នៅក្នុងសង្គ្រាមពាក្យសម្តីថ្មីជាមួយទីក្រុងតេអេរ៉ង់។
ប៉ុន្តែក្រោយមកលោកត្រាំ បានបើកទ្វារសម្រាប់ការកិច្ចពិភាក្សាវិញ ដោយលោកបាននិយាយថា អ៊ីរ៉ង់គួរតែនិយាយជាមួយសហរដ្ឋអាមេរិកដោយសន្តិវិធី ដើម្បីបញ្ឈប់ភាពតានតឹង និងដើម្បីដកទណ្ឌកម្មសេដ្ឋកិច្ចអាមេរិកចេញ។
កាលពីថ្ងៃចន្ទកន្លងទៅ លោកត្រាំ បានចុះហត្ថលេខាលើបទបញ្ជាប្រតិបត្តិដើម្បីដាក់ទណ្ឌកម្មបន្ថែមទៀត មកលើមេដឹកនាំកំពូលអ៊ីរ៉ង់ លោកអាយ៉ាតូឡា អាលី ខាមេណេ ហើយនិងមេបញ្ជាការជាន់ខ្ពស់៨នាក់ទៀត ក្នុងនោះទណ្ឌកម្មមកលើរដ្ឋមន្ត្រីការបរទេសអ៊ីរ៉ង់ លោកចាវ៉ាដ ហ្សារីហ្វ គ្រោងនឹងធ្វើឡើងនៅពេលក្រោយក្នុងសប្តាហ៍នេះ។
អ៊ីរ៉ង់ បានបាញ់ទម្លាក់ដ្រូនឈ្លបការណ៍សហរដ្ឋអាមេរិក កាលពីសប្តាហ៍មុន ហើយលោកត្រាំ បាននិយាយថា លោកបានប្រកាសផ្អាកការវាយប្រហារតាមច្រកអាកាសសងសឹកក្នុងរយៈពេលតែ១០នាទីប៉ុណ្ណោះមុនពេលតាមការគ្រោងទុក ដោយលោកលើកឡើងថា មនុស្សជាច្រើន អាចនឹងត្រូវសម្លាប់ បើសិនជាអាមេរិកបើកការវាយប្រហារហើយនោះ។ វានឹងក្លាយជាលើកដំបូងផងដែរ ដែលសហរដ្ឋអាមេរិកវាយប្រហារមកលើសាធារណរដ្ឋអ៊ីស្លាមមួយនេះ ក្នុងរយៈពេល៤ទសវត្សរ៍។
នៅក្នុងសង្គ្រាមពាក្យសម្តីស្រដៀងគ្នាដូចដែលលោកធ្លាប់ប្រើគំរាមកូរ៉េខាងជើងនេះ លោកត្រាំ បានសរសេរតាម Twitterថា “រាល់ការវាយប្រហារណាមួយមកលើពលរដ្ឋអាមេរិក នឹងត្រូវតបស្នងទៅវិញនឹងកម្លាំងមហាអស្ចារ្យ។ តំបន់ខ្លួននឹងត្រូវកម្ទេចខ្ទេចតែម្តង”។
នៅក្នុងសុន្ទរកថាតាមកញ្ចក់ទូរទស្សន៍កាលពីថ្ងៃអង្គារនោះដែរ ប្រធានាធិបតីអ៊ីរ៉ង់ លោកហាសាន់ រូហានី បាននិយាយថា ទណ្ឌកម្មថ្មីមកលើមេដឹកនាំកំពូលខាមេណេ គ្មានផលប្រយោជន៍អ្វីនោះទេ ដោយហេតុថា បុព្វជិតកំពូលរួបនេះ គ្មានទ្រព្យសម្បត្តិនៅបរទេសនោះទេ។
លោករូហានី ដែលបានឈ្នះឆ្នោត២លើកដោយសារការសន្យាឲ្យអ៊ីរ៉ង់បើកទូលាយចំពោះពិភពលោកនោះ បាននិយាយថា ទង្វើររបស់សេតវិមានពិតជា “វិកលចារឹតខ្លាំងណាស់”៕
